DANIEL 11:18 - BUKUIT NE TILIL

¹⁸ Ak ye ibata nito, kotokyigei ngegusiek, ak konam che chang’: ago igesu bounindet chotisiet ne kiigoitoi inendet; ee, weekyin inendet chotisiennyi.

Bukuit Ne Tilil

¹⁸ Ak ye ibata niito, kotokyigei ngeguusyek, ak konam che chaang'. Ago igeesu pounindet chotisyet ne ki igoitoi ineendet; ee, weekyin ineendet chotisyennyi.

DANIEL 11:18 ပူးပေါင်းရင်းမြစ်များ

ESTA 10:1

King’at laitoriat Aasuerus aisurut eng’ emet, ak eng’ ngegusiekab nyanjet.

ISAIAH 66:19

Ak ande kaborunet kwenunywa, ak ayokte che chilildos eng’ ichek koba bororiosiek, koba Tarsis, Pul ak Lud, che ng’iei kwanget, agoi Tubal ak Jaban, agoi ngegusiek che looen, che tom kogas agobo kalosunennyu, anan kogeer torornatennyu; ak komwaita torornatennyu eng’ bororiosiek.

JEREMIA 2:10

Oba obun ngegusiek che bo Kitim, ak ogeer; ak oyokte bik koba Kedar, ak obwat komie; ak ogeer ngo kigobiit kiy ne u no.

JEREMIA 31:10

Ogas ng’olyotab Jehovah, ee okwek bororiosiek, ak omwaite nito eng’ ngegusiek che looen ole, Inendet ne kiiyesta Israel, koyumi ak korib, ko u ye ribei mestowot akwennyi.

EZEKIEL 27:6

Kigoyai ichek mugangoguk che kiwase beek, ketikab Basan; kiyae seremusieguk kelekab belek, che kigiliige taragonik che ter che bunu ngegusiekab Kitim.

HOSEA 12:14

Kitagis mising’ Epraim: noto anyun tebe korotikyik inendet, ak koweekyi Kiptaiyandennyi inendet tewernatennyi.

SEPANIA 2:11

Egu Jehovah kamuiset eng’ ichek: amu itenyi cheptalelisiek tugul che bo ng’ony; ak kolos bik tugul inendet, ilosu chi age tugul eng’ oldanyi, koboto ngegusiek tugul che bo bororiosiek.

MATAYO 7:2

Amu kiruoget ne oruochi, ko tun kiruogunenok noto: ak eng’ kerutiet ne ogere, ko tun kigerunenok noto.

KIRUOGIK 1:7

Ak kimwa Adoni-besek kole, Kiiyum amitwogik eng’ kureretab mesennyu laitorinik tamanwogik tisabu che kiga kitil morikwak che eechen che bo eunek ak che bo kelyek; ko u ye kiayai, ko kayaiywa Kamuktaindet ko u noto. Ak kiimut inendet kwo Jerusalem, ak kimechi oloto.