DANIEL 11:16 - BUKUIT NE TILIL

¹⁶ Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.

Bukuit Ne Tilil

¹⁶ Ago ineendet ne nyoonei kobaregei ak chiichooto koyaei ko uu ne machei, ama piitu chii ne imuuchi kotonon eng' tainnyi. Ak kotonon ineendet eng' emet ne karaaran miising', ak mi yooto tugul eunnyi.

DANIEL 11:16 ပူးပေါင်းရင်းမြစ်များ

ISAIAH 8:8

ak kobokto kwo Juda; ak koyom kosiir oloto; nyiiei kot koit kaatit; ak konyiiei kaiitoetab kebebaikyik tebeesindab emeng’ung’, ee Imanuel.

JEREMIA 3:19

Ago kiale, Amuktoi ano andein otebi ak lagok, ak agonin emet ne kararan, borotet ne mie ne bo lugosiekab bororiosiek? Ak kiale, Oguurena Baba; ama omastoi ometa.

DANIEL 11:3

Ak kobiit laitoriat ne kim mising’, ne tun bounisiei eng’ bounatet ne o, ak koyai ko u ye machei.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 11:41

Wendi inendet kogeny emet ne kararan, ak kigabui emotinwek che chang’: ago kisoru chu eng’ eunnyi, Edom, ak Moab, ak chu eechen che bo lagokab Amon.

DANIEL 11:45

Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 5:19

kibotanso ak koiyweis eng’ tainnyi bik tugul, bororiosiek tugul, ak che bo kutuswek tugul, amu oindo ne kiigochi inendet: kibarei ne kimachei kobar, ak kibagaktoi kosob ne kimakyin kosob; kiieeti ne kimachei koeet, ak kiiming’ini ne kimachei koming’in.

DANIEL 8:4

Kiageer mengoto kotoortoisiei kotokyigei cherongo, ak murot ne bo katam, ak murot ne bo tai; ama imuch tiong’ik kotononso eng’ tainnyi, ama biit ne kiimuch kosor eng’ eunnyi; ago kiyai ko u ye machei, ak koeetgei.

DANIEL 8:7

Ak kiageer inendet korikyi mengit, ak konerekyi mising’, ak kokwer mengoto, ak koiri kuinoikyik tuwai; ko mata kosich anyun kimnatet kotonon eng’ tainnyi: ago kiwirta kwo ng’ony, ak kotiech; ama biit chi ne kiimuch kosor mengit eng’ eunnyi.

DANIEL 8:9

Ak kimong’une kuinet ne ming’in age eng’ kuinoichoto, ne kieet mising’, kotokyigei murot ne bo tai, ak kong’asis, ak emet ne kararan mising’.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.