DANIEL 11:11 - BUKUIT NE TILIL

¹¹ Ak konerech laitoriatab murot ne bo tai, ak komong’ ak kobargei ak inendet: noto ko laitoriatab murot ne bo katam: ak kochob tuiyet ne o, ak kinde tuiyonoto eunekyik.

Bukuit Ne Tilil

¹¹ Ak konereech laitoryatap murot tai ak komong' kobargei ak laitoryatap murot kaataam, ak kochop tuiyet ne oo, ne nganda uu nooto, kindo tuiyonooto eunegap puunikyik.

DANIEL 11:11 ပူးပေါင်းရင်းမြစ်များ

1 LAITORINIK 20:13

Ak ogeero, kinyo maotiot ole mi Ahab laitoriatab Israel, ak kole, Kamwa ko u ni Jehovah, kole, Tos kaigeer tuiyoni o? Keero, andoi eung’ung’ rani si inai ile a Jehovah.

1 LAITORINIK 20:28

Ak kinyo chitab Kamuktaindet korik ak kong’alalji laitoriatab Israel, kole, Kamwa Jehovah ko u ni, kole, Amu komwa Suriek kole, Jehovah ko cheptalelitab tulonok, ma cheptalelitab atebwosiek; andoi anyun eung’ung’ tuiyoni o tugul, si onai ole a Jehovah.

TIENWOGIKAL 76:10

Iman ilosun neregekab bik: Iratege neregek che kang’et.

JEREMIA 27:6

Kaagochi anyun emotinwechuto tugul Nebukadnesar laitoriatab Babulon, otwogindennyu, kaagochi inendet tiong’ikab timin koot inendet.

DANIEL 11:12

Ak ye kagimut tuiyet, koeetgei eng’ muguleldanyi: ak kobar tamanusiekab elfusiek, ago maiterteri.

DANIEL 11:40

Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

DANIEL 11:44

Ago iimi inendet ng’alek che bunu kong’asis ak che bunu murot ne bo katam: ak kwo eng’ neregek che ng’wonen che eechen kwo kong’emis ak kobar che chang’.

DANIEL 11:5

Ak tun kimitu laitoriat ne bo murot ne bo tai, koboto age eng’ bounikyik; ak tun kimitu kosiir inendet, ak konyor bounatet; egu bounatennyi bounatet ne o.

DANIEL 2:38

ak kigogonin inendet oldo tugul ole menyei bik, ak tiong’ikab timin, ak taritikab barak kobwa eung’ung’ ak kigogonin ibou ichek tugul: inyendet metoto bo tahabu.

DANIEL 8:7

Ak kiageer inendet korikyi mengit, ak konerekyi mising’, ak kokwer mengoto, ak koiri kuinoikyik tuwai; ko mata kosich anyun kimnatet kotonon eng’ tainnyi: ago kiwirta kwo ng’ony, ak kotiech; ama biit chi ne kiimuch kosor mengit eng’ eunnyi.