DANIEL 10:6 - BUKUIT NE TILIL

⁶ ki u kogeny bortanyi berulo, ak ki u togennyi kalyelet, ak kiu konyekyik taisiek che bo mat, ak ki u eunekyik ak kelyekyik itondab sugunwet ne sitat, ak ki u twegunetab ng’alekyik twegunetab bik che chang’.

Bukuit Ne Tilil

⁶ Ki uu kogeny poortanyi berulo, ki uu togeennyi kalyeleet, ak ki uu konyekyik taisyek che po maat. Ki uu eunekyik ak keelyekyik itondap sugunwet ne sitaat, ak ki uu tweguunetap ng'aleekyik tweguunetap piik che chaang'.

DANIEL 10:6 ပူးပေါင်းရင်းမြစ်များ

KOMONG'U 28:20

ak inde oret ne bo ang’wan berulo, soam, ak jasipi: kitetyin koichato kelongonikab tahabu.

TYENDO NE SIIREI TUGUL 5:14

U eunekyik peteinikab tahabu che kigitetyi berulo: U bortanyi kelekab belek che kigiliige sapire.

EZEKIEL 1:14

Ak kiruaei tuguchoto soptos ak koweechegei ko u kakweng’etab kalyelet.

EZEKIEL 1:16

Ki u itondab cheptirochoto koboto boisienywa, itondab berulo: ak kitinyei ichek tugul ko ang’wan kergeindo agenge: ak ki u itondanywa ak boisienywa cheptiret ne mi kwenutab cheptiret age.

EZEKIEL 1:24

Ak kingobendi, agas kirgirenetab kebebaikwak ko u cheetab beek che chang’, ko u twegunetab Inendet ne bo Kamuktaet, ko u cheet ne imuuti, ne kergei ak cheetab luget: kingotononso kochoor kebebaikwak kobwa ng’ony.

EZEKIEL 1:7

Ak ki chuulotin kelyekwak; ak ki u keldebesaikab kelyekwak siokab moita: ak kiilyeldos ko u itondab sugunwet ne sitat.

EZEKIEL 10:9

Ak kiageer, ogeero, cheptirok ang’wan che kimi ole negite kerubik, ki negite cheptiret age kerubindet age, ak ki negite cheptiret age kerubindet age: ak ki u itondab cheptirochoto, itondab koita ne kiguure berulo.

EZEKIEL 40:3

Ak kiimutwa anyo yoto, ak ogeero, kimi yoto chi, ne ki u itondanyi itondab sugunwet kotinyei borowetab katanit eng’ eunnyi, ak tegat ne kikwaise; ak kitonone ormarichet.

EZEKIEL 8:2

Ageer anyun, ogeero, kergeindo ne u itondab mat; kong’eete itondab suennyi ak kwo ng’ony, ko ki u mat, ak kong’eete suennyi ak kwo barak, ko u itondab kakweng’et, ko u itondab taet.

MATAYO 17:2

ak kiwalak eng’ tainywa: ak kiiluu togennyi ko u asista, ak kileelagitu ngoroikyik ko u lapkeiyet.

MATAYO 28:3

Ki u kalyelet itondanyi, ak ki leelach mising’ ngoroikyik ko u teluji:

LUKA 9:29

Ak ye kita kosaei, kowalak itondab togennyi, ak koleelagitu ngoroikyik kot kolil bich.

NG'ANG'UTYET 10:1

Ak kiageer malaikaiyat age ne kim kochorugei eng’ kipsengwet, kolaachi boldet; ak kimi chemng’isiriet metinnyi, ak ki u togennyi asista, ak ki u kelyekyik tolochikab mat;

NG'ANG'UTYET 19:12

Ak ki u konyekyik liblibenetab mat, ak kimi metinnyi nariosiek che chang’; ak kotinyei kainet ne kigisir, ne mami chi ne ingen kobate inendet inegei.

NG'ANG'UTYET 2:18

Ak isirji malaikaiyatab kaniset ne mi Tuatera, ilenji: Mwaei tuguchu Weritab Jehovah, ne tinyei konyek che u liblibenetab mat, ak ko u kelyekyik sugunwet ne sitat:

NG'ANG'UTYET 21:20

ne bo mut ko sardonukso; ne bo lo ko sardio; ne bo tisab ko krusolito; ne bo sisiit ko berulo; ne bo sogol ko topasio; ne bo taman ko krusopraso; ne bo taman ak agenge ko huakinto; ne bo taman ak aeng’ ko ametusto.