DANIEL 10:16 - BUKUIT NE TILIL

¹⁶ Ak ogeero, kitwa kutinnyu age ne kergei ak werikab bik: ayat kutinnyu anyun, ang’alal, alenji inendet ne kitonon eng’ tainnyu, Ee kiptaiyandennyu, kagobwanja arogenosiekyuk amu ng’ang’utiet, ama ng’etwa kimnatet.

Bukuit Ne Tilil

¹⁶ Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

DANIEL 10:16 ပူးပေါင်းရင်းမြစ်များ

KOMONG'U 4:10

Ak kilenji Musa Jehovah, Bwa Kamuktaindet, mangen ang’alal, koboch agoi, anan koboch ngab ong’alal ak otwogindeng’ung’: amu mangen ang’alal ak ua kut.

KOMONG'U 4:13

Ak kile, Bwa Kamuktaindet, asain, iyokte eng’ eutab inendet ne imache iyokte.

AMDOINDET 1:18

Amu mi arogenet ne o ng’omnatet ne o: ak tesei arogenet inendet ne tesei ng’omnatet.

ISAIAH 6:7

Ak kitwae kutinnyu, ak kole, Keero, kagotwa kuting’ung’ nito; ak kageisto ng’ogistang’ung’, ak kagiundo tengektang’ung’.

JEREMIA 1:9

Koiito anyun Jehovah eunnyi, ak kotwa kutinnyu; ak kolenja Jehovah, Keero, kande ng’alekyuk kuting’ung’:

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

EZEKIEL 3:27

Ak ye ang’alalun ayate kuting’ung’, ak ilenji ichek, Mwaei Kiptaiyat Jehovah ko u ni kole, Ingogas inendet ne kasei; ak ingoesio inendet ne esioi: amu icheget ko got ne ngeleliot.

EZEKIEL 33:22

Kimi anyun eutab Jehovah baragunnyu koskoleny, kotomo koit inendet ne kichilili; ak kiga kogona Jehovah ang’alal, ye kingoitu chichoto karon ole kiami, ak kiang’alal, kimata konamaga kut.

DANIEL 12:8

Ak kiagas, ago ma aguiye: yeityo amwa ale, Ee kiptaiyandennyu, egu nee kagesunetab tuguchuto?

DANIEL 4:19

Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

DANIEL 7:15

Ago kiarogen ane Daniel eng’ tamirmiriennyu, ak kiima ng’ang’utik che kibwa metinnyu.

DANIEL 7:28

Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

DANIEL 8:15

Ak kingo kaageer ane Daniel ng’ang’utionoto, acheng’ anyun ale aguiyo; ak ogeero, kitonon eng’ tainnyu itonda ne u ne bo chi.

DANIEL 8:17

Kirik anyun ye kiatonone; ak kingoit ole ami, aiyweisie, ak abut kot kotiiny toget ng’ony: ago kilenja, Ee, weritab chi, iguiye anyun; amu bo ng’ang’utionito betusiek che bo let.

DANIEL 8:18

Kingota kong’alalwa, anuuch mising’, asieb mo: ago kitwaa ak kong’eeta.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

DANIEL 9:21

ee, ye kita ang’alali eng’ saet, kotwaa chichoto Gabriel, ne kitirirenu kochogu, ne kiga ageer eng’ tai eng’ ng’ang’utiet, konyo kotwaa eng’ olo bo sait ne kigoitoe kagochinetab koskoleny.

LUKA 1:64

Koyatak anyun kutinnyi ngunoto, ak kotiagak ng’elyeptanyi, ak kitwek kolos Jehovah.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

JOHANA 20:28

Kowolji Tomas kolenji, Kiptaiyandennyu ak ko Jehovah nenyu.

JOSHUA 5:14

Ak kile, Achicha; kanyo nguno aegu kiptaiyatab lugetab Jehovah. Ak kiing’uruk Josua kot koit ng’ony togennyi, ak kolos, ak kolenji, Mwachin nee kiptaiyandennyu otwogindennyi?

NG'ANG'UTYET 1:13

ak eng’ kwenutab kelyechoto bo taisiek, ageer chito ne kergei ak weritab chi, kolaachi ngoriet ne itei kelyek, ak koratategei birenetab tahabu eng’ teget.

KIRUOGIK 13:8

Kisa anyun Manoa Jehovah kole, Asain, ee Kamuktaindet, ingonyo kogeny chichoto bo Kamuktaindet, ne kogeyogu, konyo ole kimi konetech kit ne kiyachin lakwanato kisichei.

KIRUOGIK 6:13

Ak kilenji Gideon inendet, Bwa kiptaiyandennyu, ngot komi Jehovah kobotech, ko amu nee si kobwanjech tuguchu tugul? Ak mi ano boisionikyik tugul che bo kwong’et che kimwawech kwanisiekyok, kolenjech, Tos kima imutwech Jehovah ketogosu eng’ Misri? Ago kigobagaktech Jehovah, ak kondeech eunekab Midianik.

KIRUOGIK 6:15

Ak kolenji, Bwa Kiptaiyat, asorune nee Israel? Keero, orennyo ko bonon kosiir tugul che bo Manase, ak ko a ne ming’in eng’ tugul eng’ gotab kwandanyu.