DANIEL 10:13 - BUKUIT NE TILIL

¹³ Ago kiranya bounindetab bounatetab Persia eng’ betusiek tiptem ak agenge: ago keero, kinyo Mikael, age eng’ bounik che eechen kotoreta: ak kiatebe oloto koboto laitorinikab Persia.

Bukuit Ne Tilil

¹³ Ago ki raanya pounindet ne po pounatetap Persia eng' peetuusyek tiptem ak agenge. Ago keero, ki nyo Mikael, age eng' pounik che eecheen kotoreta, ak ki abagaach eng' olooto kobooto laitorinigap Persia.

DANIEL 10:13 ပူးပေါင်းရင်းမြစ်များ

EZRAH 4:24

Kotonon anyun boisietab gotab Kamuktaindet ne mi Jerusalem; ak kitonon agoi kenyit ne bo aeng’ ne bo laitornatetab Darius laitoriatab Persia.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

KOLOSAIK 2:10

ak keyaok oegu che nyiitotin eng’ inendet, ne metitab bounatet tugul ak kimnatet:

1 THESSALONIKEK 2:18

amu kigimache kebwa olong’wong’, agot ane Paulo, ko kiamache ak ko ta amache; ago kiranyech Setani.

1 PETERO 3:22

ne kikwa kipsengwet ak komi eutab tai ne bo Jehovah; ak kigiyai malaikaisiek ak bounatosiek ak kimnatosiek kogas it inendet.

JUDA 1:9

Ago ye kingobaregei Mikael, malaikaiyat ne o, ak oindet, kotiitos agobo mustab Musa, ko ma kany koipchi inendet kiruogetab chubet, ago kile, Ingogerin kong’ Kiptaiyat.

NG'ANG'UTYET 12:7

Ak kibiit luget eng’ kipsengwet: kiwa Mikael koboto malaikaisiekyik kobargei ak maswetit; ak kiyai luget maswetinoto ak malaikaisiekyik;