DANIEL 10:12 - BUKUIT NE TILIL

¹² Kolenja anyun, Ameiyweisie, Daniel; amu kigigasun ng’aleguk koboch betut ne bo tai ye kiimach iguiye eng’ muguleldang’ung’, ak iming’inge eng’ taitab Kamuktaindeng’ung’: ak kanyo amu ng’aleguk.

Bukuit Ne Tilil

¹² Koleenjo anyun, “Meiywei, Daniel; amu kobooch peetuut ne po tai ye ki imach iguiye eng' muguleldang'ung', ak iming'inge eng' taitap Kamuktaindeng'ung', ko ki kigasun ng'aleeguk; ak kanyo amu ng'aleeguk.

DANIEL 10:12 ပူးပေါင်းရင်းမြစ်များ

TIENWOGIKAL 69:10

Ak ye kiarire, aming’init sobondanyu eng’ karugutetab ge, Koek noto ne kirosya.

ISAIAH 35:4

Olenji ichek che arogendos, Ogimegitu, amoiyweisie: ogeero, nyonei Kamuktaindeng’wong’ ak yaaktaetab mugetut, koboto kageeretab Kamuktaindet; nyonei kosoruok.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 41:14

Ameiyweisie, inye Jakobo, ne i kutiet, ak okwek bikab Israel; atoretin, mwaei Jehovah, ak katiagindeng’ung’ ko Inendet ne Tilil ne bo Israel.

ISAIAH 58:9

Yeityo anyun iguurse, ak kowolun Jehovah; iguure, ak kole, Ami yu. Ngot iiste chogit eng’ kwenung’ung’, kang’wererisiet, ak ng’alalet ne ya;

ISAIAH 65:24

Ak ye tom koguurso, awolu; ak ye ta kong’alali, agas.

DANIEL 10:11

Ak kilenja, Ee Daniel, inye chito ne i chamat mising’, iguiye ng’alek che amwaun, ak itonon komie; amu kagiyokwa anyo oli imi: ak kingo kagomwawa ng’olyondonito, atonon abotani.

DANIEL 10:19

Ak kile, Ee inye, chito ne i chamat mising’ ameiywei: ingotebenen kalyet, kimitu, ee kimitu. Ak kingong’alalwa, agimitu anyun, ak kiale, Ingong’alal kiptaiyandennyu; amu kaigimita.

ATEPTAP LAWIK 16:29

Ak bunjin koigeny konetisioni eng’ okwek: oming’inge eng’ arawetab tisab, eng’ betutab taman ne bo arawanato, amat oyai boisiet age tugul, inendet ne kisikyin ga, anan bunotyot ne mi kobotok:

ATEPTAP LAWIK 16:31

Betunoto ko sabato ne bo kamuung’et eng’ okwek, ak oming’inigei; nito ng’atutiet ne bo koigeny.

KAITOSYEK 29:7

Ak onyoru kayumetab ge ne itabanat eng’ betutab taman ne bo arawanito bo tisab; ak onyalili sobonwekwok; amoyai boit age tugul:

MATAYO 28:10

Kilenji Jesu anyun ichek, Amoiywei: oba omwachi che kitupche koba Galili, ak kogeera eng’ olindo.

MATAYO 28:5

Ak kiwolji malaikaiyat kobogorisiek kolenji, Amoiywei okwek: amu angen ale, ocheng’e Jesu, ne kigigartat.

MARIKO 16:6

Ak kilenji ichek, Amokwong’ie: ocheng’e Jesu, Nasaretindet, ne kiga kigartat: kagong’eet; ma komi yu: ogeer ole kiga kinde inendet!

LUKA 1:13

Ago kilenji malaikaiyat inendet, Ameiyweisie, Sakaria: amu kogegasun someng’ung’, ak ta kosigun osotiondeng’ung’ Elisabet werit, ak iguure kainennyi Johana.

LUKA 1:30

Ak kilenji malaikaiyat inendet, Ameiywei, Maria: amu kainyoru chamet eng’ Jehovah.

LUKA 2:10

Ak kilenji malaikaiyat ichek, Amoiyweisie; ogeero, aibwok logoiywek che miach che bo boiboiyet ne o ne ityin bik tugul:

LUKA 24:38

Ak kilenji ichek, Koarogenji nee? Ak amu nee si kong’eetyo kererwekab met eng’ mugulelwekwok?

POISYONIGAP CHE KIYOKTOI 27:24

kole, Ameiyweisie, Paulo; kanyol itonon eng’ taitab Kaisari: ak keero, kagogonin Jehovah tugul che obendi tugul eng’ melit.

NG'ANG'UTYET 1:17

Ak kingageer inendet, abutyi kelyekyik ko u chito ne kagome. Ak kiigonoora eunnyi ne bo tai, ak kole, Ameiywei; anendet ko a ne bo tai ak ne bo let,