DANIEL 1:4 - BUKUIT NE TILIL

⁴ neranik che kima kotinyei berut, ak ko kororon, ak ko utotin eng’ ng’omnatet, che ng’omen eng’ naet, ak koguitos ung’otikab ng’omnatet, ak che u choto che kitinyei kamuget kotononso eng’ gotab laitoriat, si kobiit konet laitoriat ichek ng’omnatet ak kutitab Kaldeik.

Bukuit Ne Tilil

⁴ Ki imut neranik che ki ma kotinyei peruut, ak ko korooron, che utaatiin eng' ng'omnateet tugul, che ingen tugun ak koguitos tugun, ak che tinyei kamuget kobois eng' kootap laitoryat. Ki magaat kineet icheek ng'omnateet ak kutitap Kaldeik.

DANIEL 1:4 ပူးပေါင်းရင်းမြစ်များ

TAUNET 41:46

Ak ki bo Josep kenyisiek sosom ye kitononi eng’ taitab Parao, laitoriatab Misri. Ak kiwa Josep eng’ ole mi Parao, ak kibunot emet komugul ne bo Misri.

2 SAMUEL 14:25

Kima komi eng’ Israel tugul chito ne kigilosu eng’ kororonindo ko u Absalom: kima kotinyei berutiet kong’eete keldebesiet agoi metinnyi barak.

KALEWANAIK 22:29

Tos igeere chito ne igiiljingei boisiennyi? Tononi inendet eng’ taitab laitorinik; Matononi eng’ taitab bik che ma toogunotin.

AMDOINDET 7:19

Ng’omnatet ko kimnatetab chito ne ng’om ne siirei bounik taman che mi nganaset.

ISAIAH 36:11

Komwachi anyun Eliakim ak Sebna ak Joa Rabsake kolenji, Asomin ale, ng’alalji otwogiguk eng’ kutitab Suria; amu kigase: mat ing’alalwech eng’ kutitab Yahudik, kogasei bik che mi irimet barak.

JEREMIA 5:15

Ogeero, amutwok bororiet ne bunu ole loo, ee gotab Israel, mwaei Jehovah: bororiet ne kim, bororiet ne bo keny mising’, bororiet ne mengen kutinnyi, ameguitosi kit ne mwaei.

DANIEL 2:10

Kowol Kaldeik eng’ taitab laitoriat kole, Mami chi ng’ony ne imuchi kobor ng’olyondonoto bo laitoriat: amu mami laitoriat, anan chi ne o, anan ribindet ne kiga koteebe kit ne u noto chi age tugul ne ng’om ne ng’orsei anan ng’omotiotab kecheik anan Kaldeindet.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 3:8

Kirik anyun eng’ sainato Kaldeik alage koib kataamset ne kitaame Yahudik.

DANIEL 4:7

Kibwa anyun bik che ng’omen che ng’orsei, ng’omotikab kecheik, Kaldeik ak kipsogeinik: ak kiamwachi ichek karuotitaonoto; ago ma iborua kaweeksennyi.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

DANIEL 9:1

Ak kenyit ne bo tai ne bo Darius weritab Aasuerus, ne kisalu Medik, ne kiginde koek laitoriat koboi bounatetab Kaldeik;

SEKARIA 2:4

ak kolenji inendet, Labat, ng’alalji murenoni, ilenji, Kimenyei Jerusalem ko u ye kimenyei nganasok che mengechen che matinyei irimoik, amu chang’indab bik ak tuga che mi.

POISYONIGAP CHE KIYOKTOI 7:20

Ak kigisich Musa eng’ betusiechoto, ak ki kararan inendet mising’; ak kigigu eng’ gotab kwandanyi arawek somok;

POISYONIGAP CHE KIYOKTOI 7:22

Ak kiginet Musa ng’omnatet tugul ne bo Misrik; ak ki kim eng’ ng’alekyik ak boisionikyik.

EPESOEK 5:27

si kobiit komutyigei kaniset, noto ne bo torornatet, ne matinyei kunenden anan siring’ut anan kiy age tugul ne u noto; ago koek ne tilil ne matinyei tisia.

KIRUOGIK 8:18

Kolenji anyun Seba ak Salmuna, Ki bich nee bik che kiobar eng’ Tabor? Ak kiwolji kolenji, Kit ne i u, ko ki u noto agichek. Ki u inye; ki kergei age tugul ak lagokab laitoriat.