DANIEL 1:20 - BUKUIT NE TILIL

²⁰ Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

Bukuit Ne Tilil

²⁰ Eng' kiit age tugul ne po utaatyet ak naet ne ki kateepse `laitoryat pichooto, ko ki keer anyun ineendet kole siirei `pichooto konyil taman piik tugul che ng'oomen, che ng'oorsei, ak ng'amotigap kecheik che ki mi pounatennyi tugul.

DANIEL 1:20 ပူးပေါင်းရင်းမြစ်များ

TAUNET 31:7

Ak kigoberbera kwandang’wong’ ak kigowal melektanyu konyil taman; ago ma chamji Kamuktaindet koyaiywa ne ya.

TAUNET 41:8

Ak kingoeech karon, koiimgei eng’ muguleldanyi; ak kiiyokto keguur sirik tugul che ng’omen che bo Misri, che ng’orsei, ak bik tugul che ng’omen che kimitei: ak kitetyi Parao ichek karuotitoennyi; ago kima biit chi ne kiimuch koguiyechi Parao karuotitaosiekyik.

NEEMIA 4:12

Ak kingobwa Yahudik che kimenyei ole negite ichek, komwawech konyil taman eng’ komoswek tugul, kole, Kanyol oweekyeige.

Kitabuutap JOB 19:3

Kaochota konyil chu taman: Molilandosi amu oyaiywa ne uui.

TIENWOGIKAL 119:99

Atinye naet ne o asiir konetikyuk tugul; Amu kabwatennyu baornatosieguk.

KOMONG'U 7:22

Ak kiyai ko u noto bik che ng’omen che ng’orsei che bo Misri eng’ ng’orsenywa: ak kiuuit muguleldab Parao, ak kima kas ichek; ko u ye kiga mwa Jehovah.

KOMONG'U 8:19

Kimwachi anyun bik che ng’omen che ng’orsei, Parao, kolenji, Mornetab Kamuktaindet nito: ak kiuuiit muguleldab Parao, ak ma kas ichek; ko u ye kiga komwa Jehovah.

KOMONG'U 8:7

Ak kiyai bik che ng’omen che ng’orsei ko u noto eng’ ng’orsenywa, ak kiimoong’ji mororochik emetab Misri.

ISAIAH 19:3

Ak tun kiyaei koek buch tamirmirietab Misri eng’ kwenunnyi; ak ang’em kiruogennyi: ak koba kocheng’ kanamonik, ak bik che abusisiei, ak che boisie oik, ak bonik.

EZEKIEL 28:3

keero, i ng’om isiir Daniel; mami ung’otiet ne imuchi ichek koung’enen:

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 2:13

Kigimwaita anyun ng’atutiet kele kebar bik che ng’omen; ak kigicheng’ Daniel ak choronokyik kele kebar.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 5:17

Kowolji anyun Daniel laitoriat kolenji, Ingobunjin kagochinoiguk, ak igochi melekweguk chito age; ago asomanjini laitoriat sirutichoto, ak aborjini inendet kaweekset.

KAITOSYEK 14:22

amu bicho tugul che kigogeer tororindanyu ak kaborunoikyuk, che kiayai eng’ Misri ak eng’ ong’atet, ak kigotiema konyil chu taman, ama epchin it kutinnyu;