DANIEL 1:17 - BUKUIT NE TILIL

¹⁷ Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

Bukuit Ne Tilil

¹⁷ Ago ki igoochi Kamuktaindet naet ak utaatyet neranichuuto ang'wan eng' kaneetetapkei tugul ak ng'omnateet. Ki tinyei Daniel kaguiyet ne po ng'ang'utik tugul ak karwotitaosyek.

DANIEL 1:17 ပူးပေါင်းရင်းမြစ်များ

1 LAITORINIK 3:12

keero, kaayai ko u ng’olyondeng’ung’; keero, kaagonin muguleldo ne ng’om, ak kotinyei kaguiyet; ne kitomo kobiitu age ne ogerge, ama kobiitu age ne ogerge eng’ let.

1 LAITORINIK 3:28

Ak kigas Israel tugul kiruoget ne kiiruoch laitoriat; ak kiiywei laitoriat: amu kigeer kole mi ng’omnatetab Kamuktaindet eng’ inendet, si kobiit koruoch.

2 ATEPTAP PEETUUSYEK 1:10

Kona anyun ng’omnatet ak naet, si amuch amanda ak anyo eng’ taitab bichu: amu ng’o ne imuchi koruokyi bichuguk chang’ ko u ni?

2 ATEPTAP PEETUUSYEK 1:12

kagegonin anyun ng’omnatet ak naet; ak agonin magornatosiek, ak chang’indab tuguk, ak teegisto, che tom konyor laitorinik che kigondounenen, ama kobiitu age ne nyoru ko u noto.

2 ATEPTAP PEETUUSYEK 26:5

Ak kiigiil muguleldanyi kocheng’ Kamuktaindet eng’ betusiekab Sekaria, ne kitinyei kaguiyet agobo ng’ang’utietab Kamuktaindet: ak eng’ betusiek tugul che kicheng’ Jehovah, ko kiiberur Kamuktaindet inendet.

Kitabuutap JOB 32:8

Ago mi tamirmiriet chito, Igochin kabusetab Inendet ne bo Kamuktaet ichek kaguiyet.

KALEWANAIK 2:6

Amu igoitoi Jehovah ng’omnatet: Mong’une kutinnyi naet ak kaguiyet:

AMDOINDET 2:26

Amu igochin Kamuktaindet ng’omnatet, ak naet, ak boiboiyet chito ne iboiboi inendet: ago igochin kiptengekyot boisietab nyalilda, si kobiit koyum ak kotes, ak kogochi inendet ne iboiboi Kamuktaindet. Buch nito agine ak ko kaiimetab ge ne bo buch.

ISAIAH 28:26

Amu itigoni Kamuktaindennyi inendet komie, ak konet.

EZEKIEL 28:3

keero, i ng’om isiir Daniel; mami ung’otiet ne imuchi ichek koung’enen:

DANIEL 1:18

Ak kingogesgei betusiek che king’at laitoriat kole kimut ichek kobwa go, komut bounindetab kiptainik ichek kobwa taitab Nebukadnesar.

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 1:4

neranik che kima kotinyei berut, ak ko kororon, ak ko utotin eng’ ng’omnatet, che ng’omen eng’ naet, ak koguitos ung’otikab ng’omnatet, ak che u choto che kitinyei kamuget kotononso eng’ gotab laitoriat, si kobiit konet laitoriat ichek ng’omnatet ak kutitab Kaldeik.

DANIEL 10:1

Kiging’ang’ji Daniel ne kigiguure Beltesasar kiy eng’ kenyit ne bo somok ne bo Kirus laitoriatab Persia; ak ki bo iman kioto, noto ko ki boriet ne o: ak kiiguiyo, ak konyor kaguiyetab ng’ang’utiet.

DANIEL 2:19

Kiging’ang’ji anyun Daniel ung’otionoto eng’ ng’ang’utiet ne bo kemoi. Kiilos anyun Daniel Kamuktaindetab kipsengwet.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 2:23

Aweegun kongoi, ak alosun, ee inye, Kamuktaindetab kwanisiekyuk, ne kiigona ng’omnatet ak kamuget, ak kaiborun nguno kit ne kogimagenen: amu kaiboruech ng’olyotab laitoriat.

DANIEL 2:30

Ago eng’ ane, ko ma king’ang’wa ung’otionito amu ng’omnatet age tugul ne atinye kosiir chi age tugul ne sobei, ago si kobiit kiborji laitoriat kaweekset, ak si kobiit inai kabwatutikab muguleldang’ung’.

DANIEL 4:6

Kiang’at anyun ng’atutiet ale kimut bik tugul che ng’omen che bo Babulon kobwa tainnyu, si kobiit koborua kaweeksetab karuotitoet.

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 7:1

Kiiruotyi Daniel karuotitoet, ak kobwanji metinnyi ng’ang’utik eng’ itogunnyi eng’ kenyit ne bo tai ne bo Belsasar laitoriatab Babulon: kisir anyun ng’alekab karuotitaonoto, ak komwaita ng’alek che eechen che bo karuotitaonoto.

DANIEL 8:1

Kinyonja ane Daniel, ng’ang’utiet ne u ne kiga ageer eng’ tai, eng’ kenyit ne bo somok ne bo laitoriat Belsasar.

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

POISYONIGAP CHE KIYOKTOI 6:10

Ak kima imuch ichek kogirinda ng’omnatet ak Tamirmiriet ne king’alale inendet.

POISYONIGAP CHE KIYOKTOI 7:10

ak kisor inendet eng’ nyalilwogikyik tugul, ak kogochi chamet ak ng’omnatet eng’ taitab Parao laitoriatab Misri; ne kiinde inendet koek bounindet eng’ Misri ak gonnyi tugul.

POISYONIGAP CHE KIYOKTOI 7:22

Ak kiginet Musa ng’omnatet tugul ne bo Misrik; ak ki kim eng’ ng’alekyik ak boisionikyik.

KOLOSAIK 1:9

Amu nito anyun, ko magimete kesa ak kesom agobo okwek koboch betut ne kingegas, kele konyiiak naetab magennyi eng’ ng’omnatet tugul ne bo tamirmiriet ak kaguiyet,

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.