DANIEL 1:1 - BUKUIT NE TILIL

¹ Kinyo Nebukadnesar laitoriatab Babulon Jerusalem, ak koyiem eng’ kenyitab somok ne bo laitornatetab Jeoiakim laitoriatab Juda.

Bukuit Ne Tilil

¹ Eng' kenyiitap somok ne po laitornatetap Jehoiakim laitoryatap Judah, ko ki nyo Nebukadnezar laitoryatap Babilon Jerusalem, ak koyiem nganaseet.

DANIEL 1:1 ပူးပေါင်းရင်းမြစ်များ

2 LAITORINIK 23:36

Ki bo kenyisiek tiptem ak mut Jeoiakim ye kitau kolaitorani; ak kilaitoran kenyisiek taman ak agenge eng’ Jerusalem: ak kainetab kamennyi ko ki Sebida cheptab Pedaia ne bo Ruma.

2 LAITORINIK 24:13

Ak kiib eng’ yoto konoraik tugul che bo gotab Jehovah, ak konoraikab gotab laitoriat, ak kotuatui terenik tugul che bo tahabu komengegitu che kiga yai Solomon laitoriatab Israel eng’ hekalutab Jehovah, ko u ye kiga mwa Jehovah.

ISAIAH 39:7

Ak komuti alak eng’ weriguk che mong’unenen, che isiche; ak koba koek ichek kiptainik eng’ gotab laitoriatab Babulon.

JEREMIA 25:1

Kinyonji ng’olyot Jeremia agobo bik tugul che bo Juda eng’ kenyit ne bo ang’wan ne bo Jeoiakim weritab Josia, laitoriatab Juda; kenyit ne bo tai noto ne bo Nebukadresar laitoriatab Babulon;

JEREMIA 35:1

Kinyonji Jeremia ng’olyot ne kibunu Jehovah eng’ betusiekab Jeoiakim weritab Josia, laitoriatab Juda, kolenji,

JEREMIA 35:11

Ago ye kinyo Nebukadresar laitoriatab Babulon emoni, ko kigile, Obwa kebe Jerusalem amu kiywei lugetab Kaldeik, ak kiywei lugetab Suriek; kemeny anyun Jerusalem.

JEREMIA 36:1

Kinyonji Jeremia ng’olyondoni ne kibunu Jehovah eng’ kenyit ne bo ang’wan ne bo Jeoiakim weritab Josia, laitoriatab Juda, kolenji,

JEREMIA 45:1

Kimwachi maotiot Jeremia Baruk weritab Neria, ng’olyot ye kisirjin bukuit ng’alechu komwaei Jeremia, eng’ kenyitab ang’wan ne bo Jeoiakim weritab Josia laitoriatab Juda, kolenji,

JEREMIA 50:1

Ni ng’olyot ne kimwa Jehovah eng’ maotiot Jeremia agobo Babulon, agobo emetab Kaldeik.

JEREMIA 52:12

Ak eng’ arawetab mut, eng’ betutab taman ne bo arawanato, ne ki kenyitab taman ak sogol ne bo laitoriat Nebukadresar laitoriatab Babulon, konyo Nebusaradan, kiptaiyatab ribik, ne kitononi eng’ taitab laitoriatab Babulon, agoi Jerusalem:

JEREMIA 52:28

Chu bik che kiimut Nebukadresar koluul: eng’ kenyitab tisab ko kiluul Yahudik elfusiek somok ak tiptem ak somok:

DANIEL 5:13

Kigimut anyun Daniel konyo taitab laitoriat. King’alal laitoriat kolenji Daniel, Tos i Daniel, ne i bo lagokab bik che kigiluul che bo Juda, che kiimutu laitoriat kwandanyu eng’ Juda?