AMOS 9:14 - BUKUIT NE TILIL

¹⁴ Ak amutu kogeny bikyuk Israel che kiga keluul, ak koteech nganasok che kiga koek karatwek, ak komeny oloto; ak komin mbarenikab sabibuk, ak koeei divaikab mbarenichato; ak kobatis, ak koam logoekab mbarenichato.

Bukuit Ne Tilil

¹⁴ Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

BUKUIT NE TILIIL Sireet ne Dutero Kanon

¹⁴ Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

AMOS 9:14 ပူးပေါင်းရင်းမြစ်များ

TIENWOGIKAL 107:37

Ak kogol mbarenik, ak komin ketikab sabibuk, Ak koges ruratenywa.

TIENWOGIKAL 53:6

Kita mie nda kiga bun yetunetab Israel Sion! Ye tun weechi Kamuktaindet bikyik che kigiluul, Koboiboitu anyun Jakobo, ak kogasgei Israel.

ISAIAH 60:4

Yot met ak igeer komoswek tugul: iyumigei ichek tugul, ak kobwanjin: bunu weriguk ole loo, ak keganabu tibiguk.

ISAIAH 61:4

Ak koteech kogeny karatwek che bo keny, koteech kole kiga koguber eng’ tai, ak koteech kogeny nganasok che kigemeto, ole kiga koguber eng’ ibinwek che chang’.

ISAIAH 65:21

Ak koteech gorik, ak komeny; ak komin sabibuk eng’ mbarenik, ak koam logoekwak.

JEREMIA 12:15

Ak ye kaatut ichek, aweechige ak arire ichek; ak amutu kogeny, konyo age tugul borotennyi, ak konyo age tugul emennyi.

JEREMIA 16:15

ago, kilen, Ko u ye sobei Jehovah, ne kiimut lagokab Israel eng’ emetab murot ne bo katam, ak eng’ emotinwek tugul che kiga koonji ichek: ak amutu ichek kogeny kobwa emenywa ne kiagochi kwanisiekwak.

JEREMIA 23:8

Ago, mwaei kole, Ko u ye sobei Jehovah, ne kiimut iyotetab gotab Israel komong’ eng’ emet ne bo murot ne bo katam, ak eng’ emotinwek tugul ole kigaonji ichek, ak komeny emenywa.

JEREMIA 24:6

Amu ageere ichek si koteb eng’ mieindo, ak amutu kogeny kobwa emoni: ak ateech ichek, ak ma abute; amine, ama atutu.

JEREMIA 29:14

Ak onyorua, mwaei Jehovah, ak awal luuleng’wong’, ak ayumak omong’une bororiosiek tugul, ak eng’ komoswek tugul ole kiaonjok, mwaei Jehovah; ak amutwak kogeny obwa olito kiagoitoenok.

JEREMIA 30:18

Mwaei Jehovah ko u ni kole, Ogeero, awale kogeny luuletab emaisiekab Jakobo, ak arire meng’otosiekyik; ak keteech nganaset karaitanyi, ak kotebi gotab laitoriat ko u yeginye.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 31:28

Ak ko u ye kiarib ichek si kobiit atut ak agabui ak ang’em, ak anyalil, aribe anyun ichek ko u noto si kobiit ateech ak amin, mwaei Jehovah.

JEREMIA 31:5

Ak imin kogeny sabibuk eng’ tulonokab Samaria: minsei minik, ak koboiboitune logoechoto.

JEREMIA 32:15

Amu mwaei Jehovah ne bo lugosiek, Kamuktaindetab Israel, ko u ni kole: Ta kealei kogeny gorik ak mbarenik ak mbarenikab sabibuk eng’ emoni.

JEREMIA 32:37

Ogeero, ayumi ichek komong’ eng’ emotinwek tugul che kigaonji ichek amu neregekyuk, ak eng’ neregekyuk che ng’wonen, ak eng’ neregek che eechen, ak amutu ichek kogeny kobwa olito, ak agochi komeny eng’ chametab ge.

JEREMIA 33:11

kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.

JEREMIA 33:7

Ak agochi Juda ak Israel koweek eng’ ole kiga kiluulji, ak ateech ichek ko u eng’ tai.

EZEKIEL 16:53

Ak aweech kogeny ichek che kigeluul, che kigeluul che bo Sodom koboto tibikyik, ak che kigeluul che bo Samaria, koboto tibikyik, ak che kigeluul che bo luuleniguk che mi kwenunywa;

EZEKIEL 28:26

Ak komeny oloto eng’ chametab ge; ee teechei gorik, ak komin sabibuk, ak komeng’is eng’ chametab ge; ye tun kaaruokyi ichek tugul che sasei ichek che mi komoswekwak tugul; si konai kole a Jehovah Kamuktaindenywa.

EZEKIEL 37:21

Ak ilenji ichek, Mwaei Kiptaiyat Jehovah ko u ni kole: Ogeero, amutu lagokab Israel komong’ eng’ bororiosiek, ole kigoba, ak ayum ichek eng’ komosta agenge tugul, ak amutu ichek kobwa emenywa.

EZEKIEL 39:25

Mwaei anyun Kiptaiyat Jehovah ko u ni kole: Amutu kogeny che kigiluul che bo Jakobo, ak arire got komugul ne bo Israel; ak koama ng’etkong’ agobo kainennyu ne tilil.

AMOS 5:11

Amu kiotiechatiech kibananok, ak omage ichek bek eng’ kimnatet: kioteech anyun gorik eng’ koik che kigiwai, ago momenye gorjoto; kiomin mbarenik che kororon che bo sabibuk, ago moee divaikwak.

SEPANIA 1:13

Ak keluul magornatenywa, ak koguber gorikwak: ee, teechei gorik, ago mamenyei; ak komin mbarenikab sabibuk, ago maeei divaikwak.

SEPANIA 2:7

Ak kobunji ngegut bik che king’et che bo gotab Juda; iyage akwotisiekwak oloto: ruitos eng’ gorikab Askelon koskoleny; amu rutochin Jehovah Kamuktaindenywa, ak komut ichek kogeny eng’ ole kiga kiluulji.