AMOS 8:8 - BUKUIT NE TILIL

⁸ Tos mabotani emet amu nito, ak korir age tugul ne menyei oloto? Ee, ng’eetei komugul ko u Ainet; ak koiimgei ak koteny kogeny, ko u Ainet ne bo Misri.

Bukuit Ne Tilil

⁸ Tos ma potani emet amu niito, ak koriir age tugul ne menyei olooto? Ee, ng'eetei komugul ko uu aineet; ak koiimgei ak koteeny kogeny, ko uu aineet ne po Misiri.

BUKUIT NE TILIIL Sireet ne Dutero Kanon

⁸ Tos ma potani emet amu niito, ak koriir age tugul ne menyei olooto? Ee, ng'eetei komugul ko uu aineet; ak koiimgei ak koteeny kogeny, ko uu aineet ne po Misiri.

AMOS 8:8 ပူးပေါင်းရင်းမြစ်များ

TIENWOGIKAL 18:7

Kigirgiren ng’ony anyun, ak kibotan, Kitwagei lumeiywekab tulonok, Ak kotumdumgei, amu kinerech.

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

JEREMIA 12:4

Iteei emet kot kotianit, ak korestos sogekab emet komugul? Amu sogornatetab bik che menyei oloto, kigiges anyun, kigobek tiong’ik, ak taritik; amu kile ichek, Mageerei inendet kagesunennyo.

JEREMIA 46:7

Ng’o ni ng’eetei ko u Nael, ne wasegei beekyik ko u ainosiek?

JEREMIA 46:8

Ng’eetei Misri ko u Nael, ak wasegei beekyik ko u ainosiek: ak len, Ang’eete ak atuch emet; ang’eme nganaset ak bik che menyei oloto.

JEREMIA 51:29

Ak kobotan emet ak komi eng’ ng’wanindo: amu tonondos chobutikab Jehovah che kichobei agobo Babulon, si kobiit koyai emetab Babulon koek karatia, ole mamenyei chi.

DANIEL 9:26

Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

HOSEA 10:5

Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 4:3

Rirei anyun emet, ak nyaluli age tugul ne menyei oloto, koboto tiong’ikab timin ak taritikab barak; ee, kiistoi agichek njirenikab nyanjet.

AMOS 8:10

Ak awal igorwekwok koek rirek, ak awal tienwogikwok tugul koek kateiyet; ak agochi bik tugul kogermenegei kuniok, ak koam bosta chi tugul; ak ayae noto koek che kirirjin werit ne kigii inegei, ak ayae kagesunennyi koek betut ne ng’wan.

AMOS 9:5

Amu Kiptaiyat Jehovah ne bo lugosiek, ko inendet ne twaei emet si kochoot, ak koririo tugul che menyei oloto; ak ng’eetei emet komugul ko u Ainet; ak koteny kogeny ko u Ainet ne bo Misri.

NAHUM 1:8

Ago igesu komosato eng’ maranet ne o, ak koon bunikyik koba mesundeito.

MATAYO 24:30

ak kotook anyun eng’ kipsengwet kaborunetab Weritab chi: ak koteiyo anyun bororiosiek tugul che bo ng’ony, ak kogeer konyonei Weritab chi eng’ baragutab bolik che bo kipsengwet ak kimnatet ak lilindo ne o.