AMOS 8:2 - BUKUIT NE TILIL

² Ak kilenja, Amos, igeere nee? Ak kialenji, Ageere kitongetab logoek che bo kemeut. Kilenja anyun Jehovah, Kanyonji kagesunet bikyuk Israel; ma abune kogeny ole mi ichek.

Bukuit Ne Tilil

² Ak ki leenjo, “Amos, igeere nee?” Ak ki aleenji, “Ageere kitongetap logoek che po kemeut.” Ki leenjo anyun Kamuktaindet ne Toroor, kanyonji kagesunet piikyuk Israel; ma abune kogeny ole mi icheek.

BUKUIT NE TILIIL Sireet ne Dutero Kanon

² Ak ki leenjo, “Amos, igeere nee?” Ak ki aleenji, “Ageere kitongetap logoek che po kemeut.” Ki leenjo anyun Kamuktaindet ne Toroor, kanyonji kagesunet piikyuk Israel; ma abune kogeny ole mi icheek.

AMOS 8:2 ပူးပေါင်းရင်းမြစ်များ

TAUNET 6:13

Kilenji Kamuktaindet Noa, Kagoit tainnyu kagesunetab borwek tugul; amu kanyi ng’ony koromnatet amu ichek; eng’ noto anyun, ang’eme ichek koboto ng’ony.

ISAIAH 28:4

kergeitu taptet ne resei ne bo kororonindab torornatennyi, ne mitei metitab atebwet ne akwai, ak logoiyatab mogoiywet ne kiga sib korur ko tomo kobiit kemeut; ne ye keer chi koam eng’ yoto kota komi eunnyi.

JEREMIA 40:10

Ago amenye ane Mispa, si kobiit atonone taitab Kaldeik, che bwanjinech: ago oyum okwek divaik, logoekab kemei, ak mwanik, ak onde terenikwok, omeny nganasokwok che koonam.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

RIREKAB JEREMIA 4:18

Sapchin kakwautikyok, kot ko magimuchi kebe eng’ ortinwekyok: Karik kagesunennyo, kagoyam betusiekyok; amu kait kagesunennyo.

EZEKIEL 12:23

Mwachi anyun ichek ilenji, Mwaei Kiptaiyat Jehovah ko u ni kole: Agesu kalewenoni, si ma koboisie kogeny koek kalewenet eng’ Israel; ago mwachi ilenji, Kagorik betusiek, ak kasuldaetab ng’ang’utiet age tugul.

EZEKIEL 29:8

Mwaei anyun Kiptaiyat Jehovah ko u ni kole: Keero, aibun rotwetab chok, ak abar eng’ kwenung’ung’ chi ak tiony.

EZEKIEL 3:10

Kimwawa inendet kogeny kolenja, Ee weritab chi, taach eng’ muguleldang’ung’ ak igas eng’ itiguk, ng’alekyuk tugul che amwaun.

EZEKIEL 3:7

Ago magasin gotab Israel; amu mamachei ichek kogasa: amu uuen togochikab got komugul ne bo Israel, ak ko uuen mugulelwekwak.

EZEKIEL 7:6

Kagonyo kagesunet, ng’eetyinin; keero, nyonei.

EZEKIEL 8:12

Kilenja anyun inendet, Ee weritab chi, tos kaigeer kit ne yaei boisiekab gotab Israel, eng’ ole imen, komi chi age tugul gorikyik che bo orit che bo kanamonik? Amu len ichek, Mageerech Jehovah; kigometo Jehovah emoni.

EZEKIEL 8:17

Yeityo kolenja, Kaigeer nito-o, weritab chi? Tos kiy ne ming’in eng’ gotab Juda ngo yai ichek eng’ olito tuguk che kiwechei? Amu kigonyiit emet koromnatet, ak kigowelelgei kogeny kotacha: ak keero, indoi temetab ketit serunekwak.

EZEKIEL 8:6

Ak kilenja inendet, Ee weritab chi, igeere kit ne yaei ichek? Choto ko tuguk che eechen che kiwechei che yaei gotab Israel eng’ yu, si awa alooit eng’ oldanyu ne tilil? Ago ta igeere kogeny tuguk alak che eechen che kiwechei.

HOSEA 9:7

Kagoit betusiek che kiitu biret, kagoit betusiek che kiyaaktoisie; naei Israel noto: berber maotiot, amei iywek chito ne tinyei tamirmiriet, amu oindab tengektang’ung’, ak amu o bunyondit.

AMOS 7:8

Ak kilenja Jehovah, Amos, igeere nee? Ak kiale, Ageere borowet ne kilititisie. Kile anyun Kiptaiyat, Keero, andoi borowet ne kilititisie kwenutab bikyuk Israel; ma abune kogeny ole mi ichek:

AMOS 8:1

Kiiborua Kiptaiyat Jehovah ko u ni: ogeero, kitongetab logoek che bo kemeut.

MIKAH 7:1

Bwa ane! Amu a u yo kagiyum logoekab kemei, a u turonik che bo sabibuk: mami logoek che irurugotin che kimuchi keam; machei sobondanyu tongoaniatab mogoiywet.

SEKARIA 5:2

Ak kilenja, Igeere nee? Ak kiawolji alenji, Ageere bukuit ne mamanat ne tirireni; koindanyi ko kakwautik tiptem che bo eut, ak tebeesindanyi ko kakwautik taman che bo eut.