AMOS 7:6 - BUKUIT NE TILIL

⁶ Kiwal Jehovah kabwatutikyik agobo nito: Mabiitu nito agine, mwaei Kiptaiyat Jehovah.

Bukuit Ne Tilil

⁶ Ki wal Kamuktaindet ne Toroor kabwaatutikyik agobo niito; “Ma piitu niito agine,” mwaei Kiptaiyat Kamuktaindet ne Toroor.

BUKUIT NE TILIIL Sireet ne Dutero Kanon

⁶ Ki wal Kamuktaindet ne Toroor kabwaatutikyik agobo niito; “Ma piitu niito agine,” mwaei Kiptaiyat Kamuktaindet ne Toroor.

AMOS 7:6 ပူးပေါင်းရင်းမြစ်များ

TAUNET 6:7

Ak kimwa Jehovah kole, Abere awong’u bik che kiatau ayai eng’ ng’ony komugul; kong’eete chi, ak tiony, ak ne ichuutegei, agoi tarit age tugul ne bo barak; kima ko ta mie ayai ichek.

1 ATEPTAP PEETUUSYEK 21:15

Ak kiiyokto Kamuktaindet malaikaiyat kwo kobar Jerusalem: ak ye ki negit kobar, kogeer Jehovah, ak kowal kabwatennyi agobo yaitionoto, ak kolenji malaikaiyat ne kibarisiei, Kagoyam; bagakte. Ak kitonone malaikaiyatab Jehovah ole negit ruanyut ne kiborse ne bo Ornan Jebusindet.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

TIENWOGIKAL 135:14

Amu iruoksechin Jehovah bikyik, Ak koriregei kiboitinikyik.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 90:13

Weeguge, ee Jehovah; tianitu? Ak irirege kiboitiniguk.

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

JOEL 2:13

ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

AMOS 7:3

Kiwal Jehovah kabwatutikyik agobo nito: mabiitu ko u noto, mwaei Jehovah.

AMOS 7:7

Kiiborua inendet ko u ni: ogeero, kitonone Kiptaiyat ole negite inatut ne kigilitite borowet, kotinyei eng’ eunnyi borowet ne kilititisie.

JONAH 3:10

Ak kigeer Kamuktaindet boisionikwak, kole kaweek kometo orenywa ne ya; ak kiwal Kamuktaindet kabwatutikyik agobo yaitiet, ne kiga mwa kole yachin ichek; ak mata koyai.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.