AMOS 7:3 - BUKUIT NE TILIL

³ Kiwal Jehovah kabwatutikyik agobo nito: mabiitu ko u noto, mwaei Jehovah.

Bukuit Ne Tilil

³ Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

BUKUIT NE TILIIL Sireet ne Dutero Kanon

³ Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

AMOS 7:3 ပူးပေါင်းရင်းမြစ်များ

TAUNET 6:7

Ak kimwa Jehovah kole, Abere awong’u bik che kiatau ayai eng’ ng’ony komugul; kong’eete chi, ak tiony, ak ne ichuutegei, agoi tarit age tugul ne bo barak; kima ko ta mie ayai ichek.

1 ATEPTAP PEETUUSYEK 21:15

Ak kiiyokto Kamuktaindet malaikaiyat kwo kobar Jerusalem: ak ye ki negit kobar, kogeer Jehovah, ak kowal kabwatennyi agobo yaitionoto, ak kolenji malaikaiyat ne kibarisiei, Kagoyam; bagakte. Ak kitonone malaikaiyatab Jehovah ole negit ruanyut ne kiborse ne bo Ornan Jebusindet.

TIENWOGIKAL 106:45

Ak kiibwat kayomisennyi ne kigayomisyi ichek, Ak kirire ichek ko u chang’indab rirenosiekyik.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 90:13

Weeguge, ee Jehovah; tianitu? Ak irirege kiboitiniguk.

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

JOEL 2:13

ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

JOEL 2:14

Ng’o ne ingen ngo tos ma week ak kowal kabwatutikyik, ak kobagakta kaberuret eng’ ole kabunei, agot kagochinetab busiek ak kagochinet ne kieei ne kigochin Jehovah Kamuktaindeng’wong’?

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

AMOS 7:6

Kiwal Jehovah kabwatutikyik agobo nito: Mabiitu nito agine, mwaei Kiptaiyat Jehovah.

JONAH 3:10

Ak kigeer Kamuktaindet boisionikwak, kole kaweek kometo orenywa ne ya; ak kiwal Kamuktaindet kabwatutikyik agobo yaitiet, ne kiga mwa kole yachin ichek; ak mata koyai.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

JAKOBO 5:16

Ong’ang’jige anyun kachiliilutikwok okwege, ak osachinige okwege, si kobiit kisoobok. Toretisiei mising’ saetab chito ne bo imanda ngo sa eng’ kagiiletab ge.