AMOS 7:17 - BUKUIT NE TILIL

¹⁷ Mwaei anyun Jehovah ko u ni kole: Egu osotiondeng’ung’ chepkugoniot eng’ nganaset, ak kebare rotwetab chok weriguk ak tibiguk, ak kepchee borowet emeng’ung’; ak imee inyendet eng’ emet ne ng’wan, ak keluul iman Israel kimut eng’ emennyi.

Bukuit Ne Tilil

¹⁷ Mwaei anyun Kamuktaindet ne Toroor kole: ‘Egu osotyondeng'ung' chepkugoniot eng' nganaseet, ak kebare rotwetap chok weeriiguk ak tiibiiguk, ak kepchee porowet emeng'ung'; ak imee inyeendet eng' emet ne ng'waan, ak keluul iman Israel kimut eng' emennyi.’ ”

BUKUIT NE TILIIL Sireet ne Dutero Kanon

¹⁷ Mwaei anyun Kamuktaindet ne Toroor kole: ‘Egu osotyondeng'ung' chepkugoniot eng' nganaseet, ak kebare rotwetap chok weeriiguk ak tiibiiguk, ak kepchee porowet emeng'ung'; ak imee inyeendet eng' emet ne ng'waan, ak keluul iman Israel kimut eng' emennyi.’ ”

AMOS 7:17 ပူးပေါင်းရင်းမြစ်များ

2 LAITORINIK 17:6

Kinam laitoriatab Asuria Samaria, eng’ kenyitab sogol ne bo Hosea, ak komut Israel koba Asuria, ak kwo konde ichek Hala, ak Habor, eng’ ainetab Gosan, ak nganasokab Medek.

TIENWOGIKAL 78:55

Kion bororiosiek eng’ tainywa, Ak kipchechi ichek emonoto eng’ kiwotosiek koek borotenywa, Ak kiigochi ortinwekab Israel komeny emaisiekwak.

ISAIAH 13:16

Kitonatoni lagokwak kogeerei; kiluulei gorikwak, ak kesuub osotikwak.

ISAIAH 22:18

Weleljiningei iman ak kowirten iwe barak ko u tagurguruet eng’ emet ne baraa; imechini oloto, ak mitei oloto karisiekab luget che bo torornateng’ung’, inyendet tewernatetab gotab kiptaiyandeng’ung’.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 20:6

Ak inye Pasur, keluulok koboto bik tugul che menyei gong’ung’; ak iit Babulon, ak imechi oloto, ak ketupchin oloto, inye ak choronoguk tugul, che kiimaotenji lembech.

JEREMIA 28:12

Kinyonji anyun ng’olyotab Jehovah Jeremia, ye kingo kagoiri maotiot Hanania chogit eng’ kaatitab maotiot Jeremia, kolenji,

JEREMIA 28:16

Noto anyun, mwaei Jehovah ko u ni kole, Keero, aistoin eng’ ng’ony: imee kenyini, amu kaimwa ngelelnatet ingelelji Jehovah.

JEREMIA 29:21

Mwaei Jehovah ne bo lugosiek, Kamuktaindetab Israel, agobo Ahab weritab Kolaia, ak Sedekia weritab Maaseia, che maotenwok lembeita eng’ kainennyu, ko u ni kole: Ogeero, andoi ichek eutab Nebukadresar laitoriatab Babulon; ak kobar ichek eng’ taing’wong’;

JEREMIA 29:25

Mwaei Jehovah ne bo lugosiek, Kamuktaindetab Israel, ko u ni kole, Amu kiiyokyi bik tugul che mi Jerusalem baronok eng’ kaineng’ung’, ak iyokyi Sepania weritab Maaseia tisiindet, ak tisiik tugul, ilenji,

RIREKAB JEREMIA 5:11

Kisuub ichek kwonyik eng’ Sion, Ak kisuub tibik eng’ nganasokab Juda.

EZEKIEL 4:13

Ak kimwa Jehovah kole, Amei ko u noto lagokab Israel makatinikwak ko ng’wonen, eng’ bororiosiek ole tun aonjini.

HOSEA 9:3

Mamenyei ichek emetab Jehovah; ago weekyingei Epraim Misri, ak koam amitwogik che ma tililen eng’ Asuria.

AMOS 6:7

Kiluulei anyun koboto ichek che kisib keluul, ak kogesgei anyun bolatet ne bo boiboiyetab ichek che iitogei.

AMOS 7:11

Amu mwaei Amos ko u ni kole, Kibarei Jeroboam eng’ rotwetab chok, ak keluul iman Israel kimut eng’ emennyi.

AMOS 8:1

Kiiborua Kiptaiyat Jehovah ko u ni: ogeero, kitongetab logoek che bo kemeut.

AMOS 9:1

Kiageer Kiptaiyat kotonone ole negite kaptisisiet: ak kile, Kwer walisiekab tolochik, kot kotumdumgei tugatugik: yeityo itonaton walisiechoto eng’ metowekab ichek tugul; ak abere rotwetab chok che ng’etu: mamweei agot agenge eng’ ichek, ama chilili agot agenge.

AMOS 9:8

Ogeero, keerei konyekab Kiptaiyat Jehovah bounatet ne tinyei tengekto, ak ang’em aiste eng’ ng’ony; kobate mang’eme agesu gotab Jakobo, mwaei Jehovah.

MIKAH 1:16

Ingochurin met, ak icheru meting’ung’ agobo lagok che iboiboin: tes bostang’ung’ si koigei ne bo chepsengwet; amu kageluul ichek eng’ ole imi.

SEKARIA 14:2

Amu tun ayumi bororiosiek tugul kobokyi Jerusalem kobargei; ak kenam nganaset, ak keluul gorik, ak kesuub kwonyik: ak kimut kebebertab nganaset koek luulenik, ama kibarei bik che kang’et eng’ nganaset.