AMOS 7:1 - BUKUIT NE TILIL

¹ Kiiborua Kiptaiyat Jehovah ko u ni: ogeero, kiyai inendet chereng’enyinik ye kibitos tuguk che bo let; ogeero, ki tuguk che bo let che kibitos ye kingo kagobata ng’eetab suswek che bo laitoriat.

Bukuit Ne Tilil

¹ Ki iboorwo Kiptaiyat Kamuktaindet ne Toroor ko uu ni: ogeero, ki yai ineendet chereng'enyinik ye kibiitoos tuguuk che po let; ogeero, ki tuguuk che po let che kibiitoos ye kingo kagobata ng'eetap susweek che po laitoryat.

BUKUIT NE TILIIL Sireet ne Dutero Kanon

¹ Ki iboorwo Kiptaiyat Kamuktaindet ne Toroor ko uu ni: ogeero, ki yai ineendet chereng'enyinik ye kibiitoos tuguuk che po let; ogeero, ki tuguuk che po let che kibiitoos ye kingo kagobata ng'eetap susweek che po laitoryat.

AMOS 7:1 ပူးပေါင်းရင်းမြစ်များ

ISAIAH 33:4

Ak kiyumi barunenik ko u ye iyumisiei kutik: torombenjin ko u ye torombeni chereng’enyinik.

JEREMIA 24:1

Kiiborua Jehovah kitongok aeng’ che bo logoekab mogoonik che kiginde taitab hekalutab Jehovah; kingo kagoluul Nebukadresar laitoriatab Babulon, Jekonia weritab Jeoiakim, laitoriatab Juda, koboto bounikab Juda, koboto musogik ak kitang’ik, kobunu Jerusalem, koba Babulon.

EZEKIEL 11:25

Kiamwachi anyun ichek che kiga keluul, tuguk tugul che kiga koborua Jehovah.

JOEL 1:4

Kiam chereng’endet che kiituuch munene; ak kiam tinapchet che kiituuch chereng’endet; ak kiam masaek che kiituuch tinapchet.

JOEL 2:25

Ak ageeruok che bo kenyisiek che kiam chereng’endet, ak tinapchet, masaek, ak munene, lugennyu ne o ne kiayogu konyo kwenung’wong’.

AMOS 4:9

Kiabirenok chelalitiet ak uchatet: kiam munene mbarenikwok che chang’ ak mbarenikwok che bo sabibuk, ak mogoonikwok ak emitikwok: ago tom oweekyage, mwaei Jehovah.

AMOS 7:4

Kiiborua Kiptaiyat Jehovah ko u ni: ogeero, kiguur Kiptaiyat Jehovah mat kobelisie; ak kibeel riret ne o, ak komach koam emet.

AMOS 7:7

Kiiborua inendet ko u ni: ogeero, kitonone Kiptaiyat ole negite inatut ne kigilitite borowet, kotinyei eng’ eunnyi borowet ne kilititisie.

AMOS 8:1

Kiiborua Kiptaiyat Jehovah ko u ni: ogeero, kitongetab logoek che bo kemeut.

SEKARIA 1:20

Ak kiiborua Jehovah kitong’ik ang’wan.

MALAKI 3:11

Ak ager kong’ ne amisioti amu okwek, si mang’em ruratetab emeng’wong’; ama oosu ketikwok che bo sabibuk kotomo koit betusiek, mwaei Jehovah ne bo lugosiek.