AMOS 5:5 - BUKUIT NE TILIL

⁵ amocheng’ Bet-el, anan obe Gilgal, amosiirte obe Beer-seba: amu kiluulei iman Gilgal, ak koek buch Bet-el.

Bukuit Ne Tilil

⁵ Amocheeng' Bethel, anan obe Gilgal, amosiirte obe Beer-sheba. Amu kiluulei iman Gilgal, ak koek puch Bethel.”

BUKUIT NE TILIIL Sireet ne Dutero Kanon

⁵ Amocheeng' Bethel, anan obe Gilgal, amosiirte obe Beer-sheba. Amu kiluulei iman Gilgal, ak koek puch Bethel.”

AMOS 5:5 ပူးပေါင်းရင်းမြစ်များ

TAUNET 21:31

Kiguure yoto anyun Beer-Seba amu noto; amu kiiyosiechigei tuwai eng’ oloto.

TAUNET 21:33

Ak kimin Abraham ketit eng’ Beer-Seba, ak kiguur eng’ oloto kainetab Jehovah, Kamuktaindet ne bo Koigeny.

TAUNET 26:23

Ak kiwa eng’ oloto kotogosta agoi Beer-seba.

TAUNET 26:33

Ak kiguure Siba: noto anyun, kiguure kainetab nganasanato Beer-seba agoi kora.

1 LAITORINIK 12:28

Koruoch anyun laitoriat ak kotany itonwek aeng’ che bo moek che bo tahabu; ak kilenji ichek, Uui kot eng’ okwek obe otogoste Jerusalem; ogeer kanamonikwok-o, ee Israel, che kiimutwak otogosu eng’ emetab Misri.

1 LAITORINIK 12:29

Ak kiinde age Bet-el, konde age Dan.

2 LAITORINIK 23:8

Ak kiimut inendet tisiik tugul komong’ eng’ nganasokab Juda, ak kong’wanit komoswek che tororen ole kibeele tisiik nyamdutik, koboch Geba agoi Beer-seba; ak kibut komoswek che tororen che bo ormarichok che kimi ye kimandoe eng’ ormarichetab Josua bounindetab nganaset, che kimi komostab katam eng’ ormarichetab nganaset.

Kitabuutap JOB 8:22

Ak kilaakyin kalilanet icheget che wechin; Ama komi emaitab kiptengeginik.

TIENWOGIKAL 33:10

Walei Jehovah ruchinaikab bororiosiek koek buch: Yaei kabwatutikab bik koek che matilei kiy.

ISAIAH 29:20

Amu kiyaei inendet ne imuisei koek buch, ak kosis sasindet, ak keisto bik tugul che igeni yaitiet:

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

JEREMIA 48:13

Ak kolilan Moab amu Kemos, ko u ye kiililan gotab Israel agobo Bet-el, ne kiimang’u.

HOSEA 10:8

King’emei kogeny komoswek che tororen che bo Aben, tengektab Israel: bitos katok ak katablelinik eng’ kapkorosusiekwak; ak kolenji ichek tulonok, Otuchech; ak kolenji tulonok che mengechen, Oluuljech.

HOSEA 12:11

Tos tengekto Gilead? Ichek tugul ko tangoita; enyei kirugik eng’ Gilgal: ee, u kapkorosusiekwak karurugutik eng’ mbaret ne ibatat.

HOSEA 4:15

Agot ngiyae inye Israel kugoinatet, ko mat koyai Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah.

HOSEA 9:15

Mi yaitienywa tugul Gilgal; amu kiawech ichek eng’ oloto: aone ichek koba eng’ gonnyu amu yaitietab boisionikwak: ma achame kogeny; bistoik bounikwak tugul.

AMOS 1:5

Ak airi temeleiywotab Damasko, ak abar ne menyei atebwetab Aben, koboto inendet ne namei siaritab laitornatet, ne bunu gotab Eden: ak keluul bikab Suria, koba Kir, mwaei Jehovah.

AMOS 3:14

Amu eng’ betut ne tun aiityini biret Israel amu bistaosiekyik, aiityini kogeny biret kapkorosusiekab Bet-el, ak keisto kuinoikab kapkorosut, ak kobut.

AMOS 4:4

Obwa Bet-el, si ongelelse; obwa Gilgal, si otes bistoet; ak oibu tiseiywekwok karonet age tugul, ak kebeberwekwok che bo taman eng’ betut age tugul ne bo somok;

AMOS 7:10

Kiiyokto anyun tisiindet Amasia ne bo Bet-el keguur Jeroboam laitoriatab Israel, kelenji, Kogochaamin Amos eng’ kwenutab gotab Israel: maimuchi emet komuita eng’ ng’alekyik tugul.

AMOS 7:13

ago mat kota imaoten kogeny eng’ Bet-el: amu oloto ko oldo ne tilil ne bo laitoriat, ak ko gotab laitornatet.

AMOS 7:17

Mwaei anyun Jehovah ko u ni kole: Egu osotiondeng’ung’ chepkugoniot eng’ nganaset, ak kebare rotwetab chok weriguk ak tibiguk, ak kepchee borowet emeng’ung’; ak imee inyendet eng’ emet ne ng’wan, ak keluul iman Israel kimut eng’ emennyi.

AMOS 7:9

ak koguber komoswek che tororen che bo Isak, ak kebut oldinwek che tililen che bo Israel; ak ang’eet abar gotab Jeroboam eng’ rotwetab chok.

AMOS 8:14

Icheget che iyostos eng’ tengektab Samaria, kole, Ee Dan, ko u ye sobei Kamuktaindeng’ung’; ak ko u ye sobei oretab Beer-seba; ibutos choto agichek, amagoi ng’eetyo kogeny.

1 KORINTOEK 1:28

ak kilewen Jehovah tuguk che ma toogunotin che bo ng’ony, ak tuguk che kisasei, ak tuguk che mamitei, si kowal koek buch tuguk che mitei:

1 KORINTOEK 2:6

Ago kimwae ng’omnatet eng’ kwenutab che igesunotingei: ago ng’omnatet ne ma bo betusiechu, anan ne bo bounikab betusiechu, che machei koek buch:

NG'ATUTIK 28:41

Isiche werik ak tibik, ago maegu cheguk; amu kiluulei.

JOSHUA 5:9

Ak kimwachi Jehovah Josua kolenji, Kamilde rani aistaenok tewernatetab Misri. Kigiguure anyun yoto Gilgal agoi ra.

NG'ANG'UTYET 18:17

Amu kabetyo eng’ sait agenge magornatosiek che eechen che u choto. Ak kitonondos eng’ ole loo kiptaiyat age tugul ne bo melit, ak age tugul ne bunei melit kowendi oldo tugul, ak bik che boisiei eng’ melisiek, ak tugul che nyoru borotenywa eng’ nyanjet,

1 SAMUEL 11:14

Kilenji anyun Samuel bik, Obwa kebe Gilgal kebe kigimit laitornatet eng’ yoto.

1 SAMUEL 7:16

Ak kiwendi eng’ kenyit age tugul komuutoti Bet-el, ak Gilgal, ak Mispa; ak kiiruokyi Israel eng’ komoswechoto tugul.

1 SAMUEL 8:2

Ak kainetab taitanyi ko ki Joel; ak kainetab ne bo aeng’ ko ki Abija: ki kiruogik eng’ Beer-seba.