AMOS 5:18 - BUKUIT NE TILIL

¹⁸ Bwa eng’ okwek che omache betutab Jehovah! Amu nee si omache betutab Jehovah? Mesundeito betunoto, ma lapkeiyet;

Bukuit Ne Tilil

¹⁸ Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

BUKUIT NE TILIIL Sireet ne Dutero Kanon

¹⁸ Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

AMOS 5:18 ပူးပေါင်းရင်းမြစ်များ

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 24:18

Ak tun ibutyin keringet inendet ne mwee bolatetab kaiyweisiet; ak namei mestet inendet ne togosune keringet: amu yatotin tirisiok eng’ barak, ak botandos lumeiywekab ng’ony.

ISAIAH 5:19

che mwaei kole, Ingochakta inendet, kochokyi boisiennyi, si kobiit kegeer: ak ingorik konyo kiruogetab Inendet ne Tilil ne bo Israel, si kobiit kenai!

ISAIAH 5:30

Ak komororji ichek eng’ betunoto ko u mororetab nyanjet: ak ngo keer chi emet, ogeero, mi mesundeito ak bichiindo, ak koimenit lapkeiyet eng’ bolikyik.

ISAIAH 58:2

Ago cheng’a betut age tugul, ak chamei konai ortinwekyuk: ko u bororiet ne kiyai imanda, ama meto kiruogetab Kamuktaindenywa, teebena kiruogutik che bo iman, chamei korikyi Kamuktaindet.

ISAIAH 8:22

ak kogeer ng’ony, ak ogeero, mi bichiindo ak mesundeito, mesundeito ne bo ndara; ak keonji ichek mesundeito ne o.

ISAIAH 9:19

Kigolal emet eng’ neregekab Jehovah ne bo lugosiek: kagoigei bik kwenik che kilaali; marire chi ng’etab kamet.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JEREMIA 17:15

Keero, mwawa ichek kolenjina, Mi ano ng’olyotab Jehovah? Ingonyo nguno.

JEREMIA 30:7

Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

EZEKIEL 12:22

Ee weritab chi, nee kalewenoni otinye eng’ emetab Israel, olen, Kigogagei betusiek, ak koek buch ng’ang’utiet age tugul?

EZEKIEL 12:27

Ee weritab chi, keero, len gotab Israel, Ng’ang’utiet ne keerei inendet ko bo betusiek che chang’ che bwanei, ak komaoteni inendet agobo betusiek che ta ko looen.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

OBADIA 1:15

Amu karikyi betutab Jehovah bororiosiek tugul: ko u ye kiiyai keyaun ko u noto; weekyingei meting’ung’ boisioniguk.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

NG'ATUTIK 32:24

Sagitos eng’ rubet, Ak kebeel eng’ mat ne korom Ak ng’emisiet ne ng’wan; Ak ayokyi kelekab tiong’ik, Koboto ng’wonetab che ichuutegei ng’ony che bo temburiek.

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

2 PETERO 3:4

ak komwaei kolen, Mi ano arorutietab nyonunennyi? Amu, koboch ye kingoruiyo kwanisiekyok, komi tuguk tugul ko u kit ne ki u koboch taunetab yaetab ng’ony.