AMOS 5:16 - BUKUIT NE TILIL

¹⁶ Mwaei anyun Jehovah, Kamuktaindet ne bo lugosiek, inendet Kiptaiyat, ko u ni kole: Biitu kateeiyet eng’ ortinwek tugul che baraen; ak komwa eng’ ortinwek tugul kole, Bwa! Bwa! Ak koguur kabatindet konyo korir, ak koguur che ingen koteiyo, koririo.

Bukuit Ne Tilil

¹⁶ Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

BUKUIT NE TILIIL Sireet ne Dutero Kanon

¹⁶ Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

AMOS 5:16 ပူးပေါင်းရင်းမြစ်များ

2 ATEPTAP PEETUUSYEK 35:25

Ak kirir Jeremia agobo Josia: ak kirirji Josia tienik tugul che murenik ak gotab kor, eng’ rirekwak agoi kora; ak kiyachi ichek kayomiset eng’ Israel: ak ogeero, sirotin eng’ bukuitab rirek.

ISAIAH 15:8

Amu kigoit rirek kiwotosiek tugul che bo Moab; kiit kateiyennyi Eglaim, ak kiit kateiyennyi Beer-elim.

ISAIAH 22:12

Ak kiguurso eng’ betunoto Kiptaiyat, Jehovah ne bo lugosiek, si kobiit oririe, ak oteiye, ak ocheru metowek, ak olaach kuniok:

JEREMIA 30:5

Amu mwaei Jehovah ko u ni kole: Kigegas tuget ne bo botanet, ak ne bo kaiyweisiet, ne ma bo kalyet.

JEREMIA 4:31

Amu kiagas waagat ne u ne bo kwondo ne machei kosich taitanyi, kutitab cheptab Sion, ne isienyi, ne iitoi eunekyik, komwaei kole, Bwa eng’ ane! Amu tanui sobondanyu eng’ taitab rumik.

JEREMIA 9:10

Amu arire ak atei agobo tulonok, ak amosiseni agobo ole agete tuguk eng’ ong’atet, amu kagolalyo, kot ko ma kobunei chi; ama komuchi kogas bik kautetab tuga; kogomwei taritikab barak ak tiong’ik.

JEREMIA 9:16

Ak ayestochi ichek bororiosiek, che kima nai ichek anan kwanisiekwak: ak ayokte rotwetab chok kosub ichek, kot agesu.

HOSEA 4:3

Rirei anyun emet, ak nyaluli age tugul ne menyei oloto, koboto tiong’ikab timin ak taritikab barak; ee, kiistoi agichek njirenikab nyanjet.

JOEL 1:11

Olilanse, ee okwek kabatik, oteiye, ee okwek saborikab ketikab sabibuk, agobo nganok ak sairik; amu kagong’emak kesisiet.

JOEL 1:14

Otaban karugutetab ge, oguur tuiyet ne bo kaming’inetab ge, oyum boisiek koboto bik tugul che menyei emet kobwa gotab Jehovah Kamuktaindeng’wong’, ak orirji Jehovah.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 1:8

Oteeiye ko u bergeiyat ne iyuegei kuniet agobo manong’otiotab ming’inatennyi.

AMOS 3:13

Ogas okwek, ak obaorianji gotab Jakobo, mwaei Kiptaiyat Jehovah, Kamuktaindet ne bo lugosiek.

AMOS 5:27

Agoitook anyun keluulok, kimutak osiir Damasko, mwaei Jehovah, ne kainennyi ko Kamuktaindet ne bo lugosiek.

AMOS 8:10

Ak awal igorwekwok koek rirek, ak awal tienwogikwok tugul koek kateiyet; ak agochi bik tugul kogermenegei kuniok, ak koam bosta chi tugul; ak ayae noto koek che kirirjin werit ne kigii inegei, ak ayae kagesunennyi koek betut ne ng’wan.

AMOS 8:3

Ak koek tienwogik che bo hekalut kateeiyosiek eng’ betunoto, mwaei Kiptaiyat Jehovah: chang’itu muswek; wirtoi muswechoto eng’ komosta age tugul eng’ sisek.

MIKAH 1:8

Ateei ak awaache amu nito, awendi ko kagireegunena ngoroik ak ami ach ngor: ateei ko u lelwek, ak arire ko u tiong’ikab songolik.

MIKAH 2:4

Mwaei eng’ betunoto kalewenet agobo inye, ak korir eng’ rirek che ng’wonen, kole, Kageng’emech kigeswech: walei kebebertab bikyuk: istoena kiito kot koit ano! Pchechin ngelelik mbarenikyok.

NG'ANG'UTYET 18:10

kotonondos eng’ ole loo amu kaiyweetab ng’wanindanyi, kolen, Bwa, bwa wee, nganaset ne o, Babulon, nganaset ne kim! Amu kait kiruogeng’ung’ eng’ sait agenge.

NG'ANG'UTYET 18:19

Ak kolakyin temburiek metowekwak, ak kowaachei, korirtos ak koteeitos, kolen, Bwa, bwa wee, nganasani o, ole kiegune magore bik tugul che kitinyei melisiekwak eng’ nyanjet amu oindab kamanutiennyi! Amu kait ng’emisiennyi eng’ sait agenge.