AMOS 5:12 - BUKUIT NE TILIL

¹² Amu angen ole te chang’indab bistaosiekwok ak ole te oindab tengekwogikwok; okwek che onyalili bik che bo iman, che otaache tuguk che bo kagaigaet, ak omaasi che matinyei kiy eng’ ormarichet si manyor imandanywa.

Bukuit Ne Tilil

¹² Amu angen ole tee chaang'indap pistaosyekwok ak ole tee ooindap tengekwogikwok; okweek che onyalili piik che po iman, che otaache tuguuk che po kagaigaet, ak omaasi che ma tinyei kiy eng' ormariichet si ma nyoor imandanywa.

BUKUIT NE TILIIL Sireet ne Dutero Kanon

¹² Amu angen ole tee chaang'indap pistaosyekwok ak ole tee ooindap tengekwogikwok; okweek che onyalili piik che po iman, che otaache tuguuk che po kagaigaet, ak omaasi che ma tinyei kiy eng' ormariichet si ma nyoor imandanywa.

AMOS 5:12 ပူးပေါင်းရင်းမြစ်များ

Kitabuutap JOB 20:19

Amu kiinyalil kibananok ak kometo; Kigoreb got eng’ koromnatet, ak mateechei kogeny.

Kitabuutap JOB 31:21

Ngot ko kianamji barak eunnyu agirinde ne matinyei kwanda, Amu kiageer toretennyu eng’ ormarich:

TIENWOGIKAL 127:5

Baibai chi ne nyiitat motiennyi: Manyoru kalilanet, Ye ng’alaldos ak bunikwak eng’ ormarich.

KOMONG'U 23:3

ametiytii kibanania eng’ ng’alekyik.

KOMONG'U 23:6

Amat imaas kiruogetab kibananiandeng’ung’ eng’ ng’alekyik.

KALEWANAIK 17:8

U koita ne bo kamanutiet ne o, kitab kagaigaet, eng’ taitab inendet ne tinyei: Borei eng’ ui tugul ole tokyingei.

KALEWANAIK 22:22

Amat irebe kibananiat, amu banan, Anan ius eng’ ormarich ne kinyalili:

ISAIAH 1:23

Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.

ISAIAH 10:2

kobeet ne nyalili eng’ kiruoget, ak korebe imanit kibananokab bikyuk, si kobiit koek mosogik barunenikwak, ak si kobiit koluul che matinyei kwanda!

ISAIAH 29:21

che igochin bik kochalwogense ng’alekwak, ak koriich mestet agobo inendet ne itigonisiei eng’ ormarichet, ak komaas chito ne bo iman eng’ kit ne bo buch.

ISAIAH 33:15

Inendet ne wendote imanda, ak kong’alali che lititen; inendet ne sasei kelunetab sastaet, ne manamei tugukab kagaigaet, ne timei itikyik si magas agobo korotik, ak ne tuchei konyekyik si mageer yaitiet;

ISAIAH 47:9

ago chein tuguchuto aeng’ betunak, begu lagok, ak kobiit mosoknatet: bwanjinin ko nyiitotin, agot ngo chang’ orgoinatosieguk, ak ko ng’isiat ng’orsosieguk.

ISAIAH 5:23

Che iityin kiptengekyot agobo tugukab kagaigaet, ak korebe imanda chito ne bo iman!

ISAIAH 66:18

Amu angen boisionikwak ak kabwatutikwak: nyonei betut, ye ayumi bororiosiek tugul ak kutuswek tugul; ak kobwa ak kogeer torornatennyu.

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

RIREKAB JEREMIA 3:34

Machamei Kiptaiyat kotiechatiech kimonjororinik tugul che bo ng’ony.

EZEKIEL 13:22

Amu kiogochi muguleldab chi ne bo iman koarogen eng’ lembechek, chito ne ma agochi koarogen; ak ogimit eunekab kiptengekyot, si maweek kometo orennyi ne ya, ak kesor kosob:

HOSEA 5:3

Angen Epraim, ama ung’at Israel eng’ ane: amu koiyai kugoinatet inye, ee, Epraim, kigong’wanit Israel.

AMOS 2:16

ak komwei ach ngor eng’ betunoto inendet ne nyigan eng’ che nyigonen, mwaei Jehovah.

AMOS 2:3

ak aiste kiruogindet eng’ kwenunnyi, ak abar bounikyik tugul koboto inendet, mwaei Jehovah.

AMOS 5:10

Wechei ichek inendet ne kerei kong’ eng’ ormarichet, ak kowechei ichek chito ne mwaei che litit.

AMOS 5:7

okwek che oweechi kiruoget koek ng’wonet, ak owirjini ng’ony imanda;

AMOS 8:4

Ogas ng’olyondoni, ee okwek che olugui che matinyei kiy, ak che ogochini kibananok che bo emet kobek,

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 7:3

Igiilegei eng’ eunekwak koyai kit ne ya; somsei bounindet, ak machei kiruogindet kit ne kigoigoisie; ak mwaei chito ne o maget ne ya ne bo sobondanyi: chobei ichek ko u noto.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

POISYONIGAP CHE KIYOKTOI 7:52

Ng’o eng’ maotik ne ma us kwanisiekwok? Ak kibar che kisib kobor nyonunetab Chito ne bo Imanda; ne kaoegu okwek nguno ng’wektoik ak rumik.

NG'ATUTIK 16:18

Inde kiruogik ak bounik kurgotiguk tugul, che konin Jehovah Kamuktaindeng’ung’ ko u ortinweguk: si koruokyi bik eng’ kiruoget ne bo imanda.

NG'ATUTIK 31:21

Ak ye tun kagobwanji yaitwogik che chang’ ak nyalilwogik, kobaorian anyun tieni eng’ tainywa ko u baoriat; amu mautie iyotenywa eng’ kutuswekwak: amu agot nguno angen kabwatutikwak che ibwati, kotom amut koba emet ne kiayosiechi.

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

JAKOBO 5:6

Kioruokyi, ak kiobar chitab imanda; ama kirindook.

RUTH 4:1

Ak kitogosta Boas kwo ormarichetab nganaset, ak koteb ng’ony eng’ yoto: ak ogeero, kinyo kobun yoto chichoto bo oret ne negit noto kimwaei Boas; inendet ne kilenji, Kale-i, nyo yu, ibuur eng’ yu. Kiwa anyun ak kobuur.

1 SAMUEL 8:3

Ak ma bendate werikyik ortinwekyik, ago kimasta kosub magornotet eng’ oret ne ya, ak kitaach tuguk che kigoigoisie, ak komaas kiruoget.