AMOS 5:11 - BUKUIT NE TILIL

¹¹ Amu kiotiechatiech kibananok, ak omage ichek bek eng’ kimnatet: kioteech anyun gorik eng’ koik che kigiwai, ago momenye gorjoto; kiomin mbarenik che kororon che bo sabibuk, ago moee divaikwak.

Bukuit Ne Tilil

¹¹ Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

BUKUIT NE TILIIL Sireet ne Dutero Kanon

¹¹ Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

AMOS 5:11 ပူးပေါင်းရင်းမြစ်များ

Kitabuutap JOB 20:19

Amu kiinyalil kibananok ak kometo; Kigoreb got eng’ koromnatet, ak mateechei kogeny.

ISAIAH 16:10

Ak kageisto kagasetab ge, ak keisto boiboiyet eng’ mbaret ne rurei; ak mabiitu tienwogik eng’ mbarenik che bo sabibuk, ama kigasei twegunetab boiboiyet: mami chi ne tiechei divaik eng’ ole kituisie; kaawong’u bolatetab kesisiet.

EZEKIEL 26:12

Ak koluul magornatosieguk, ak koluul tuguguk che bo mung’aret: ak kobut irimoiguk, ak kong’em goriguk che kororon: ak kowirji beek koiguk ak ketiguk ak ng’ung’unyeguk.

EZEKIEL 34:21

Amu kiotoortaisie karaswekwok ak tigigoikwok, ak otoore kuinoikwok tugul che kimiandos, kot oseer koba oldo tugul;

HOSEA 9:2

Mabaei ichek ruanyut ne kiborse ak ole kitue sabibuk, ak kobetyi inendet divaik che leelach.

ATEPTAP LAWIK 26:16

ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

AMOS 2:6

Mwaei Jehovah ko u ni kole: Maaweechi biret ne abire Israel amu bistaosiekyik somok, ee agot ang’wan; amu kogoaldae che bo iman feda, ak koaldae che matinyei kiy kweonik:

AMOS 2:7

che isienyi komachei temburiekab emet eng’ metowekab kibananok, ak komaas ortinwekab che taloen: ak koba kwanda ak werinnyi koipgei ak chepto agenge, si kong’wanit kainennyu ne tilil:

AMOS 3:15

Ak abut gotab betusiekab kaititiet koboto ne bo betusiekab lalang’indo; ak keng’em gorik che kigiteege kelekab belek, ak kogesgei gorik che eechen, mwaei Jehovah.

AMOS 3:9

Omwaite eng’ gorikab laitoriat eng’ Asdod, ak eng’ gorikab laitoriat che mi emetab Misri, ole, Oyumjige tulonokab Samaria, ak ogeer ole te wasetab ge ne o ne mi oloto, ak ole te sastaosiek che mi kwenunnyi.

AMOS 4:1

Ogas ng’olyondoni, okwek tugab Basan, che mitei tulwetab Samaria, che sastoe kibananok, che tiekyin ng’ony che matinyei kiy, che lenjin kiptainikwak, Oibu, kee.

AMOS 6:11

Amu, ogeero, ng’atei Jehovah, kebut got ne o kong’emak, ak kebut got ne ming’in kong’asiagan.

AMOS 6:12

Tos ruaei mbartanyisiek eng’ ruandet? Tos ibate chi eik oloto? Ko owal kiruoget koek kit ne ng’wan, ak owal logoek che bo imanda koek ng’wanet:

AMOS 8:4

Ogas ng’olyondoni, ee okwek che olugui che matinyei kiy, ak che ogochini kibananok che bo emet kobek,

AMOS 9:14

Ak amutu kogeny bikyuk Israel che kiga keluul, ak koteech nganasok che kiga koek karatwek, ak komeny oloto; ak komin mbarenikab sabibuk, ak koeei divaikab mbarenichato; ak kobatis, ak koam logoekab mbarenichato.

MIKAH 1:6

Ayae anyun Samaria koek karurugutietab emet, ak koigei ole kiminjin sabibuk: ak atumde koikyik koba atebwet, ak ang’any lumeiywekyik.

MIKAH 2:2

Kasei miat mbarenik, ak koreb; koboto gorik, ak koib: ak kous chito koboto gonnyi, chito koboto tugukyik.

MIKAH 6:15

Igolsei, amegese; itue emitik, ago meilege mwanik; itue sabibuk, ago mee divaik.

SEPANIA 1:13

Ak keluul magornatenywa, ak koguber gorikwak: ee, teechei gorik, ago mamenyei; ak komin mbarenikab sabibuk, ago maeei divaikwak.

HAGGAI 1:6

Kiogol che chang’, ago ogese che ng’ering’; oamisiei, ago mobiyong’dosi; oeeisei, ago manyiiok; olaachi ngoroik, ago mami ne lalang’; ak inendet ne nyoru melekto kondoi lolet ne undurot.

MALAKI 1:4

Amu mwaei Edom kole, Kigiterterech, ago kiweeksei ak keteech komoswek che kigoek karatwek; mwaei Jehovah ne bo lugosiek ko u ni kole, Tun teechei ichek ago abute: ak koguure bik ichek, Kiwotetab yaitiet, ak koguure, Bik che ting’e Jehovah neregek koigeny.

NG'ATUTIK 28:30

Ituni osotiot, ak koipgei ak chito age: iteeche got, amemenye: imine mbaretab sabibuk, amebute logoekwak.

JAKOBO 2:6

Ago kaosas kibananiat. Tos mainyalilok magorek, ak kochuutok obe kapkiruogutik?