AMOS 4:13 - BUKUIT NE TILIL

¹³ Amu, keero, inendet ne yaei tulonok, ak koyaei usonet, ak komwachin chi kabwatennyi, inendet ne yaei karonet koimenit, ak kotiechei komoswek che tororen che bo ng’ony; kainennyi ko Jehovah, Kamuktaindet ne bo lugosiek.

Bukuit Ne Tilil

¹³ Amu, keero, ineendet ne yaei tuloonook, koyaei usoonet, ak komwachin chii kabwaatennyi, ineendet ne yaei karonet koimenit, ak kotyechei komoswek che torooreen che po ng'wony; kainennyi ko Kamuktaindet ne Toroor, Kamuktaindet ne po lugoosyek.

BUKUIT NE TILIIL Sireet ne Dutero Kanon

¹³ Amu, keero, ineendet ne yaei tuloonook, koyaei usoonet, ak komwachin chii kabwaatennyi, ineendet ne yaei karonet koimenit, ak kotyechei komoswek che torooreen che po ng'wony; kainennyi ko Kamuktaindet ne Toroor, Kamuktaindet ne po lugoosyek.

AMOS 4:13 ပူးပေါင်းရင်းမြစ်များ

Kitabuutap JOB 9:7

Ne ng’atei asista, si machor; Ne indoi ng’okset kecheik.

TIENWOGIKAL 135:7

Igochin kibungweret kotogosta kong’eete tabanwekab ng’ony; Yachin ropta kalyelosiek; Imoong’u usonet eng’ konoraikyik.

TIENWOGIKAL 139:2

Ingen ye atebye ak ye ang’eete, Ingen kabwatutikyuk agot ngimi ole loo.

TIENWOGIKAL 147:18

Iyoktoi ng’olyondennyi, ak koyaei tuguchoto kochootyo: Yaei usonennyi kous, ak koroot beek.

TIENWOGIKAL 65:6

Ne iuuiiti tulonok eng’ kimnatennyi; Ak korategei eng’ kamuktaet:

KOMONG'U 10:22

Ak kichuul Musa eunnyi kotokyi kipsengwet; ak kibiit mesundeito ne o mising’ eng’ emet komugul ne bo Misri eng’ betusiek somok;

KOMONG'U 14:20

ak kitonone kwenutab tuiyetab Misrik ak tuiyetab Israel; ak kimi boldet ak mesundeito, ago kiiluu boldanato kemoi: ak kima rikyin tuiyosiechoto kemout komugul.

ISAIAH 40:12

Ng’o ne kiger beek kogeer ole te, eng’ rubeitanyi, ak kokwa kipsengwet eng’ morikyik, ak konai ole te temburiekab ng’ony eng’ karogendoet, ak korogendo tulonok eng’ ratilisiek, koboto tulonok che mengechen eng’ kit ne kirogendoisie?

ISAIAH 45:7

Ayae lapkeiyet, ak ayae mesundeito; ayae kalyet, ak ayae yaitiet; a Jehovah, ne yaei tuguchuto tugul.

ISAIAH 47:4

Katiagindennyo, kainennyi ko Jehovah ne bo lugosiek, Inendet ne Tilil ne bo Israel.

ISAIAH 48:2

Amu mwaei kole ki bo nganaset ne tilil, ak kotiiegei Kamuktaindetab Israel: kainennyi ko Jehovah ne bo lugosiek.

ISAIAH 5:30

Ak komororji ichek eng’ betunoto ko u mororetab nyanjet: ak ngo keer chi emet, ogeero, mi mesundeito ak bichiindo, ak koimenit lapkeiyet eng’ bolikyik.

JEREMIA 10:13

Ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony; yachin ropta kalyelosiek, imoong’u usonet eng’ ole kigigonore.

JEREMIA 10:16

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JEREMIA 46:18

Mwaei Laitoriat ne kainennyi ko Jehovah ne bo lugosiek, kole, Ko u ye asobe, nyonei iman inendet ko u Tabor eng’ tulonok, ak ko u Karmel eng’ ole negite nyanjet.

JEREMIA 51:16

ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony: yachin ropta kalyelosiek, imoong’u usonet eng’ ole kigigonore.

JEREMIA 51:19

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:30

Ago eng’ ane, ko ma king’ang’wa ung’otionito amu ng’omnatet age tugul ne atinye kosiir chi age tugul ne sobei, ago si kobiit kiborji laitoriat kaweekset, ak si kobiit inai kabwatutikab muguleldang’ung’.

HOSEA 12:6

Iweekyige anyun Kamuktaindeng’ung’: rib rirenet ak kiruoget, ak igen Kamuktaindeng’ung’ kotugul.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

AMOS 3:13

Ogas okwek, ak obaorianji gotab Jakobo, mwaei Kiptaiyat Jehovah, Kamuktaindet ne bo lugosiek.

AMOS 5:27

Agoitook anyun keluulok, kimutak osiir Damasko, mwaei Jehovah, ne kainennyi ko Kamuktaindet ne bo lugosiek.

AMOS 5:8

ocheng’ inendet ne yaei Koremerik ak Kapsomoguk, ak kowalei uruetab meet koek karonet, ak koyaei betut koek kemoi; inendet ne kuurei nyanjet ak korong’ji ng’ony; Jehovah kainennyi;

AMOS 6:8

Kigoyosiechigei Kiptaiyat Jehovah, mwaei Jehovah, inendet Kamuktaindet ne bo lugosiek, kole: Aweche menotetab Jakobo, ak aweche gorikyik che bo laitoriat: asoru anyun nganaset koboto tugul che mi orit.

AMOS 8:9

Ak agochini kororokto asista bet kwen eng’ betunoto, ak agochini emet koimenit eng’ betut ne churat, mwaei Kiptaiyat Jehovah.

AMOS 9:6

Inendet ne teechei gorikyik eng’ kipsengwat, ne teechei yiemutiennyi eng’ baragutab ng’ony; inendet ne kuurei nyanjet ak korong’ji ng’ony; Jehovah kainennyi.

MIKAH 1:3

Amu, ogeero, mong’u Jehovah eng’ oldanyi, ak kochorgei, ak kotiech komoswek che tororen che bo ng’ony.

HABAKUK 3:19

Kimnatennyu Jehovah Kiptaiyat, Ak yaei kelyekyuk koigei che bo cheptirgichet, Ak komutata eng’ oldinwekyuk che tororen. Bo Ne O eng’ Butik, eng’ kibugandinikyuk che bo inoik.

SEKARIA 12:1

Lautietab ng’olyotab Jehovah agobo Israel.

MATAYO 9:4

Kole Jesu, Kalya si obwat yaitiet eng’ mugulelwekwok? Amu kiingen kabwatutikwak.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

JOHANA 3:8

Usyin koristo ole machei, ak igase cheennyi, ago mengen ole bunu, anan ole wendi: ko u noto chi age tugul ne kagisich eng’ Tamirmiriet.

NG'ATUTIK 32:13

Kiigochi kolany oldinwek che sutotin che bo ng’ony, Ak kiam ruratetab mbaret; Ak kiigochi kochuchun kumik eng’ ruandet, Ak mwanik eng’ ruandet ne uui;

NG'ATUTIK 33:29

Ee Israel, igasige: O kerge ak ng’o, bororiet ne kisor Jehovah, Long’et ne toretin, Ak ko rotweng’ung’ bo chok, ne bo telunateng’ung’! Ak koyaigei buniguk koigei che kase it; Ak itiech oldinwekwak che sutotin.