AMOS 4:10 - BUKUIT NE TILIL

¹⁰ Kiayokwok koroito ko u ni ki bo Misri: kiabar murenikwok eng’ rotwetab chok, ak kiakweri mbartanyisiekwok; ak kiayai bulatetab nganaseng’wong’ kotogos kot koit serunekwok: ago tom oweekyage, mwaei Jehovah.

Bukuit Ne Tilil

¹⁰ Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹⁰ Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

AMOS 4:10 ပူးပေါင်းရင်းမြစ်များ

2 LAITORINIK 10:32

Kitoi Jehovah eng’ betusiechoto kotil Israel kong’ering’itu: ak kibar Hasael ichek eng’ kiwotosiek tugul che bo Israel;

2 LAITORINIK 13:3

Ak kilalyo neregekab Jehovah agobo Israel, ak kiinde ichek eutab Hasael laitoriatab Suria, ak konde eutab Ben-hadad weritab Hasael, betusiek tugul.

2 LAITORINIK 13:7

Amu ma ituukyi bik Jeoahas, kobate bik konom che lanyei mbartanyisiek, ak karisiek taman, ak bik elfusiek taman che bunei kelyek; amu kibar laitoriatab Suria ichek, ak koyai koigei metetek che mi ole kiborse.

2 LAITORINIK 8:12

Ak kile Hasael, Amu nee si irir, kiptaiyandennyu? Ak kiwol kole, Amu angen yaitiet ne tun iyachini lagokab Israel: ibeele irimoikwak che kimen, ak ibare werikwak eng’ rotokab chok, ak ibirte manyurunikwak, kotonak, ak igerer kwonyikwak che tamonosiek.

KOMONG'U 10:27

Ago kiiuuiit Jehovah muguleldab Parao, ak kima chamji ichek koba.

KOMONG'U 10:3

Kiba anyun Musa ak Aron gab Parao, ak kolenji, Kamwa ko u ni Jehovah, Kamuktaindet ne bo Hebranik, Iesioi kot kotianit si iming’inige eng’ tainnyu? Unde bikyuk koba, koba koboisiewa.

KOMONG'U 14:4

Ak auuiiti muguleldab Parao, si kosub ichek; ak anyorune teegisto Parao, ak lugennyi tugul, ak konai Misrik kole a Jehovah. Ak kiyai ko u noto.

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

KOMONG'U 8:19

Kimwachi anyun bik che ng’omen che ng’orsei, Parao, kolenji, Mornetab Kamuktaindet nito: ak kiuuiit muguleldab Parao, ak ma kas ichek; ko u ye kiga komwa Jehovah.

KOMONG'U 9:12

Ak kiiuuiit Jehovah muguleldab Parao, ak kima kas ichek; ko u ye kiga komwachi Jehovah Musa.

KOMONG'U 9:17

Ak ta ilosuge eng’ bikyuk, ak maigochi koba?

ISAIAH 34:3

Kiwirtoi bikwak che kigebar, ak buldos muswekwak, ak kochootyo tulonok amu korotikwak.

ISAIAH 50:11

Ogeero, okwek tugul che olaali mat, che ogermenege kegenganik: obunote liblibenetab mang’wong’, ak eng’ kwenutab kegenganik che kaolaal. Onyoru nito kobunu eunnyu; oruitosi eng’ arogenet.

ISAIAH 9:12

Ing’eeti Suriek eng’ tai, ak Pilistik eng’ let; ak koam Israel eng’ kutit ne iseng’eng’at. Nganda u noto, ko ma istogei neregekyik, ago ta ko chuulat eunnyi kora.

ISAIAH 9:13

Nganda u noto ko ma weekyigei bik inendet ne kibir ichek, ama cheng’ Jehovah ne bo lugosiek.

ISAIAH 9:17

Maboiboitu Jehovah eng’ murenikwak, ama rire chechuak che matinyei kwanda ak mosogikwak: amu ya age tugul, ak ko yaindetab yaitiet, ak komwaei kutit age tugul abusnatet. Nganda u noto, ko ma istogei neregekyik, ago ta ko chuulat eunnyi kora.

JEREMIA 11:22

mwaei anyun Jehovah ne bo lugosiek ko u ni kole, Ogeero, abire ichek: begu neranik eng’ rotwetab chok; barei rubet werikwak ak tibikwak;

JEREMIA 15:3

Ak ang’atyini ichek tuguk ang’wan, mwaei Jehovah: rotwetab chok ne barisiei, ak sesenik che isongiririsiei, ak taritikab barak ak tiong’ikab ng’ony, si koamis ak kong’emis.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 18:21

Igoite anyun lagokwak, kobar rubet, ak igoite ichek kobar rotwetab chok; ak ingobetyi lagok osotikwak, ak koek mosogik; ak ingobar meet murenikwak, ak ingobar rotwetab chok neranikwak eng’ luget.

JEREMIA 48:15

Kigong’emak Moab, kigotogosta ichek nganasokyik, kigoba barisiet murenikyik che kigilewen, mwaei Laitoriat, ne kainennyi ko Jehovah ne bo lugosiek.

JEREMIA 49:26

Ibutos anyun neranikyik eng’ ortinwekyik, ak kigochin kosisyo murenik tugul che bo luget eng’ betunoto, mwaei Jehovah ne bo lugosiek.

JEREMIA 5:3

Ee Jehovah, tos mageerei konyeguk imanit? Kiibir ichek, ago ma arogenso; kiigesu ichek, ago kiesio kotaach kotigonet: kiiuuiit ichek togochikwak kosiir ruandet; kiesio koweek.

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 9:22

Ng’alal, ile, Mwaei Jehovah ko u ni kole, Ibutos muswek ko u ng’atatekab tuga eng’ kewanin, ak koigei turonik che yamei eutab kesindet, ama biitu chi ne iyumi.

HOSEA 11:5

Maweekyingei inendet emetab Misri; ago egu Asuriaindet laitoriandennyi, amu kiesio ichek koweeigei.

JOEL 2:20

ago aistoi kolooit eng’ okwek luget ne bunu murot ne bo katam, ak aone kwo emet ne ong’atet ak ko surkwen, bendi che indoi kotokyingei nyanjet ne mi kong’asis, kobendi che letu nyanjet ne mi cherongo; ak kobul, ak kong’u ne samis, amu kogoyai tuguk che eechen.

ATEPTAP LAWIK 26:16

ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

AMOS 4:6

Ak koagonok agine iljet eng’ nganasokwok tugul, rartaetab amitwogik eng’ komoswekwok tugul: ago tom oweekyage, mwaei Jehovah.

AMOS 8:3

Ak koek tienwogik che bo hekalut kateeiyosiek eng’ betunoto, mwaei Kiptaiyat Jehovah: chang’itu muswek; wirtoi muswechoto eng’ komosta age tugul eng’ sisek.

HAGGAI 2:17

Kiabirenok chelalitiet ak uchatet ak koikab ropta eng’ boisionik tugul che bo eunekwok; ago ma oweekyage, mwaei Jehovah.

NG'ATUTIK 28:21

Konin Jehovah koroito konamin agoi kowong’un eng’ emet ne iwendi iname kobunjin.

NG'ATUTIK 28:22

Birin Jehovah eng’ chebuonit, ak mat ne mi borto, ak kabwanet, ak mat ne ng’wan, ak rotwetab chok, ak chelalitiet, ak uchatet: onotin choto agoi ilus.

NG'ATUTIK 28:60

Ak koweekyin mianwek tugul che bo Misri, che kiiywei; ak konamin.

NG'ATUTIK 7:15

Ak koistoenen Jehovah mianwek tugul; ak magonin korotwek che yaach che bo Misri, che ingen, ago igochin tugul che wechin.