AMOS 3:12 - BUKUIT NE TILIL

¹² Mwaei anyun Kiptaiyat Jehovah ko u ni kole: Ko u ye soru mestowot kelyek aeng’ anan motwet ne bo itit eng’ kutitab ng’etundo; kisoru anyun ko u noto lagokab Israel che tebe Samaria eng’ luitab kit ne kilyeldoe, ak eng’ kiplusinik che bo aririt che bo itogut.

Bukuit Ne Tilil

¹² Mwaei anyun Kiptaiyat Kamuktaindet ne Toroor kole: Ko uu ye saru mestowot keelyek aeng' anan motwet ne po itit eng' kutitap ng'etundo; kisaru anyun ko uu nooto piigap Israel che tebee Samaria eng' luuitap kiit ne kilyeldoe, ak eng' kiplusinik che po aririt che po itoogut.

BUKUIT NE TILIIL Sireet ne Dutero Kanon

¹² Mwaei anyun Kiptaiyat Kamuktaindet ne Toroor kole: Ko uu ye saru mestowot keelyek aeng' anan motwet ne po itit eng' kutitap ng'etundo; kisaru anyun ko uu nooto piigap Israel che tebee Samaria eng' luuitap kiit ne kilyeldoe, ak eng' kiplusinik che po aririt che po itoogut.

AMOS 3:12 ပူးပေါင်းရင်းမြစ်များ

1 LAITORINIK 20:30

Ago kimwei che king’et koba Apek, koba nganaset; ak kilulji inatut bik elfusiek tiptem ak tisab che kiga ng’et. Ak kimwei Ben-hadad kwo nganaset, kwo got ne bo orit.

1 LAITORINIK 20:34

Ak kilenji Ben-hadad inendet, Aweegun nganasok che kiga ibe kwandanyu kwandang’ung’; ak iyachinige ortinwek eng’ Damasko, ko u ye kiyai kwandanyu eng’ Samaria. Ak kimwa Ahab kole, Achundoin iwe eng’ kayomisoni. Koyomisgei anyun ak inendet, ak kochunda kwo.

1 LAITORINIK 22:25

Ak kile Mikaia, Keero, igeere eng’ betunoto, tun iwendi got ne bo orit iunyege.

2 LAITORINIK 16:9

Ak kigasyi inendet laitoriatab Asuria: ak kitogosta laitoriatab Asuria kobokyi Damasko, ak konam, ak koluul bikab yoto komut koba Kir, ak kobar Resin.

ESTA 1:6

kimitei ngoroik che songinindos che ki leelach, ak che ki nyalilen, ak che ki tuuen ne nyalil, che kigirate boroonik che bo katanit ne kararan, ak ne arus ne birir, keratyi tamogok che bo feda eng’ tolochikab koik che leelach: ki bo tahabu ak feda itogusiek, kiginde ng’ony ole kigimale koik che biriren, ak che leelach, ak che sogionen, ak che tuuen.

ESTA 7:8

Kiweek anyun laitoriat eng’ mbaretab gotab laitoriat, kwo ole kimi igorta ne bo divaik, ak kiga kobutyi Haman kit ne kilyeldoe Esta. Kole anyun laitoriat, Machei kosuub osotiondennyu eng’ tainnyu eng’ go? Ye kita kong’alali ak laitoriat, ketuch togetab Haman.

TIENWOGIKAL 132:3

Iman, mawendi emait orit ne bo gonnyu, Anan atogoste itogunnyu:

ISAIAH 17:7

Inyali betunoto chi Yaindennyi, ak kogeerei Inendet ne Tilil ne bo Israel.

ISAIAH 31:4

Amu mwaei Jehovah ko u ni kole, Ko u ye boriseni ng’etundo ak ng’etundo ne barnotiot, agobo tiondo ne kagobar, agot ngeguur mestowek che chang’ koawenji inendet, ko maarogeni eng’ waaganywa, anan koming’injigei bolatenywa: chorugei ko u noto Jehovah ne bo lugosiek koyai boriet eng’ tulwetab Sion ak eng’ tulwennyi ne ming’in.

ISAIAH 8:4

Amu kotom komuch lakwanato kotwek kole, Baba, ak Eiyo, koluulei laitoriatab Asuria magornatosiekab Damasko ak barunenikab Samaria.

AMOS 6:4

ichek che ruitos eng’ itogusiek che bo kelekab belek, ak koiitogei eng’ tugukwak che kilyeldoe, che amei arekab kechir che bo akwet, ak moek che mi biusiek;

AMOS 9:8

Ogeero, keerei konyekab Kiptaiyat Jehovah bounatet ne tinyei tengekto, ak ang’em aiste eng’ ng’ony; kobate mang’eme agesu gotab Jakobo, mwaei Jehovah.