AMOS 3:10 - BUKUIT NE TILIL

¹⁰ Mwaei Jehovah kole, Amu maingen koyai ne mie, che konori koromnatet ak rebisiet eng’ gorikwak che bo laitoriat.

Bukuit Ne Tilil

¹⁰ Mwaei Kamuktaindet ne Toroor kole, ma ingen icheek koyai ne myee, che konori koroomnateet ak rebisyet eng' kooriikwak che po laitoryat.

BUKUIT NE TILIIL Sireet ne Dutero Kanon

¹⁰ Mwaei Kamuktaindet ne Toroor kole, ma ingen icheek koyai ne myee, che konori koroomnateet ak rebisyet eng' kooriikwak che po laitoryat.

AMOS 3:10 ပူးပေါင်းရင်းမြစ်များ

Kitabuutap JOB 20:21

Ma ng’et kiy ne kima am; Noto anyun, matebyei magornatennyi.

TIENWOGIKAL 14:4

Matinyei kaguiyet yaikab tengekto? Che amei bikyuk ko u ye amei amitwogik, Ama kuurei Jehovah.

KALEWANAIK 1:13

Kinyoru tuguk tugul che bo kamanutiet ne o, Kinyiiti gorikyok barunenik;

KALEWANAIK 11:16

Nyoru teegisto kwondo ne mie: Teptoi bik che koromen magornatosiek.

KALEWANAIK 28:5

Maiguitos bik che yaach kiruoget: Ago iguitos tuguk tugul icheget che cheng’ei Jehovah.

AMDOINDET 4:1

Kiaweege anyun ak ageer usisiosiek tugul che kiyaei eng’ kureretab asista: ak ogeero, rirekab che kigius, ama tinyei kagaigaindet; ak kitinyei kimnatet usikwak, ago kima kotinyei kagaigaindet.

JEREMIA 4:22

Amu berber bikyuk, maingena; lagok che uuen metowek, ama tinyei kaguiyet: ng’omen koyai yaitiet, ago maingen koyai ne mie.

JEREMIA 5:4

Yeityo amwa ale, Nyalulyotin iman bichuto; berberen; amu manaei oretab Jehovah, anan kiruogetab Kamuktaindenywa:

EZEKIEL 18:7

ak tom koyachi chi kiy ne ya, ago kogoweekta kit ne kiginame besendo, koweekyi chito ne kiginame besendo, koweekyi chito ne kiyaachei, ama rebe chi kiy eng’ koromnatet, ak kigogochi amitwogik chito ne amei rubet, ak kolaaksechi ne mi ach ngor;

EZEKIEL 22:29

Kigoboisie bikab emet sastaet, ak korebisiei; ee, kigoiim kibananok ak che matinyei kiy, ak kigosastae toondet eng’ oret ne ya.

EZEKIEL 8:17

Yeityo kolenja, Kaigeer nito-o, weritab chi? Tos kiy ne ming’in eng’ gotab Juda ngo yai ichek eng’ olito tuguk che kiwechei? Amu kigonyiit emet koromnatet, ak kigowelelgei kogeny kotacha: ak keero, indoi temetab ketit serunekwak.

HOSEA 7:1

Ye kata amache asoob Israel, kotook anyun tengektab Epraim, ak yaitietab Samaria; amu boisie lembechek: ak kwo orit chorindet, ak ng’emisiei lugetab rebik eng’ sang’.

AMOS 4:1

Ogas ng’olyondoni, okwek tugab Basan, che mitei tulwetab Samaria, che sastoe kibananok, che tiekyin ng’ony che matinyei kiy, che lenjin kiptainikwak, Oibu, kee.

AMOS 5:7

okwek che oweechi kiruoget koek ng’wonet, ak owirjini ng’ony imanda;

AMOS 6:12

Tos ruaei mbartanyisiek eng’ ruandet? Tos ibate chi eik oloto? Ko owal kiruoget koek kit ne ng’wan, ak owal logoek che bo imanda koek ng’wanet:

AMOS 6:3

Okwek che oistoi kolooit betut ne ya, ak oibu ng’echeretab koromnatet korik;

AMOS 6:8

Kigoyosiechigei Kiptaiyat Jehovah, mwaei Jehovah, inendet Kamuktaindet ne bo lugosiek, kole: Aweche menotetab Jakobo, ak aweche gorikyik che bo laitoriat: asoru anyun nganaset koboto tugul che mi orit.

MIKAH 6:10

Tos ta komi konoraik che bo yaitiet eng’ gotab kiptengekyot, ak kerutiet ne ichuchugat ne kiwechei?

SEPANIA 1:9

Ak abire eng’ betunoto tugul che torombenjin tugatuk, che inyiiti gotab kiptaiyandenywa koromnatet ak ng’alset.

2 PETERO 3:5

Amu kwetyin ichegei koutie kole kimi kipsengwetisiek koboch keny, ak ng’ony ne kigiyai eng’ beek ak komi kwenutab beek, eng’ ng’olyotab Jehovah;