AMOS 3:1 - BUKUIT NE TILIL

¹ Ogas ng’olyondoni kagomwa Jehovah agobo okwek, ee lagokab Israel, agobo got komugul ne bo Israel ne kiamutu kotogos eng’ emetab Misri, kole,

Bukuit Ne Tilil

¹ Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

BUKUIT NE TILIIL Sireet ne Dutero Kanon

¹ Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

AMOS 3:1 ပူးပေါင်းရင်းမြစ်များ

1 ATEPTAP PEETUUSYEK 16:13

Ee okwek, keswekab Israel kiboitiondennyi, Okwek lagokab Jakobo, chechik che kigelewen.

2 ATEPTAP PEETUUSYEK 20:15

ak kile, Oeb it okwek tugul gab Juda, ak che omenye Jerusalem, koboten inye laitoriat Jeosapat: kamwawok Jehovah ko u ni, kole, Amoiywei, anan oarogense amu lugoni o; amu ma neng’wong’ luget, bo Kamuktaindet.

ISAIAH 46:3

Oepcha it, ee gotab Jakobo, ak tugul che ng’etunotin che bo gotab Israel, che kiageseni koboch ko kagisich, che kigigeseni koboch komi mo:

ISAIAH 48:12

Oepcha it, ee Jakobo, ak Israel nenyu, ne kiaguur: a inendet; a ne bo tai, ak ko a ne bo let kogeny.

JEREMIA 13:11

Amu ko u ye namegei birenet ak suetab chi, ko u noto anyun kaagochi got komugul ne bo Israel ak got komugul ne bo Juda kenamge, mwaei Jehovah, si kobiit koek eng’ ane bororiet, ak kainet, ak kalosunet, ak teegisto: ago ma cham kogas.

JEREMIA 31:1

Mwaei Jehovah kole, Aegu eng’ betusiechoto Kamuktaindetab ortinwek tugul che bo Israel, ak koek bikyuk.

JEREMIA 8:3

Ak kolewen meet kosiir sobet bik tugul che ng’etu, che ng’etune goito ya, che ng’etu eng’ komoswek tugul che kiaonji, mwaei Jehovah ne bo lugosiek.

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 5:1

Ogas nito, ee okwek tisiik, ak koeb it, okwek gotab Israel, ak ogas komie, ee, gotab laitoriat, amu nyonjinok kiruoget; amu kioegu mestet eng’ Mispa, ak mestet ne u regereiywot ne kiitoi eng’ Tabor.

AMOS 2:10

Ak kiamutwak kogeny otogosu eng’ emetab Misri, ak andoiywok kenyisiek artam eng’ ong’atet, si kobiit onam emetab Amorik kobunjok.

AMOS 4:1

Ogas ng’olyondoni, okwek tugab Basan, che mitei tulwetab Samaria, che sastoe kibananok, che tiekyin ng’ony che matinyei kiy, che lenjin kiptainikwak, Oibu, kee.

AMOS 5:1

Ogas ng’olyondoni amwae eng’ rirek agobo okwek, ee gotab Israel.

MIKAH 2:3

Mwaei anyun Jehovah ko u ni kole: Ogeero, achobe yaitiet agobo goi, ne moistoe kaatwekwok anan obendate menotet; amu yaachen betusiechoto.

MIKAH 3:1

Kiamwa ale, Ogaso, asomok okwek kandoikab Jakobo, ak bounikab gotab Israel: tos manyoljok onai kiruoget?

SEPANIA 2:5

Bwa bik che menyei ngegut, bororietab Keretik! Borienen ng’olyotab Jehovah, ee Kanan, emetab Pilistik; ang’emin, kot ko ma komi chi ne meng’isiei.

NG'ANG'UTYET 2:29

Inendet ne tinyei itit, kogas kit ne mwachin Tamirmiriet kanisosiek.