AMOS 2:11 - BUKUIT NE TILIL

¹¹ Ak kiande alak eng’ werikwok koek maotik, ak ande alak eng’ murenikwok koek Nasiritik. Tos ma u noto, ee okwek lagokab Israel? Mwaei Jehovah.

Bukuit Ne Tilil

¹¹ Ki ande alak eng' weeriikwok koek maotik, ak ande alak eng' murenikwok koek Nasiritik. Tos ma uu nooto, ee okweek piigap Israel? Mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹¹ Ki ande alak eng' weeriikwok koek maotik, ak ande alak eng' murenikwok koek Nasiritik. Tos ma uu nooto, ee okweek piigap Israel? Mwaei Kamuktaindet ne Toroor.

AMOS 2:11 ပူးပေါင်းရင်းမြစ်များ

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

1 LAITORINIK 18:4

amu ye kiga bar Jesebel maotikab Jehovah, komut Obadia maotik bogol, ak kouny kobeate konom eng’ kebenet, ak kobae ichek makatinik ak beek.)

1 LAITORINIK 19:16

ak iil Jeu weritab Nimsi koek laitoriat eng’ Israel; ak iil Elisha weritab Sapat ne bo Abel-meola koek maotiot kogeerin.

1 LAITORINIK 20:13

Ak ogeero, kinyo maotiot ole mi Ahab laitoriatab Israel, ak kole, Kamwa ko u ni Jehovah, kole, Tos kaigeer tuiyoni o? Keero, andoi eung’ung’ rani si inai ile a Jehovah.

1 LAITORINIK 20:35

Ak kilenji chito age ne bo werikab maotik chitab kokwennyi eng’ ng’olyotab Jehovah, Asomin ale, bira. Ak kiesio chichoto kobir inendet.

1 LAITORINIK 20:41

Ak kiinem angennyi ne kere metit, eng’ togennyi kochokyi; ak kinai laitoriatab Israel inendet kole ki bo inendet maotik.

1 LAITORINIK 22:8

Ak kilenji laitoriatab Israel Jeosapat, Ta komi chito agenge ne kimuchi keteepse eng’ Jehovah, Mikaia weritab Imla: ago aweche inendet; amu mamaoteni tuguk che miachen agobo ane, kobate yaitiet. Ak kile Jeosapat, Amat komwa laitoriat ko u no.

2 LAITORINIK 17:13

Ago kibaorian Jehovah kora agobo Israel, ak agobo Juda, eng’ maotiot age tugul, ak keerindet age tugul kolenji, Oweege eng’ ortinwekwok che yaachen, ak orib ng’atutikyuk ak kayomisutikyuk, ko u Ng’atutiet tugul ne kiang’at kwanisiekwok, ak che kiayokwok eng’ eunekab otwogikyuk maotik.

2 LAITORINIK 6:1

Ak kilenji werikab maotik Elisha, Yu kimenye eng’ taing’ung’ ko mariich mising’ eng’ achek.

2 ATEPTAP PEETUUSYEK 36:15

Ak kiiyoktoi Jehovah, Kamuktaindetab kwanisiekwak, bikyik, komusta koba ole mi ichek; amu kirire bikyik, ak ole menyei inendet.

JEREMIA 11:21

Mwaei anyun Jehovah agobo bikab Anatot, che cheng’ei sobondang’ung’, kole, Amat imaoten eng’ kainetab Jehovah, si magibarin achek;

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JEREMIA 26:11

Yeityo komwachi tisiik ak maotik, bounik, ak bik tugul kolenji, Nyoljin meet chichi; amu kogomaoten kit ne ya agobo nganasani, ko u ye koogas eng’ itikwok.

JEREMIA 7:25

Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

RIREKAB JEREMIA 4:7

Ki tililen bikyik che toogunotin kosiir teluchi, ki leelach ichek kosiir chego, Ki biriren borwekwak kosiir koik che kiguure peninim, ki sitotin ko u koita ne kiguure sapire:

MIKAH 2:6

Mwaei ichek kole, Amomaoten. Mamaotenjin ichek chuto: mabetos chotisiosiek.

POISYONIGAP CHE KIYOKTOI 4:18

Ak kiguur ichek, ak kong’at ichek, kolenji, amatata kong’alal agot kitigin anan konetis eng’ kainetab Jesu.

POISYONIGAP CHE KIYOKTOI 5:28

kole, Kigeetenak inne kele, amatata onet bik eng’ kainani: ak ogeero, kionyiit Jerusalem konetisieng’wong’, ak omache oibwech korotikab chichito kobwanjech.

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

NG'ATUTIK 18:18

Ang’eetyini maotiot eng’ tupchosiekwak, ne u inye; ak ande ng’alekyuk kutinnyin, ak komwachi ichek tugul che ang’ate inendet.

1 SAMUEL 19:20

Ak kiiyokto Saul bik koba konam Daudi; ak kingogeer tuiyetab maotik komaotendos ng’alek, kotononi Samuel kondochin ichek, konyonji Tamirmirietab Kamuktaindet bikab Saul, ak komaotenso agichek.

1 SAMUEL 3:20

Ak kinai Israel tugul koboch Dan agoi Beer-seba kole kogigimit Samuel koek maotiotab Jehovah.