AMOS 1:5 - BUKUIT NE TILIL

⁵ Ak airi temeleiywotab Damasko, ak abar ne menyei atebwetab Aben, koboto inendet ne namei siaritab laitornatet, ne bunu gotab Eden: ak keluul bikab Suria, koba Kir, mwaei Jehovah.

Bukuit Ne Tilil

⁵ Ak airii temeleiywotap Damasko, ak abar ne menyei atebweetap Aben, kobooto ineendet ne namei kirokto ne po laitornatet ne punu kootap Eden. Ak keluul piigap Syria, koba Kir, mwaei Kamuktaindet ne Toroor.

BUKUIT NE TILIIL Sireet ne Dutero Kanon

⁵ Ak airii temeleiywotap Damasko, ak abar ne menyei atebweetap Aben, kobooto ineendet ne namei kirokto ne po laitornatet ne punu kootap Eden. Ak keluul piigap Syria, koba Kir, mwaei Kamuktaindet ne Toroor.

AMOS 1:5 ပူးပေါင်းရင်းမြစ်များ

2 LAITORINIK 14:28

Ak boisionik tugul che bo Jeroboam, ak tuguk tugul che kiyai, ak kimnatennyi, ole kiyaita luget, ak ole kiiweegundo Damasko ak Hamat ne ki bo Juda, koweekyi Israel, ko ma sirotin eng’ bukuitab ateptab betusiek ne bo laitorinikab Israel?

2 LAITORINIK 16:9

Ak kigasyi inendet laitoriatab Asuria: ak kitogosta laitoriatab Asuria kobokyi Damasko, ak konam, ak koluul bikab yoto komut koba Kir, ak kobar Resin.

ISAIAH 22:6

Ak kiib Elam motiet, koboto karisiek che bo luget ak bik che lanyei mbartanyisiek; ak king’any Kir long’et.

ISAIAH 43:14

Mwaei Jehovah, katiagindeng’wong’, Inendet ne Tilil ne bo Israel, ko u ni, kole: Kiayokte ng’olyot kwo Babulon agobo okwek, ak achooru ichek tugul ko u che mweoti, choto bo Kaldeik, eng’ melisiek che boiboitune.

ISAIAH 8:4

Amu kotom komuch lakwanato kotwek kole, Baba, ak Eiyo, koluulei laitoriatab Asuria magornatosiekab Damasko ak barunenikab Samaria.

JEREMIA 50:36

Mi rotwetab chok baragutab bik che ichaugei, si koberberitu: mi rotwetab chok baragutab bikyik che nyigonen, ak koarogenso ichek.

JEREMIA 51:30

Kigometo boriet murenikab Babulon che nyigonen, tebyei eng’ irimoikwak; kigobek nyiganatenywa; kagoigei kwonyik: kagobeel komoswekwak che menyei; kagoilyo temeleiywekyik.

RIREKAB JEREMIA 2:9

Isuwe kobendi ng’ony ormarichokyik; king’em ak koiri temeleiywekyik: Mi laitoriandennyi ak bounikyik kwenutab bororiosiek ole mami ng’atutiet; Ee, manyoru maotikyik ng’ang’utiet ne bunu Jehovah.

EZEKIEL 27:23

Haran, Kane ak Eden, chemung’arainikab Sheba, Asur ak Kilmad, ko ki chemung’arainiguk.

EZEKIEL 30:17

Kibare rotwetab chok murenikab Aben ak che bo Pi-beset: ak keluul nganasochuto.

HOSEA 10:8

King’emei kogeny komoswek che tororen che bo Aben, tengektab Israel: bitos katok ak katablelinik eng’ kapkorosusiekwak; ak kolenji ichek tulonok, Otuchech; ak kolenji tulonok che mengechen, Oluuljech.

AMOS 5:5

amocheng’ Bet-el, anan obe Gilgal, amosiirte obe Beer-seba: amu kiluulei iman Gilgal, ak koek buch Bet-el.

AMOS 9:7

Tos mou lagokab Etiopik eng’ ane, ee lagokab Israel? Mwaei Jehovah. Tos ma amutu Israel kotogos eng’ emetab Misri, ak amutu Pilistik eng’ Kaptor, ak amutu Suriek eng’ Kir?

NAHUM 3:13

Keero, kwonyik biguk che mi kwenung’ung’; kagiyatyi buniguk ormarichokab emeng’ung’: kagobeel mat temeleiyweguk.