AMOS 1:1 - BUKUIT NE TILIL

¹ Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

Bukuit Ne Tilil

¹ Ng'aleegap Amos, ne ki agenge eng' mestowegap Tekoa, ng'ang'uut ne ki keer agobo Israel eng' peetuusyegap Uzziah laitoryatap Judah, ak eng' peetuusyegap Jeroboam weeriitap Joash laitoryatap Israel, eng' kenyiisyek aeng' kotom kobotan emet.

BUKUIT NE TILIIL Sireet ne Dutero Kanon

¹ Ng'aleegap Amos, ne ki agenge eng' mestowegap Tekoa, ng'ang'uut ne ki keer agobo Israel eng' peetuusyegap Uzziah laitoryatap Judah, ak eng' peetuusyegap Jeroboam weeriitap Joash laitoryatap Israel, eng' kenyiisyek aeng' kotom kobotan emet.

AMOS 1:1 ပူးပေါင်းရင်းမြစ်များ

2 SAMUEL 14:2

Ak kiiyokto Joab keguur kwondo ne ng’om eng’ Tekoa, ak kolenji, Asain ale, yaige ogergeitu ak chito ne rirei, ak asain ale ilaach ngoroikab rirek, amat iilege mwaita, ago ogergeitu ak kwondo ne kigorir keny agobo chito ne kime:

1 LAITORINIK 19:19

Kwo anyun eng’ yoto, ak kinyor Elisha weritab Sapat, ne kiibatisie eik tiptem ak ang’wan, che bo chogit eng’ tainnyi, ak kikweriei inendet che bo chogitab taman ak aeng’, ne bo let: kiwa Elija ye mi inendet, ak kowirji inendet ngoriennyi.

2 LAITORINIK 14:21

Ak kinam bik tugul che bo Juda Asaria, ne ki bo kenyisiek taman ak lo, ak koyai inendet koek laitoriat kogeer kwandanyi Amasia.

2 LAITORINIK 14:23

Kitoi kolaitoran Jeroboam weritab Joas laitoriatab Israel eng’ Samaria, eng’ kenyitab taman ak mut ne bo Amasia weritab Joas laitoriatab Juda, ak kolaitoran kenyisiek artam ak agenge.

2 ATEPTAP PEETUUSYEK 11:6

Kiteech Bet-lehem, Etam, ak Tekoa,

2 ATEPTAP PEETUUSYEK 20:20

Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

KOMONG'U 3:1

Ak kiiyagi Musa akwetab kechirek che bo kabyugoinnyi Jetro, tisiindetab Midian: ak kikweri akwet koba ong’atet komosin, ak kiit tulwetab Kamuktaindet, ne kiguure Horeb.

ISAIAH 1:1

Ng’ang’utietab Isaia weritab Amos, ne kigeer agobo Juda ak Jerusalem, eng’ betusiekab Usia, Jotam, Ahas ak Hesekia, laitorinikab Juda.

JEREMIA 1:1

Chu ng’alekab Jeremia weritab Hilkia, ne ki bo tisiik che kimi Anatot eng’ emetab Benjamin:

JEREMIA 28:8

Kimaoten maotik che bo keny che kiindounena ak che kiindounenen agobo emotinwek che chang’, ak bounatosiek, agobo luget ak yaitiet, ak koroito.

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

JEREMIA 7:27

Ak mwachi ichek ng’alechuto tugul; ago magasin: iguure ichek kogeny, ago mawolun.

HOSEA 1:1

Ni ng’olyotab Jehovah ne kinyonji Hosea weritab Beri, eng’ betusiekab Usia, Jotam, Ahas, ak Hesekia, che ki laitorinikab Juda, ak eng’ betusiekab Jeroboam weritab Joas, laitoriatab Israel.

AMOS 7:14

Kiwolji anyun Amos Amasia, kolenji, Kima ko a maotiot, ak ki ma ko a weritab maotiot; ago kia mestowot, ak kia saborindetab mogoonik:

MIKAH 1:1

Ng’olyotab Jehovah ne kinyonji Mika Morastindet eng’ betusiekab Jotam, Ahas, ak Hesekia, laitorinikab Juda, ne kigeer agobo Samaria ak Jerusalem.

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.

MATAYO 4:18

Ak ye kiwendote ngegutab araraita ne bo Galili, kogeer bik aeng’ che tupcho, Simon ne kiguure Petero, ak Andrea ng’etab kamet, kowirjinoti regereiywot ne kiname njirenik araraita; amu ki ramikab njirenik.

1 KORINTOEK 1:27

ago kilewen Jehovah tuguk che berber che bo ng’ony, si kogochi kalilanet che ng’omen; ak kilewen Jehovah tuguk che nyalulotin che bo ng’ony, si kogochi kalilanet tuguk che kimen;