AMDOINDET 8:16 - BUKUIT NE TILIL

¹⁶ Ye kiagiil muguleldanyu konai ng’omnatet, ak ageer boisiet ne kiyaei eng’ ng’ony; (amu mi ne mainuuchi bet anan kemoi:)

Bukuit Ne Tilil

¹⁶ Ye ki agiil muguleldanyu konai utaatyet ak ageer poisyet ne kiyaei eng' ng'wony, ko ki ageer ale mi ne ma inuuchi peet anan kemoi.

BUKUIT NE TILIIL Sireet ne Dutero Kanon

¹⁶ Ye ki agiil muguleldanyu konai utaatyet ak ageer poisyet ne kiyaei eng' ng'wony, ko ki ageer ale mi ne ma inuuchi peet anan kemoi.

AMDOINDET 8:16 ပူးပေါင်းရင်းမြစ်များ

TAUNET 31:40

Kiatebi ko u noto; kibira kiptoret bet, ak kibara kaititiet kemoi; ak kima kota anuuchi.

TIENWOGIKAL 127:2

Buch eng’ okwek ye ong’eetosi kota ko karon mising’, ak otebye keny si obendi oruitosi, Ak oame amitwogik che onyaliljini: Igochin anyun chamanennyi ruondo.

AMDOINDET 1:13

Ak kiagiil muguleldanyu kocheng’ ak kosiach eng’ ng’omnatet agobo tuguk tugul che kiyaei eng’ kureretab kipsengwet: kiigochi Kamuktaindet werikab bik boisiet ne bo nyalilda kotigone.

AMDOINDET 1:14

Kiageer boisionik tugul che kiyaei eng’ kureretab asista; ak ogeero, buch tugul, kaiimetab ge ne bo buch.

AMDOINDET 1:17

Ak kiagiil muguleldanyu konai ng’omnatet, ak konai iywek ak berberindo: kiageer kogeny ale kaiimetab ge buch nito.

AMDOINDET 2:23

Amu bo arogenet betusiekyik tugul, ak ko bo ng’wanindo boisiennyi; ee, maimuunyi muguleldanyi kemoi. Buch nito agine.

AMDOINDET 4:8

Mi age ne mi inegei, ama tinyei ne rubei; ee, matinyei werit anan ng’etab kamet; nganda u noto, ko mami kagesunet ne bo birtoennyi bo ge tugul, ama biyonyi konyekyik magornatosiek. Len, Aboisiechini ng’o, ak arebe sobondanyu kit ne mie? Buch nito agine, ee, boisiet ne bo nyalilda.

AMDOINDET 5:12

Anyiny ruondab chito ne boisiei, ngo am che ng’ering’ anan che chang’: ago mainuuktos magorek amu biyendanywa.

AMDOINDET 7:25

Kiaweege, ak kimach muguleldanyu konai ak kosiach ak kocheng’, ng’omnatet, ak ole teptoi tuguk, ak konai kole yaitiet ko berberindo, ak kole berberindo ko iywek.

AMDOINDET 8:7

amu manaei kit ne biitu; amu tos ng’o ne imuchi komwachi inendet ole biitundoi kioto?

AMDOINDET 8:9

Kiageer chuto tugul, kiagiilji muguleldanyu boisiet age tugul ne kiyaei eng’ kureretab asista: mitei betut ne tinyei chito age kimnatet koboi age si kogochinegei nyalilda.