AMDOINDET 7:2 - BUKUIT NE TILIL

² Kaigai kebe got ne kiteiye, kosiir kebe got ne mi igorta: amu noto kagesunetab bik tugul; ak konori noto eng’ muguleldanyi chito ne sobei.

Bukuit Ne Tilil

² Kaigai keba koot ne kiteiye, kosiir keba koot ne mi igoorta. Amu nooto kagesunetap piik tugul, ak konori nooto eng' muguleldanyi chiito ne sabei.

BUKUIT NE TILIIL Sireet ne Dutero Kanon

² Kaigai keba koot ne kiteiye, kosiir keba koot ne mi igoorta. Amu nooto kagesunetap piik tugul, ak konori nooto eng' muguleldanyi chiito ne sabei.

AMDOINDET 7:2 ပူးပေါင်းရင်းမြစ်များ

TIENWOGIKAL 90:12

Inetech anyun kiit betusiekyok, Si kobiit kesich muguleldo ne bo ng’omnatet.

AMDOINDET 2:14

Tinyei konyek che keertoe ne ng’om, ak wendoti ne berber eng’ mesundeito: agot eng’ choto ko kiageer ale ityin kit agenge ichek tugul.

AMDOINDET 2:16

Amu magibwati ne ng’om agoi, ko u ye magibwati ne berber; amu tun kiutie tugul eng’ betusiek che bwanei. Meei ne ng’om agine ko u ne berber!

AMDOINDET 3:19

Amu kit ne nyoru werikab bik konyoru tiong’ik; nyoru kit agenge tugul: ko u ye meei age, ko u noto, meei age agine; ee, tinyei tugul kabuset agenge; ama tinyei chito etunatet kosiir tiong’ik; amu buch tugul.

AMDOINDET 3:20

Bendi tugul komosta agenge: bo tugul ng’ung’unyek, ak ketyingei tugul ng’ung’unyek.

AMDOINDET 6:6

Agot ngo sob kenyisiek elfut konyil aeng’, ama baibaitune kiy ne mie, tos mabendi tugul oldo agenge?

AMDOINDET 9:2

Ityin bik tugul tuguk tugul kogergeit: ityin kit agenge chi ne bo iman ak chi ne ya; ityin ne mie, ak ne tilil, ak ne ma tilil, ityin ne igoitoi korosiot, ak ne maigoitoi korosiot: ko u kit ne u chito ne mie, ko u noto kiptengekyot; u inendet ne iyostos, inendet ne iywei kayosiet.

AMDOINDET 9:3

Nito ko yaitiet eng’ tugul che kiyaei eng’ kureretab asista, mi kit agenge ne ityin tugul: ee, nyiitat mugulelwekab werikab bik, yaitwogik, ak mi iywek mugulelwekwak kote kosoptos, ak ye ibata koba ole mi che kigobek.

AMDOINDET 9:5

Amu ingen che soptos kole begu: ago manaei kiy age tugul che kigobek, ama kotinyei melekto age tugul kogeny; amu kigeutie ichek.

ISAIAH 47:7

Ak kiimwa ile, Aegu chebioset agoi; kot ko mata inde tuguchuto muguleldang’ung’, amata ibwat kagesunenywa.

JEREMIA 16:8

Amewe gotab igorta, otebi ak ichek, oamisie ak oee.

HAGGAI 1:5

Mwaei anyun Jehovah ne bo lugosiek ko u ni kole, Orib atebosiekwok.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

KAITOSYEK 23:10

Ng’o ne imuchi koiit temburiekab Jakobo, Anan ng’o ne imuchi koiit kebeberta agenge eng’ ang’wan ne bo Israel? Ingame meetab che bo iman, Ak ingogergeit kagesunennyu ak nenyinet!

MATAYO 5:4

Boiboen che arogendos: amu tun kigoigoi.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!

NG'ATUTIK 32:46

ak kilenji, Onde mugulelwekwok ng’alechu tugul kabaorianwok ra; che tun ong’ate lagokwok, korib koyai ng’alek tugul che bo ng’atutioni.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

HEBRANIK 9:27

Ak ko u ye kiging’at agobo bik kobek konyil agenge, ak ye ibata nito koek kiruoget;