AMDOINDET 7:14 - BUKUIT NE TILIL

¹⁴ Baibaitu eng’ betutab berurto, ak eng’ betutab nyalilda ibwat komie: kiyai Kamuktaindet choto kogergeit tuwai, si manai chito kit age tugul ne biitu let.

Bukuit Ne Tilil

¹⁴ Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

BUKUIT NE TILIIL Sireet ne Dutero Kanon

¹⁴ Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

AMDOINDET 7:14 ပူးပေါင်းရင်းမြစ်များ

1 LAITORINIK 8:47

ago ngot kobwatgei eng’ emet ne kigimut koek luulenik, ak kosik, ak korirjin eng’ emetab bik che kiimut ichek koluul, kole, Kigeyai tengekto, kigeyai kit ne imaasat, kigeyai kit ne ya kot;

Kitabuutap JOB 2:10

Ago kilenji Job inendet, Ing’alali ko u ye ng’alaldos kwonyik che berber. Tos kinyor che miach eng’ eutab Kamuktaindet ama kinyoru che yaach? Eng’ chuto tugul ko ma mwa Job tengek eng’ kutinnyi.

TIENWOGIKAL 119:71

Mie eng’ ane amu kiginyalila; Si kobiit anetge ng’atutiguk.

TIENWOGIKAL 40:3

Ak kagonde kutinnyu tiendo ne leel, noto kalosunet eng’ Kamuktaindennyo: Keerei che chang’, ak koiywei, Ak komang’ Jehovah.

AMDOINDET 10:14

Tesei kogeny ne berber ng’alek: ago manaei chi kit ne biitu; ak ng’o ne mwachin inendet tuguk che biitu let eng’ inendet?

AMDOINDET 11:9

Ee, baibaitu murenoni, eng’ betusiekab ming’inateng’ung’; ak ingobaibain muguleldang’ung’ eng’ betusiekab ming’inateng’ung’, ak isub ortinwekab muguleldang’ung’, ak ko u ye igeere: ago nai ile, imutyinin Kamuktaindet kiruoget amu tuguchuto tugul.

AMDOINDET 12:13

Kagesunetab tuguchu ni; kagogasak tugul: iywei Kamuktaindet ak irib ng’atutikyik; amu nyoljin chito boisionito tugul.

AMDOINDET 12:8

Mwaei Amdoindet kole, Buch, matilei kiy; buch tugul.

AMDOINDET 3:22

Kiageer anyun ale, mami kiy ne mie, kosiir kobaibait chito eng’ boisionikyik: amu noto kebebertanyi: amu ng’o ne weechi kogeny inendet kogeer tuguk che biitu let?

AMDOINDET 3:4

betut ne kirirtos, ak betut ne kiroritos; betut ne kiteitos, ak betut ne kiurereni;

AMDOINDET 5:17

Amisiei kogeny eng’ betusiekyik tugul eng’ mesundeito, ak tinyei arogenet ne ng’wan, ak miando ak neregek.

AMDOINDET 8:7

amu manaei kit ne biitu; amu tos ng’o ne imuchi komwachi inendet ole biitundoi kioto?

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

ISAIAH 26:11

Kasutok eung’ung’ Jehovah, ama keerei ichek: ago keerei kagiileng’ung’ bo ge agobo bik, ak kolilanso; ee, laldos buniguk.

ISAIAH 42:25

Kirong’ji anyun neregekyik che koromen, ak kimnatetab luget; ak koyieme mat inendet, ago ma nai kora ak kobeel inendet, ago ma chut muguleldanyi.

JEREMIA 23:20

Maweeksei neregekab Jehovah, agoi koyai koges, agoi koyai magutikab muguleldanyi kosulda: oguitosi ng’olyondonito komie eng’ betusiek che bo let.

RIREKAB JEREMIA 3:38

Tos mamong’une kutitab Inendet ne Toror Mising’ yaitiet ak mieindo?

MIKAH 6:9

Kuurei kutitab Jehovah nganaset, ak koiywei ne ng’om kaineng’ung’: ogas kirokto, koboto inendet ne king’atei.

MATAYO 9:13

Ago oba okwek, si onetge ole teptoi ng’olyondoni, Amache rirenetab ge, mamache tiseiywo: amu kima anyo aguur che bo imanda, ago kiptengeginik.

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.

NG'ATUTIK 26:11

ak ibaibaitu eng’ mieindo tugul ne kigonin Jehovah Kamuktaindeng’ung’, ak gong’ung’, inye ak Lawindet, ak toondet ne mi kwenung’ung’.

NG'ATUTIK 28:47

Amu meboisiechini Jehovah Kamuktaindeng’ung’ eng’ boiboindo, ak eng’ kagesetab ge ne bo muguleldo, amu chang’indab tuguk tugul:

NG'ATUTIK 8:3

Ak kiiming’inin, kigonin koamin rubet, ak kibaenen mana, che kima inai, agot kwanisieguk; si kogonin inai ile masobei chi eng’ amdit kityo, ago sobei chi eng’ kiy age tugul ne mong’une kutitab Jehovah.

NG'ATUTIK 8:5

Ak iguiye eng’ muguleldang’ung’ ile, ko u ye itigoni chi werinnyi, ko u noto itigonin Jehovah Kamuktaindeng’ung’.

JAKOBO 5:13

Mi chi eng’ okwek ne nyalili? Ingosa. Mi ne baibai? Ingotien kalosunet.