AMDOINDET 3:13 - BUKUIT NE TILIL

¹³ Ak kogeny konunetab Kamuktaindet konyoljin chi age tugul koamis ak koeeiso, ak kobaibait eng’ tuguk che miach eng’ birtoennyi bo ge tugul.

Bukuit Ne Tilil

¹³ Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.

BUKUIT NE TILIIL Sireet ne Dutero Kanon

¹³ Ak kogeny konunetap Kamuktaindet konyaaljin chii age tugul koamis, koeeiso ak kobaibait eng' tuguuk che myach eng' pirtoennyi pogei tugul.

AMDOINDET 3:13 ပူးပေါင်းရင်းမြစ်များ

TIENWOGIKAL 128:2

Amu iame boisionikab euneguk: Ibaibaitu, ak italbisi.

TIENWOGIKAL 34:12

Ng’o chi ne machei kosob keny, Ak kochamei betusiek che chang’ si kogeer ne mie?

AMDOINDET 2:24

Mami kit ne kaigai eng’ chito kosiir koamis ak koeeiso, ak kobaibae sobondanyi tuguk che miach eng’ birtoennyi bo ge. Kiageer kogeny ale bunu nito eutab Kamuktaindet.

AMDOINDET 2:3

Kiasiach eng’ muguleldanyu ole aboiboititoi bortanyu eng’ divaik, kondoiywa muguleldanyu eng’ ng’omnatet, ak ole anamdoi berberindo, kot amuch ageer kit ne nyoljin werikab bik koyai eng’ kureretab kipsengwet eng’ betusiekwak tugul.

AMDOINDET 6:2

chito ne igochin Kamuktaindet magornatosiek, chang’indab tuguk, ak teegisto, kot ko mararjin kiy sobondanyi eng’ tuguk tugul che machei, ago maigochin Kamuktaindet kimnatet ne ame tukchoto, ago amei toondet; buch nito, ak ko miando ne ya.

AMDOINDET 8:15

Kialosu anyun boiboiyet, amu matinyei chi kiy ne mie eng’ kureretab asista kobate koam, ak koeei, ak kobaibait: amu tebyei noto koboto inendet eng’ boisiennyi, eng’ betusiek tugul che bo sobennyi, che kiigochi Kamuktaindet inendet eng’ kureretab asista.

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

NG'ATUTIK 12:7

oamisie eng’ oloto eng’ taitab Jehovah Kamuktaindeng’wong’, ak oboiboitu eng’ tugul che oyae eunekwok, okwek ak bikwok, eng’ che kaiberurun Jehovah Kamuktaindeng’ung’.

NG'ATUTIK 26:11

ak ibaibaitu eng’ mieindo tugul ne kigonin Jehovah Kamuktaindeng’ung’, ak gong’ung’, inye ak Lawindet, ak toondet ne mi kwenung’ung’.