AMDOINDET 3:11 - BUKUIT NE TILIL

¹¹ Kigoyai kiy age tugul kogararanit eng’ betunnyi: ak kiinde mugulelwekwak kabwatetab koigeny, ago nganda u noto, ko maimuch konai chito boisiet ne kigoyai Kamuktaindet koboch taunet agoi kagesunet.

Bukuit Ne Tilil

¹¹ Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet.

BUKUIT NE TILIIL Sireet ne Dutero Kanon

¹¹ Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet.

AMDOINDET 3:11 ပူးပေါင်းရင်းမြစ်များ

TAUNET 1:31

Ak kigeer Kamuktaindet tuguk tugul che kiga koyai kole miachen mising’. Ak kiek koskoleny ak kiek karon, betut ne bo lo.

Kitabuutap JOB 11:7

Tos imuchi inyoru Kamuktaindet ngisiach? Tos imuchi inyoru ole bochin Inendet ne bo Kamuktaet?

Kitabuutap JOB 37:23

Magimuchi kegeer Inendet ne bo Kamuktaet; tinyei telunatet eng’ kamuktaet: Mainyalilisiei eng’ kiruoget ak eng’ imanda ne o.

Kitabuutap JOB 5:9

Inendet ne yaei tuguk che eechen che maisiagaksei; Tuguk che kikwong’e che maiitoksei:

TIENWOGIKAL 104:24

Ee Jehovah, chang’ ne tia boisioniguk! Kiiyai tugul eng’ ng’omnatet: Nyiitat ng’ony magornatosieguk.

KALEWANAIK 16:4

Kiyai Jehovah tuguk tugul ko u ye kimakyin: Ee, kiyachi che yaach betut ne ya.

AMDOINDET 1:13

Ak kiagiil muguleldanyu kocheng’ ak kosiach eng’ ng’omnatet agobo tuguk tugul che kiyaei eng’ kureretab kipsengwet: kiigochi Kamuktaindet werikab bik boisiet ne bo nyalilda kotigone.

AMDOINDET 11:5

Ko u ye mengen oretab usonet anan ole nertoi kowekab lakwet eng’ moetab inendet ne managat; u noto mengen boisietab Kamuktaindet ne yaei tuguk tugul.

AMDOINDET 7:13

Ibwat boisietab Kamuktaindet: amu ng’o ne imuchi kolitit kit ne kiyai inendet kogunurit?

AMDOINDET 7:23

Kiageer chuto tugul eng’ ng’omnatet: kiale, Ang’omitu; ago kilooena.

AMDOINDET 7:29

Ogeero, kianyoru nito kityo, ale, kiyai Kamuktaindet chito kobunji iman; ago kigocheng’ ichek tuguk che chang’ che taunen.

AMDOINDET 8:17

kiageer anyun boisionik tugul che bo Kamuktaindet, ale maimuchi chi konai boisiet ne kiyaei eng’ kureretab asista: amu agot ngogiilgei chito ne tai, kole kocheng’, ko manyoru; ee, agot ngo len chito ne ng’om konai, ko maimuchi konyor.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

MATAYO 13:22

Ak inendet ne kigilechi ole mi katok, ko inendet ne kasei ng’olyot; ak kogiich ng’olyot kererwekab met che bo ng’ony, ak kaberberisiet ne bo magornatet, si mai.

MARIKO 7:37

Ak kikwong’io mising’ ne siirei, kolen, Kagoyai tuguk tugul komie: igochin kogasta agot che ming’otin, ak kong’alal che namotin kut.

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

ROMANIK 11:33

Ee tianitu anyun oindo ne bo magornatosiekab ng’omnatet ak naetab Jehovah! Ak kiruogutikyik che maisiagaksei, ak ortinwekyik che ma cheng’oksei!

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.