AMDOINDET 2:8 - BUKUIT NE TILIL

⁸ Kiayumjige kogeny feda ak tahabu, ak konoraik che kororon che bo laitorinik ak che bo emotinwek: kialewenjige tienik che murenik ak che kwonyik, ak boiboiyosiekab werikab bik, chebaigeinik che chang’.

Bukuit Ne Tilil

⁸ Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'.

BUKUIT NE TILIIL Sireet ne Dutero Kanon

⁸ Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'.

AMDOINDET 2:8 ပူးပေါင်းရင်းမြစ်များ

2 SAMUEL 19:35

A bo rani kenyisiek tamanwogik sisiit: ta amuchi abesio ne mie ak ne ya? Ta komuchi otwogindeng’ung’ kogas kit ne chamu tuguk che aame anan ko che aee? Ta amuchi agas cheetab murenik che tiendos, ak kwonyik che tiendos? Amu nee anyun si ko ta koek milet otwogindeng’ung’ kogeny, eng’ kiptaiyandennyu laitoriat?

1 LAITORINIK 10:10

Ak kiigochi kwonyoto Solomon talentaisiek bogol ak tiptem che bo tahabu, ak nyamdutik che ng’uu ne anyiny, che chang’ mising’; ak koik che bo kamanutiet ne o: kimata keip kogeny nyamdutik che ng’uu ne anyin ng’isiat che te choto che kiigochi laitoriatab Sheba laitoriat Solomon.

1 LAITORINIK 10:14

Ak nyigisindab tahabu che kiipchi Solomon eng’ kenyit agenge ko ki talentaisiek bogol lo ak tamanwogik lo ak lo che bo tahabu,

1 LAITORINIK 10:21

Ki bo tahabu tuguk tugul che keeise che bo laitoriat Solomon, ak tuguk tugul che kigiboisie eng’ gotab osnetab Lebanon ko ki bo tahabu che tililen: kima komi agot agenge ne bo feda; kima ko kiy feda eng’ betusiekab Solomon.

1 LAITORINIK 11:3

Ak kitinyei osotik bogol tisab, che ki tibikab bounik, ak chebaigeinik bogol somok: ak kiimaas osotikyik muguleldanyi.

1 LAITORINIK 14:27

Ak kiyai Reoboam long’onik che bo sugunonik kogeere choto, ak kogochi kiptainikab ribik, che kiribei kurgetab gotab laitoriat.

1 LAITORINIK 9:14

Ak kiiyokyi Hiram laitoriat Solomon talentaisiek bogol ak tiptem che bo tahabu.

1 LAITORINIK 9:28

Ak kiba Opir, ak koib tahabu eng’ oloto, talentaisiek bogol ang’wan ak tiptem, koipchi laitoriat Solomon.

1 ATEPTAP PEETUUSYEK 25:1

Kiitaban kogeny Daudi ak kiptainikab luget alak eng’ werikab Asap kotanbanji boisiet, ak che bo Herman, ak che bo Jedutun, si komaotenso eng’ ketubosiek, ak kibugandinik ak sanisiek che bo sugunonik che kibirei: ak koitetab icheget che kiyaei boisiet ko u otisienywa ko:

1 ATEPTAP PEETUUSYEK 25:6

Kibou chuto tugul kwandanywa si kotienso eng’ gotab Jehovah, kotinyei sanisiek che bo sugunonik che kibirei, ak ketubosiek, agobo otisietab gotab Kamuktaindet; king’atei laitoriat Asap, Jedutun ak Heman.

2 ATEPTAP PEETUUSYEK 9:11

Ak kiyae laitoriat ketichato bo almug ole kitogostoe eng’ gotab Jehovah, ak eng’ gotab laitoriat, ak ketubosiek ak kibugandinik che bo tienik: ak kitomo kogeerei chi tuguk che u choto eng’ emetab Juda.

EZRAH 2:65

ko ma boto otwogikwak che murenik ak che tibik, kiek choto elfusiek tisab ak bogol somok ak sosom ak tisab: ak kitinyei tienik che murenik ak gotab kor bogol aeng’.

AMDOINDET 1:2

Mwaei Amdoindet kole, Buch, matilei kiy, buch, matilei kiy; buch tugul.

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 3:5

eng’ sait age tugul ne kogas cheetab igondit, ndurerut, ketubet, chepkesemit, kibugandet, ndurerut ne o, koboto tienwogik alak tugul, obutyi ng’ony ak olosu kanamwetab tahabu ne kilumda laitoriat Nebukadnesar:

DANIEL 3:7

Kingogas anyun bik tugul cheetab igondit, ndurerut, ketubet, chepkesemit, kibugandet, koboto tienwogik alak tugul, kobutyi ng’ony bik tugul, bororiosiek, ak che bo kutuswek che ter, ak kolos kanamwetab tahabu ne kiga kolumda laitoriat Nebukadnesar.

AMOS 6:5

ichek che tieni tienwogik che bo buch eng’ cheetab kibugandet; che chopchingei tuguk che bo tienwogik, ko u Daudi;