AMDOINDET 2:24 - BUKUIT NE TILIL

²⁴ Mami kit ne kaigai eng’ chito kosiir koamis ak koeeiso, ak kobaibae sobondanyi tuguk che miach eng’ birtoennyi bo ge. Kiageer kogeny ale bunu nito eutab Kamuktaindet.

Bukuit Ne Tilil

²⁴ Ma mi kiit ne kaigai eng' chiito kosiir koamis ak koeeiso, ak kobaibae saboondanyi tuguuk che myach eng' pirtoennyi pogei. Ki ageer kogeny ale punu niito eutap Kamuktaindet.

BUKUIT NE TILIIL Sireet ne Dutero Kanon

²⁴ Ma mi kiit ne kaigai eng' chiito kosiir koamis ak koeeiso, ak kobaibae saboondanyi tuguuk che myach eng' pirtoennyi pogei. Ki ageer kogeny ale punu niito eutap Kamuktaindet.

AMDOINDET 2:24 ပူးပေါင်းရင်းမြစ်များ

1 LAITORINIK 4:20

Ki chang’ Juda ak Israel, ko u ng’aniek che mi nyanjet eng’ chang’indo, koamisiei ak koeeisei ak koboiboegei.

NEEMIA 8:10

Yeityo kolenji ichek, Oba, oam che akwaen, ak oee che anyiny, ak oyokyi kebeberwek inendet ne ma kichopchi kiy; amu tilil betuni eng’ Kiptaiyandennyo; amoarogense, amu kimnateng’wong’ boiboiyetab Jehovah.

AMDOINDET 2:10

Ak kima aete konyekyuk kiy age tugul ne kimach: ma aete muguleldanyu boiboiyet age tugul, amu kibaibait muguleldanyu eng’ boisiennyu tugul; ak ki nito kebebertanyu eng’ boisiennyu tugul.

AMDOINDET 2:25

Amu ng’o ne imuchi koamis, ng’o ne imuchi konyor boiboiyet, kosiira?

AMDOINDET 2:3

Kiasiach eng’ muguleldanyu ole aboiboititoi bortanyu eng’ divaik, kondoiywa muguleldanyu eng’ ng’omnatet, ak ole anamdoi berberindo, kot amuch ageer kit ne nyoljin werikab bik koyai eng’ kureretab kipsengwet eng’ betusiekwak tugul.

AMDOINDET 3:22

Kiageer anyun ale, mami kiy ne mie, kosiir kobaibait chito eng’ boisionikyik: amu noto kebebertanyi: amu ng’o ne weechi kogeny inendet kogeer tuguk che biitu let?

AMDOINDET 5:17

Amisiei kogeny eng’ betusiekyik tugul eng’ mesundeito, ak tinyei arogenet ne ng’wan, ak miando ak neregek.

AMDOINDET 6:12

Ng’o anyun ne ingen kit ne mie agobo chito eng’ sobennyi, eng’ betusiek tugul che bo sobennyi ne bo buch che boisie ko u uruet? Ng’o anyun ne imuchi komwachi chito tuguk che biitu let eng’ inendet eng’ kureretab asista?

AMDOINDET 6:2

chito ne igochin Kamuktaindet magornatosiek, chang’indab tuguk, ak teegisto, kot ko mararjin kiy sobondanyi eng’ tuguk tugul che machei, ago maigochin Kamuktaindet kimnatet ne ame tukchoto, ago amei toondet; buch nito, ak ko miando ne ya.

AMDOINDET 8:15

Kialosu anyun boiboiyet, amu matinyei chi kiy ne mie eng’ kureretab asista kobate koam, ak koeei, ak kobaibait: amu tebyei noto koboto inendet eng’ boisiennyi, eng’ betusiek tugul che bo sobennyi, che kiigochi Kamuktaindet inendet eng’ kureretab asista.

ISAIAH 56:12

Mwaei kole, Obwa, si aib divaik, si kee maiyek konyiiech; ak kergeitu betuni ak mutai; betut ne o, ne siirtoot.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

POISYONIGAP CHE KIYOKTOI 14:17

Ago kima tebi buch inendet ama tinyei baoria, amu kiyai ne mie, ak kogonok ropta ne bunu kipsengwet ak betusiekab ruratet, kogochin kobiyong’so mugulelwekwok eng’ amitwogik ak kagasetab ge.

1 KORINTOEK 15:32

Ngo kigibarge ak tiong’ik eng’ Epeso ko u biteetab bik, atinye borot nee anyun? Ngo kaga maging’eeti che begu, ongeamisie ak kee, amu kibegu mutai.

NG'ATUTIK 12:12

si oboiboitu eng’ taitab Jehovah Kamuktaindeng’wong’, okwek, koboto werikwok, ak tibikwok, ak otwogikwok che murenik koboto otwogikwok che tibik, ak Lawindet ne mi kurgotikwok, amu matinyei inendet kebeberta anan borotet kobotok.

NG'ATUTIK 12:18

ago iame tukchoto eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogeng’ung’ ne tie, ak Lawindet ne mi kurgotiguk: ak ibaibaitu eng’ taitab Jehovah Kamuktaindeng’ung’ eng’ kiy age tugul ne iyae euneguk.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;