AMDOINDET 2:23 - BUKUIT NE TILIL

²³ Amu bo arogenet betusiekyik tugul, ak ko bo ng’wanindo boisiennyi; ee, maimuunyi muguleldanyi kemoi. Buch nito agine.

Bukuit Ne Tilil

²³ Amu po arageneet peetuusyekyik tugul, ak ko po ng'wanindo poisyennyi. Ee, ma imuunyi muguleldanyi kemoi. Puch niito agine.

BUKUIT NE TILIIL Sireet ne Dutero Kanon

²³ Amu po arageneet peetuusyekyik tugul, ak ko po ng'wanindo poisyennyi. Ee, ma imuunyi muguleldanyi kemoi. Puch niito agine.

AMDOINDET 2:23 ပူးပေါင်းရင်းမြစ်များ

TAUNET 3:17

Kolenji anyun Adam, Amu kegas ng’alekab kwondang’ung’, ak kaiam che bo ketit ne kiang’atin, ale, Amat iam che bo ketoto: kagichub ng’ony agobo inye; iame che bo ng’ony eng’ nyalilda betusieguk tugul, kote isobe;

TAUNET 47:9

Ak kiwolji Jakobo Parao, kolenji, Kenyisiekyuk che kiatar eng’ rutoitanyu ko bogol ak sosom: ng’ering’ ak ko yaachen kenyisiekyuk che kiatar, ak ma it kenyisiekyuk che kiit kenyisiekab kwanisiekyuk eng’ rutoitonywa.

ESTA 6:1

Ma imuch laitoriat konuuch kemounoto; ak king’at keib bukuitab sirutik che bo ateptab betusiek, ak kigisoman eng’ taitab laitoriat.

Kitabuutap JOB 14:1

Ng’ering’ betusiekab chi ne sichei kwondo, Ak ko chang’ nyalilwogikyik.

Kitabuutap JOB 5:7

Ago kisikyin chito kaiimetab ge, Ko u ye iteri leldetab mat.

TIENWOGIKAL 127:2

Buch eng’ okwek ye ong’eetosi kota ko karon mising’, ak otebye keny si obendi oruitosi, Ak oame amitwogik che onyaliljini: Igochin anyun chamanennyi ruondo.

TIENWOGIKAL 32:4

Amu kichiila eung’ung’ bet ak kemoi: Kiyaam bortanyu ko u ye kabiit kemeut.

TIENWOGIKAL 90:15

Ibaibaech eng’ betusiek che te che kiinyalilech, Che te kenyisiek che kigigeer yaitiet.

AMDOINDET 1:13

Ak kiagiil muguleldanyu kocheng’ ak kosiach eng’ ng’omnatet agobo tuguk tugul che kiyaei eng’ kureretab kipsengwet: kiigochi Kamuktaindet werikab bik boisiet ne bo nyalilda kotigone.

AMDOINDET 1:18

Amu mi arogenet ne o ng’omnatet ne o: ak tesei arogenet inendet ne tesei ng’omnatet.

AMDOINDET 2:11

Kiageer anyun boisionik tugul che kiayai, ak boisiet ne kiga abirtochige ayai: ak ogeero, buch tugul ak kaiimetab ge ne bo buch, ak kima komi keluno eng’ kureretab asista.

AMDOINDET 5:12

Anyiny ruondab chito ne boisiei, ngo am che ng’ering’ anan che chang’: ago mainuuktos magorek amu biyendanywa.

AMDOINDET 5:17

Amisiei kogeny eng’ betusiekyik tugul eng’ mesundeito, ak tinyei arogenet ne ng’wan, ak miando ak neregek.

AMDOINDET 8:16

Ye kiagiil muguleldanyu konai ng’omnatet, ak ageer boisiet ne kiyaei eng’ ng’ony; (amu mi ne mainuuchi bet anan kemoi:)

DANIEL 6:18

Kiwa anyun laitoriat gonnyi ne bo laitornatet, ak korugutgei kemounoto: ama kiib tugukab tienwogik koba tainnyi: ak am inuuch.

POISYONIGAP CHE KIYOKTOI 14:22

kogimitoti sobonwekab alamalyet, kogiili koba tai eng’ kayanet, ak kolenji, kanyol keit bounatetab Jehovah eng’ nyalilwogik che chang’.