AMDOINDET 2:10 - BUKUIT NE TILIL

¹⁰ Ak kima aete konyekyuk kiy age tugul ne kimach: ma aete muguleldanyu boiboiyet age tugul, amu kibaibait muguleldanyu eng’ boisiennyu tugul; ak ki nito kebebertanyu eng’ boisiennyu tugul.

Bukuit Ne Tilil

¹⁰ Ak ki ma aeete konyekyuk kiy age tugul ne kimach: ma aeete muguleldanyu poiboiyet age tugul, amu ki paibait muguleldanyu eng' poisyennyu tugul; ak ki niito kebebertanyu eng' poisyennyu tugul.

BUKUIT NE TILIIL Sireet ne Dutero Kanon

¹⁰ Ak ki ma aeete konyekyuk kiy age tugul ne kimach: ma aeete muguleldanyu poiboiyet age tugul, amu ki paibait muguleldanyu eng' poisyennyu tugul; ak ki niito kebebertanyu eng' poisyennyu tugul.

AMDOINDET 2:10 ပူးပေါင်းရင်းမြစ်များ

TAUNET 3:6

Ak ye kingogeer kwondo kole mie ketoto eng’ amet, ak ko kararan eng’ konyek, ak ko ketit ne kichamei ne ing’omiti chi, kobut anyun logoekyik koam; ak kogochi manong’otiondennyi ne kimi tuwai koam agine.

TAUNET 6:2

kogeer anyun werikab Kamuktaindet tibikab bik kole kororon; ak kiimutygei tugul che kilewen koek kwonyikwak.

Kitabuutap JOB 31:1

Kigiyomisge ak konyekyuk; Amuktoi ano anyun ageer bergeiyat?

TIENWOGIKAL 119:37

Iweech konyekyuk si mageer che ma nyolu. Ak isooba eng’ ortinweguk.

TIENWOGIKAL 128:2

Amu iame boisionikab euneguk: Ibaibaitu, ak italbisi.

KALEWANAIK 23:5

Tos igase miat kit ne mami? Amu yachingei magornatet kebebaik, Ko u ye tirireni kipsichit kotokyingei barak.

AMDOINDET 11:9

Ee, baibaitu murenoni, eng’ betusiekab ming’inateng’ung’; ak ingobaibain muguleldang’ung’ eng’ betusiekab ming’inateng’ung’, ak isub ortinwekab muguleldang’ung’, ak ko u ye igeere: ago nai ile, imutyinin Kamuktaindet kiruoget amu tuguchuto tugul.

AMDOINDET 2:1

Kiamwa eng’ muguleldanyu ale, Ara anyun, atiemin eng’ boiboiyet; baibaitu anyun eng’ kiy ne mie: ak keero, buch nito agine.

AMDOINDET 2:22

Nee ne nyoru chito eng’ birtoennyi bo ge tugul, ak kaiimetab ge ne bo muguleldanyi, ne birtochingei eng’ kureretab asista?

AMDOINDET 2:24

Mami kit ne kaigai eng’ chito kosiir koamis ak koeeiso, ak kobaibae sobondanyi tuguk che miach eng’ birtoennyi bo ge. Kiageer kogeny ale bunu nito eutab Kamuktaindet.

AMDOINDET 3:22

Kiageer anyun ale, mami kiy ne mie, kosiir kobaibait chito eng’ boisionikyik: amu noto kebebertanyi: amu ng’o ne weechi kogeny inendet kogeer tuguk che biitu let?

AMDOINDET 5:10

Mabiyonyi feda ne chamei feda; ama biyonyi tuguk che tesoksei, inendet ne chamei chang’indab tuguk: buch nito agine.

AMDOINDET 5:17

Amisiei kogeny eng’ betusiekyik tugul eng’ mesundeito, ak tinyei arogenet ne ng’wan, ak miando ak neregek.

AMDOINDET 5:18

Ogeero, kit ne mie ne kiageer, ak ko nyolu, ko koamis chi ak koee, ak kobaibaitune tuguk che miach eng’ boisiennyi tugul, ne yaei eng’ kureretab asista, eng’ betusiek tugul che bo sobennyi che kiigochi Kamuktaindet inendet: amu kebebertanyi nito.

AMDOINDET 6:2

chito ne igochin Kamuktaindet magornatosiek, chang’indab tuguk, ak teegisto, kot ko mararjin kiy sobondanyi eng’ tuguk tugul che machei, ago maigochin Kamuktaindet kimnatet ne ame tukchoto, ago amei toondet; buch nito, ak ko miando ne ya.

AMDOINDET 6:9

Kaigai keeretab konda kosiir maget ne omenoti: buch nito agine ak ko kaiimetab ge ne bo buch.

AMDOINDET 8:15

Kialosu anyun boiboiyet, amu matinyei chi kiy ne mie eng’ kureretab asista kobate koam, ak koeei, ak kobaibait: amu tebyei noto koboto inendet eng’ boisiennyi, eng’ betusiek tugul che bo sobennyi, che kiigochi Kamuktaindet inendet eng’ kureretab asista.

AMDOINDET 9:6

Kigobet chamnyenywa, ak wechenywa, ak ng’et kondanywa, ama kotinyei kebeberta koigeny eng’ kiy age tugul ne kiyaei eng’ kureretab asista.

AMDOINDET 9:9

Otebi eng’ boiboiyet ak osotiot ne ichame, betusiek tugul che bo sobeng’ung’ ne bo buch, che kigonin inendet eng’ kureretab asista, betusieguk tugul che bo buch: amu kebebertang’ung’ noto kote isobe ak eng’ boisieng’ung’ ne iyaei eng’ kureretab asista.

1 JOHANA 2:16

Amu tuguk tugul che mitei ng’ony, magetab borto, ak magetab konyek, ak menotetab sobondo, ko ma bo Kwanda, ago bo ng’ony.

KIRUOGIK 14:2

Ak kitogos inendet, konyo komwachi kwanda ak kamet, kolenji, Kaageer chepto eng’ Timna eng’ tibikab Pilistik: ara anyun omutwa atun.