AMDOINDET 12:11 - BUKUIT NE TILIL

¹¹ U kiplitok ng’alekab bik che ng’omen, ak u kipchumarisiek che kigigiich komie, ng’alekab konetikab tuiyosiek, che kigigon kobun mestowot agenge.

Bukuit Ne Tilil

¹¹ Uu kiplitok ng'aleegap piik che utaatiin ak uu kipchumarisyek che ki kigiich komyee, ng'aleegap kaneetigap tuiyosyek, che ki kigon kobun mestowot agenge.

BUKUIT NE TILIIL Sireet ne Dutero Kanon

¹¹ Uu kiplitok ng'aleegap piik che utaatiin ak uu kipchumarisyek che ki kigiich komyee, ng'aleegap kaneetigap tuiyosyek, che ki kigon kobun mestowot agenge.

AMDOINDET 12:11 ပူးပေါင်းရင်းမြစ်များ

TAUNET 49:24

Ago tebye kwangennyi eng’ kimnatet, Ak kigimegitu eunekyik, Eng’ eunekab Inendet ne Kim ne bo Jakobo, (Mong’une oloto mestowot, inendet koita ne bo Israel),

EZRAH 9:8

Kagiboruech anyun nguno eng’ boroini ming’in mieindo ne bunu Jehovah Kamuktaindennyo, kot kotuukwech alak kochililso, ak kogonech tigongiot eng’ oldanyi ne tilil, si kokweng’wech konyekyok Kamuktaindennyo, ak kogonech kasoobet ne ming’in eng’ ratisiennyo.

TIENWOGIKAL 23:1

Jehovah mestowondennyu; mararua kiy.

TIENWOGIKAL 80:1

Eb it, ee Mestowotab Israel, Inye ne indochini Josep ko u akwetab kechirek; Iluu, inye ne itebe kerubisiek.

KALEWANAIK 1:6

Koguiyo kalewenet, ak kaweekset; Koguiyo ng’alekab bik che ng’omen ak ng’alekwak che ung’otin.

KALEWANAIK 10:21

Baei bik che chang’ kutitab chito ne bo iman: Ago begu che berber amu matinyei naet.

KALEWANAIK 22:17

Eb it, si kobiit igas ng’alekab bik che ng’omen, Ak itokyi muguleldang’ung’ naennyu.

AMDOINDET 10:12

Miachen ng’alekab chito ne ng’om; ago luguegei kutitab chito ne berber.

AMDOINDET 7:5

Kaigai kegas keretab kong’ ne bo chito ne ng’om, kosiir kogas chito tiendab bik che berber.

ISAIAH 22:23

Ak agiich inendet ko u kipchumariat eng’ ole kim; ak koek ng’echeretab torornatet eng’ gotab kwandanyi.

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

JEREMIA 23:29

Tos ma u ng’olyondennyu mat? Mwaei Jehovah; ak ma u kiriswet ne tonei ruandet?

EZEKIEL 34:23

Ak ande mestowot agenge koyaga ichek, ak kobai ichek, noto ko otwogindennyu Daudi; baei inendet ichek, ak koek mestowondenywa.

MATAYO 3:7

Ago ye kingogeer kobwanji kabatisanennyi che chang’ che bo Parisaik ak Sadukaik, kolenji, Okwek lagokab erenok che ng’wonen, ng’o ne kiiteeywok omwee nereknatet ne nyonei?

JOHANA 10:14

A mestowot ne mie; ak angen chechuk, ak kongena chechuk,

JOHANA 3:10

Kowolji Jesu kolenji, I konetindetab Israel, ameguitosi tuguchu?

POISYONIGAP CHE KIYOKTOI 2:37

Kingogas anyun nito, kotoor mugulelwekwak, ak kolenji ichek Petero ak che kiyoktoi chun alak, Che kitupche, kiyai nee?

2 KORINTOEK 10:4

(amu karikab lugennyo ko ma bo borto, ago tinyei kamuget eng’ taitab Jehovah koluul irimosiek);

HEBRANIK 13:20

Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,

HEBRANIK 4:12

Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.

1 PETERO 5:4

Ak ye tun took Mestowot ne o, onyoru kutwet ne bo lilindo ne mabetei.