AMDOINDET 12:1 - BUKUIT NE TILIL

¹ Ibwat kogeny Yaindeng’ung’ eng’ betusiekab ming’inateng’ung’, kotom koit betusiek che yaach, ak korik kenyisiek che imwae ile, Mabaibaitune chuto;

Bukuit Ne Tilil

¹ Ibwaat kogeny Yaindeng'ung' eng' peetuusyegap ming'inateng'ung', kotom koit peetuusyek che yaach ak koriik kenyiisyek che imwae ile, “Ma paibaitune chuuto,”

BUKUIT NE TILIIL Sireet ne Dutero Kanon

¹ Ibwaat kogeny Yaindeng'ung' eng' peetuusyegap ming'inateng'ung', kotom koit peetuusyek che yaach ak koriik kenyiisyek che imwae ile, “Ma paibaitune chuuto,”

AMDOINDET 12:1 ပူးပေါင်းရင်းမြစ်များ

TAUNET 39:2

Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.

TAUNET 39:23

Kima kota koribei bounindetab korgoret kiy age tugul ne kinamu Josep, amu kimi Jehovah koboto inendet; ak kiiberur Jehovah kiy age tugul ne kiyaei Josep.

2 SAMUEL 19:35

A bo rani kenyisiek tamanwogik sisiit: ta amuchi abesio ne mie ak ne ya? Ta komuchi otwogindeng’ung’ kogas kit ne chamu tuguk che aame anan ko che aee? Ta amuchi agas cheetab murenik che tiendos, ak kwonyik che tiendos? Amu nee anyun si ko ta koek milet otwogindeng’ung’ kogeny, eng’ kiptaiyandennyu laitoriat?

2 SAMUEL 19:36

Landoi otwogindeng’ung’ eng’ Jordan kityo, koboto laitoriat: ak amu nee si koyookwa laitoriat melekto ne u noto?

1 LAITORINIK 14:13

Ak korirji Israel tugul inendet, ak kotub; amu inendet inegei ne bo gab Jeroboam ne wendi kererit: amu koginyorji inendet kit ne mie eng’ Jehovah, Kamuktaindetab Israel, eng’ gotab Jeroboam.

1 LAITORINIK 18:12

Ak ye awe eng’ yu imi, komutin Tamirmirietab Jehovah ole mangen; ak ye awe amwachi Ahab, amanyo konyorun, kobara: ago ane otwogindeng’ung’, aiywei Jehovah koboch ko a ming’in.

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

Kitabuutap JOB 30:2

Ee, kelwa nee anyun, eng’ kimnatetab eunekwak? Bik che kigobetyo kimnatosiekwak.

TIENWOGIKAL 119:55

Kiabwat kaineng’ung’ kemoi, ee Jehovah, Ak kiasub ng’atutieng’ung’.

TIENWOGIKAL 34:11

Obwa lagochu, ogasa: Si anetak kaiyweisiet ne oiywei Jehovah.

TIENWOGIKAL 63:6

Ye abwatin ami itogunnyu, Ak abwatin eng’ saisiekab kemoi.

TIENWOGIKAL 90:10

Betusiekab kenyisiekyok koitei kenyisiek tamanwogik tisab, Ago eng’ che kimen koitei tamanwogik sisiit; Ago menotenywa ko nyalilda ak arogenet; Amu choktoi ko u noto, ak kebe kesiirte.

KALEWANAIK 22:6

Inet lakwet kosub oret ne nyolu kobun, Ak mabagaktoi agot ye kagoosit.

KALEWANAIK 8:17

Achame che chama; Ak nyorua che cheng’a eng’ kagiiletab ge.

AMDOINDET 11:10

Iste anyun arogenet eng’ muguleldang’ung’, ak iste yaitiet eng’ bortang’ung’: amu buch betusiekab ming’inateng’ung’ ak che bo nerateng’ung’.

AMDOINDET 11:2

Igochi kebeberta bik tisab, ee bik sisiit; amu mengen yaitiet ne biitu eng’ ng’ony.

AMDOINDET 11:8

Ee, ngo sob chito kenyisiek che chang’, ingobaibait eng’ choto tugul; ago ingobwat inendet betusiekab mesundeito, amu chang’. Buch tugul che bwanei.

ISAIAH 26:8

Ee, kigigenin, inye Jehovah, eng’ oretab kiruogutiguk; makyingei sobonwekyok kaineng’ung’ ak kabwateng’ung’.

RIREKAB JEREMIA 3:27

Mie eng’ chito kogesen chogit eng’ betusiekab ming’inatennyi.

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

HOSEA 7:9

Kigoam kipsagarek kimnatennyi, ama naei, ee, mi kalwalek alage yu, komi alage yun, eng’ inendet, ama naei.

LUKA 1:15

Amu tun egu ne o eng’ taitab Kiptaiyat, ama eei divaik anan maiyek; ago kinyiiti Tamirmiriet ne Tilil, koboch komi moetab kamet.

LUKA 18:16

Ago kiguur Jesu ichek kobwanji, ak kolenji, Ochamji lagok che mengech kobwanja, amat oete: amu bo che u chu bounatetab Jehovah.

EPESOEK 6:4

Ak okwek, kwanisiechu, amotachatachi lagokwok, si konerekso: ago obai ichek eng’ kotigonet ak kateunetab Kiptaiyat.

NG'ATUTIK 8:18

Ago ibwat Jehovah Kamuktaindeng’ung’, amu inendet ne konin kimnatet ne inyorune magornatet: si kogimit kayomisennyi ne kiiyosiechi kwanisieguk, ko u rani.

2 TIMOTEO 3:15

ak koboch ko i lakwa ko kiingen sirutik che tililen che imuchi kong’omitin agoi yetunet eng’ kayanet ne mitei eng’ Kristo Jesu.

1 SAMUEL 1:28

noto anyun, kaagochi inendet Jehovah; kote kosobei, ko kigigochi inendet Jehovah. Ak kigutung’ji Jehovah eng’ yoto.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.

1 SAMUEL 2:18

Ago kiboisiei Samuel eng’ taitab Jehovah, kota ko lakwet, kolaachi epod ne bo katanit.

1 SAMUEL 2:26

Kieet anyun lakwanato Samuel, ak ki chamat eng’ Jehovah, ak eng’ bik agichek.