AMDOINDET 11:8 - BUKUIT NE TILIL

⁸ Ee, ngo sob chito kenyisiek che chang’, ingobaibait eng’ choto tugul; ago ingobwat inendet betusiekab mesundeito, amu chang’. Buch tugul che bwanei.

Bukuit Ne Tilil

⁸ Ngo sap chiito kenyiisyek che chaang', ko ingobaibait eng' chooto tugul. Ago ingobwaat ineendet peetuusyegap mesundeito, amu chaang'. Puch tugul che pwoonei.

BUKUIT NE TILIIL Sireet ne Dutero Kanon

⁸ Ngo sap chiito kenyiisyek che chaang', ko ingobaibait eng' chooto tugul. Ago ingobwaat ineendet peetuusyegap mesundeito, amu chaang'. Puch tugul che pwoonei.

AMDOINDET 11:8 ပူးပေါင်းရင်းမြစ်များ

Kitabuutap JOB 10:21

Kotom awe ole ma aweeksei, Emetab mesundeito ak uruetab meet;

Kitabuutap JOB 10:22

Emetab mesundeito ne o, ne u mesundeito; Ne bo uruetab meet, ne matinyei ng’atut age tugul, Ak ole u lapkeiyet mesundeito.

Kitabuutap JOB 14:10

Ago meei chito, ak konun: Ee, meei chito, ak mi ano?

Kitabuutap JOB 14:12

Ko u noto ruei chito, ama kong’eetei: Agoi ko ma komi kipsengwetisiek, ko ma ng’etos, Ama king’eeti kong’eetyo eng’ ruondanywa.

Kitabuutap JOB 15:23

Ombenoti kocheng’oti amitwogik, kolen, Mi ano? Ingen inendet kole kagorikyi betut ne bo mesundeito:

Kitabuutap JOB 18:18

Kionei eng’ ole mi lapkeiyet kwo mesundeito, Ak keon eng’ ng’ony.

TIENWOGIKAL 49:20

Kergei ak tiong’ik che begu, Chito ne tinyei teegisto, ama tinyei ng’omnatet.

AMDOINDET 11:2

Igochi kebeberta bik tisab, ee bik sisiit; amu mengen yaitiet ne biitu eng’ ng’ony.

AMDOINDET 2:15

Kiale anyun eng’ muguleldanyu, Ko u ye ityin kioto ne berber, koityina agane; ak amu nee anyun si ang’omit kosiir? Kiamwa anyun eng’ muguleldanyu ale buch nito agine.

AMDOINDET 2:17

Kiawech anyun sobet amu kigona ng’wanindo boisiet ne kiyaei eng’ kureretab asista: amu buch tugul ak kaiimetab ge ne bo buch.

AMDOINDET 2:19

Ak ng’o ne ingen ngo tun egu chito ne ng’om anan ko ne berber? Nganda u noto, ko tun bou boisiennyu tugul ne koabirtochige, ak ne abartae ng’omnatet eng’ kureretab asista. Buch nito agine.

AMDOINDET 2:26

Amu igochin Kamuktaindet ng’omnatet, ak naet, ak boiboiyet chito ne iboiboi inendet: ago igochin kiptengekyot boisietab nyalilda, si kobiit koyum ak kotes, ak kogochi inendet ne iboiboi Kamuktaindet. Buch nito agine ak ko kaiimetab ge ne bo buch.

AMDOINDET 4:16

Kima komi kagesunetab bik tugul, agot ne bo ichek tugul che kibou: ago maboiboitune inendet ichek che biitu let. Buch nito agine iman ak kaiimetab ge ne bo buch.

AMDOINDET 4:8

Mi age ne mi inegei, ama tinyei ne rubei; ee, matinyei werit anan ng’etab kamet; nganda u noto, ko mami kagesunet ne bo birtoennyi bo ge tugul, ama biyonyi konyekyik magornatosiek. Len, Aboisiechini ng’o, ak arebe sobondanyu kit ne mie? Buch nito agine, ee, boisiet ne bo nyalilda.

AMDOINDET 6:11

Amu mi tuguk che chang’ che tesei tangoita, ko kaigai chito eng’ nee?

AMDOINDET 6:6

Agot ngo sob kenyisiek elfut konyil aeng’, ama baibaitune kiy ne mie, tos mabendi tugul oldo agenge?

AMDOINDET 7:14

Baibaitu eng’ betutab berurto, ak eng’ betutab nyalilda ibwat komie: kiyai Kamuktaindet choto kogergeit tuwai, si manai chito kit age tugul ne biitu let.

AMDOINDET 8:12

Agot ngo yai kiptengekyot yaitiet konyil bogol, ak kotesak betusiekyik, angen ui tugul ale, mieitu eng’ ichek che iywei Kamuktaindet, che iyweisiei eng’ tainnyi:

AMDOINDET 8:15

Kialosu anyun boiboiyet, amu matinyei chi kiy ne mie eng’ kureretab asista kobate koam, ak koeei, ak kobaibait: amu tebyei noto koboto inendet eng’ boisiennyi, eng’ betusiek tugul che bo sobennyi, che kiigochi Kamuktaindet inendet eng’ kureretab asista.

AMDOINDET 9:7

Ui oldang’ung’, am amitwogiguk eng’ boiboiyet, ak iee divaiguk eng’ muguleldo ne baibai; amu kigocham Kamuktaindet boisioniguk.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

MATAYO 22:13

Kilenji anyun laitoriat kiboitinik, Orat inendet eunek ak kelyek, ak owirji mesundeito eng’ oli bo sang’; egu eng’ oloto rirek ak nyeetab kelek.

JOHANA 12:35

Kolenji Jesu anyun, Ta komi lapkeiyet eng’ kwenung’wong’ eng’ betusiek che matia. Obendoti ye ta otinye lapkeiyet, si ma namak mesundeito: ak inendet ne wendoti eng’ mesundeito ko manaei ole wendi.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!

JUDA 1:18

ko u ye kimwawok, kole, Tun biitu chombilik eng’ betusiekab let, che isubi magutikwak che yaachen che ma bo kaiyweetab Jehovah.