AMDOINDET 11:5 - BUKUIT NE TILIL

⁵ Ko u ye mengen oretab usonet anan ole nertoi kowekab lakwet eng’ moetab inendet ne managat; u noto mengen boisietab Kamuktaindet ne yaei tuguk tugul.

Bukuit Ne Tilil

⁵ Ko uu ye mengen ooreetap usoonet anan ole nertoi kawegap lakweet eng' moetap ineendet ne managaat; uu nooto mengen poisyetap Kamuktaindet ne yaei tuguuk tugul.

BUKUIT NE TILIIL Sireet ne Dutero Kanon

⁵ Ko uu ye mengen ooreetap usoonet anan ole nertoi kawegap lakweet eng' moetap ineendet ne managaat; uu nooto mengen poisyetap Kamuktaindet ne yaei tuguuk tugul.

AMDOINDET 11:5 ပူးပေါင်းရင်းမြစ်များ

Kitabuutap JOB 37:23

Magimuchi kegeer Inendet ne bo Kamuktaet; tinyei telunatet eng’ kamuktaet: Mainyalilisiei eng’ kiruoget ak eng’ imanda ne o.

Kitabuutap JOB 38:4

Kiimi ano ye kiandoi lumeiywekab ng’ony? Mwau anyun, ngot itinye naet.

Kitabuutap JOB 5:9

Inendet ne yaei tuguk che eechen che maisiagaksei; Tuguk che kikwong’e che maiitoksei:

TIENWOGIKAL 104:24

Ee Jehovah, chang’ ne tia boisioniguk! Kiiyai tugul eng’ ng’omnatet: Nyiitat ng’ony magornatosieguk.

TIENWOGIKAL 40:5

Ee Jehovah Kamuktaindennyu, kiiyai boisionik che chang’ che kikwong’e, Kabwatutik che ibwatenech: Magimuchi ketetun; Ngot ale amwaita ak ang’alale, Ko chang’ mising’ kot ko magimuchi kiit.

TIENWOGIKAL 92:5

Eechen ne tia boisioniguk, ee Jehovah! Matinyei ole bochin kabwatutiguk.

AMDOINDET 1:13

Ak kiagiil muguleldanyu kocheng’ ak kosiach eng’ ng’omnatet agobo tuguk tugul che kiyaei eng’ kureretab kipsengwet: kiigochi Kamuktaindet werikab bik boisiet ne bo nyalilda kotigone.

AMDOINDET 1:6

Usyin usonet murot ne bo tai, ak koweek kwo murot ne bo katam; weechegei kotugul eng’ ole bunoti, ak koweeksei kogeny eng’ ole boch yiemutikyik.

AMDOINDET 11:4

Magolsei inendet ne ribei usonet; ama kesei inendet ne keerei bolik.

AMDOINDET 3:10

Kiageer boisiet ne kigogochi Kamuktaindet werikab bik kotigone.

AMDOINDET 3:11

Kigoyai kiy age tugul kogararanit eng’ betunnyi: ak kiinde mugulelwekwak kabwatetab koigeny, ago nganda u noto, ko maimuch konai chito boisiet ne kigoyai Kamuktaindet koboch taunet agoi kagesunet.

AMDOINDET 7:24

Kit ne mi, ko mi ye loo, ak kiwa orit mising’; ng’o ne imuchi konyor?

AMDOINDET 8:17

kiageer anyun boisionik tugul che bo Kamuktaindet, ale maimuchi chi konai boisiet ne kiyaei eng’ kureretab asista: amu agot ngogiilgei chito ne tai, kole kocheng’, ko manyoru; ee, agot ngo len chito ne ng’om konai, ko maimuchi konyor.

ISAIAH 40:28

Tos tom inai? Tos tom igas? Manyaluli, ama ng’etei Kamuktaindet ne bo koigeny, inendet Jehovah, Yaindetab ng’ony komugul; maisiagaksei naennyi.

JOHANA 3:8

Usyin koristo ole machei, ak igase cheennyi, ago mengen ole bunu, anan ole wendi: ko u noto chi age tugul ne kagisich eng’ Tamirmiriet.

ROMANIK 11:33

Ee tianitu anyun oindo ne bo magornatosiekab ng’omnatet ak naetab Jehovah! Ak kiruogutikyik che maisiagaksei, ak ortinwekyik che ma cheng’oksei!