2 SAMUEL 6:16 - BUKUIT NE TILIL

¹⁶ Ak kingoit moingetab Jehovah nganasetab Daudi, koiit Mikal cheptab Saul eng’ tirisiet, ak kogeer laitoriat Daudi kotorombeni kourereni eng’ taitab Jehovah; ak kisas inendet eng’ muguleldanyi.

Bukuit Ne Tilil

¹⁶ Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

BUKUIT NE TILIIL Sireet ne Dutero Kanon

¹⁶ Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Ak kiiyokto Daudi bik koba oldab Is-boset weritab Saul, kolenji, Kona osotiondennyu Mikal, ne kianyonune koito irirenik bogol che bo Pilistik.

2 SAMUEL 5:7

Ago kinam Daudi irimetab Sion; noto ko nganasetab Daudi.

2 SAMUEL 6:15

Kiib anyun Daudi ak got tugul ne bo Israel moingetab Jehovah, kotienonu ak koguutonu iriagok.

2 SAMUEL 6:20

Yeityo koweek Daudi koberur bikab gonnyi. Ak kinyo sang’ Mikal cheptab Saul kotorok Daudi, ak kole, Ka itororot ne tia, laitoriatab Israel rani, ne kang’anygei rani eng’ taitab otwogikyik che tibik che bo otwogikyik, ko u age eng’ kiptangoinik che ng’anyegei ama iliani!

1 ATEPTAP PEETUUSYEK 15:29

Ak kingoit moingetab arorutietab Jehovah nganasetab Daudi, koiit Mikal cheptab Saul eng’ tirisiet, kogeer laitoriat Daudi kourereni ak kogasigei; ak kisas inendet eng’ muguleldanyi.

TIENWOGIKAL 123:3

Rirenech, ee Jehovah, rirenech; Amu kigonyiiech sasisiet mising’.

TIENWOGIKAL 69:7

Amu kiaegu ne kirosyin agobo inye: Kigotuch togennyu kalilanet.

ISAIAH 53:3

Kigisas, ak kiesio bik inendet; chitab arogenosiek, ne ingen ng’wanindo: ak kigisas inendet ko u chito ne ung’e bik togochikwak, ama kiit inendet kele kiy.

POISYONIGAP CHE KIYOKTOI 2:13

Ago kichombil alak kole, Kabogityo eng’ divaik che leelach.

1 KORINTOEK 2:14

Mataachei chito ne mi eng’ atebetab borto tuguk che bo Tamirmirietab Jehovah: amu berberindo eng’ inendet; ak temene kobesio tuguchoto, amu naoksei eng’ tamirmiriet.

1 SAMUEL 18:17

Ak kilenji Saul Daudi, Keero, cheptanyu ne o, Merab, agonin inendet itun: egu kityo nyiganennyu, ak iyai lugosiekab Jehovah. Amu kile Saul, Mamache kotwa eunekyuk inendet, ago ingobar inendet eunekab Pilistik.

1 SAMUEL 18:20

Ak kicham Mikal Daudi, cheptab Saul: ak kigimwachi Saul, ak kiibaibai ng’olyondonoto inendet.