2 SAMUEL 5:1 - BUKUIT NE TILIL

¹ Kibwa anyun bororiosiek tugul che bo Israel ole mi Daudi eng’ Hebron, ak komwa, kole, Keero, ki koweguk ak bortang’ung’.

Bukuit Ne Tilil

¹ Ki pwa anyun pororyosyek tugul che po Israel ole mi Daudi eng' Hebron ak komwachi koleenji, “Keero, acheek anyun ko ki koweguk ak poortang'ung'.

BUKUIT NE TILIIL Sireet ne Dutero Kanon

¹ Ki pwa anyun pororyosyek tugul che po Israel ole mi Daudi eng' Hebron ak komwachi koleenji, “Keero, acheek anyun ko ki koweguk ak poortang'ung'.

2 SAMUEL 5:1 ပူးပေါင်းရင်းမြစ်များ

TAUNET 29:14

Ak kimwachi Laban kolenji, Angen komie ale, i kowekyuk ak banyekyuk. Ak kitebi ak inendet arawet agenge.

2 SAMUEL 19:12

O tupchosiekyuk, o kowekyuk ak banyekyuk: amu nee anyun si oegu che bo let eng’ kamutunetab laitoriat koweek?

2 SAMUEL 19:13

Ak olenji Amasa, Tos ma i kowekyuk ak banyekyuk? Ingoyaiywa Kamuktaindet ko u noto, ak kotes, ngot ko meegu kiptaiyatab luget eng’ tainnyu kotugul igeer Joab.

2 SAMUEL 19:14

Ak kiwelel mugulelwekab bik tugul che bo Juda, ko u ne bo chito agenge; kot koyokto kemwachi laitoriat, kolenji, Mie iweeige koboto otwogiguk tugul.

2 SAMUEL 19:43

Ak kiwolji bikab Israel bikab Juda, kolenji, Kitinye kebeberwek taman eng’ laitoriat, amu kitinye kebeberta ne o eng’ Daudi kosiirok: ko amu nee anyun si osasech, si moteebenech kotom omutu laitoriandennyo? Ak kigoromitu ng’alekab bikab Juda kosiir ng’alekab bikab Israel.

2 SAMUEL 2:32

Ak kila Asael, ak kotupchi kereritab kwandanyi, ne kimitei Betlehem. Ak kiba Joab ak bikyik kemout tugul, ak kieekyi Hebron.

EPESOEK 5:30

amu ki kebeberwek che bo bortanyi.

NG'ATUTIK 17:15

inde anyun iman koek laitoriat koboun, inendet ne leweni Jehovah Kamuktaindeng’ung’: inde age eng’ tupchosieguk koek laitoriat ne boun: amat inde bunotyot ko boun, ne ma ne otupche.

HEBRANIK 2:14

Amu yamdoi anyun lagok korotik ak borto, kinam choto inendet agine ko u noto; si kobiit kong’em eng’ oretab meet inendet ne tinyei kimnatetab meet, noto ko oindet;

JOSHUA 10:36

Ak kitogosta Josua eng’ Eglon, koboto Israel tugul, koba Hebron; ak kobargei:

KIRUOGIK 9:2

Kaigai omwachi bik tugul che bo Sekem kogas ngo mie eng’ okwek koboiywok werik tugul che bo Jerubaal che tamanwogik tisab, anan boiywok agenge? Obwat kogeny ole a kowekwok ak ko a banyekwok.