2 SAMUEL 3:3 - BUKUIT NE TILIL

³ ak werinnyi ne bo aeng’ ko ki Kileab, ne kisichei Abigail ne ki osotiotab Nabal Karmelindet; ak ne bo somok ko ki Absalom ne kisichei Maaka cheptab Talmai laitoriatab Gesur;

Bukuit Ne Tilil

³ Weeriinnyi ne po aeng' ko ki Kileap, ne kisichei Abigail ne ki osotyotap Nabal Karmelindet. Ne po somok ko ki Absalom ne kisichei Maaka cheptap Talmai laitoryatap Gesur.

BUKUIT NE TILIIL Sireet ne Dutero Kanon

³ Weeriinnyi ne po aeng' ko ki Kileap, ne kisichei Abigail ne ki osotyotap Nabal Karmelindet. Ne po somok ko ki Absalom ne kisichei Maaka cheptap Talmai laitoryatap Gesur.

2 SAMUEL 3:3 ပူးပေါင်းရင်းမြစ်များ

2 SAMUEL 13:1

Kitinyei Absalom weritab Daudi chepkamet ne kararan, ne kainennyi ko ki Tamar; ak kicham Amnon weritab Daudi inendet.

2 SAMUEL 14:23

King’eet anyun Joab kwo Gesur, kwo komut Absalom konyo Jerusalem.

2 SAMUEL 14:24

Ak kile laitoriat, Ingowo gonnyi, amat konyo kogeera togoch. Kwo anyun Absalom gonnyi, ama keer laitoriat togoch.

2 SAMUEL 14:32

Ak kiwolji Absalom Joab kolenji, Keero, koaguurin ale, Nyo yu si kobiit ayokten iwe oldab laitoriat, ilenji, Amu nee si anyo eng’ Gesur? Kita mie atebe oloto agoi: chamwa anyun nguno ageer togetab laitoriat; ak ngot atinye tengekto, kobara.

2 SAMUEL 15:7

Ak kingogesgei kenyisiek artamu, kolenji Absalom laitoriat, Kaigai ichamwa awa agoito kaarortaennyu, ne kiaarorji Jehovah, eng’ Hebron.

2 SAMUEL 15:8

Amu kiarorte ane otwogindeng’ung’ ye kita ami Gesur eng’ Suria ale, Ngot koweekta Jehovah kogeny iman awa Jerusalem, aboisiechini anyun Jehovah.

2 SAMUEL 18:33

Ak kiarogen mising’ laitoriat, ak kitogosta kwo got orit ne mi ormarichet barak, ak korir: ak kingowendi kolenoti, Ooi werinnyu Absalom, werinnyu, werinnyu Absalom! Kata kaigai ame ne kata inye, Ooi Absalom, werinnyu, werinnyu!

2 SAMUEL 2:2

Kotogosta anyun Daudi oloto, koboto osotikyik aeng’, Ainoam Jesreelyot, ak Abigail ne ki osotiotab Nabal Karmelindet.

1 LAITORINIK 1:6

Ago ma iim inendet kwandanyi eng’ betut age tugul, kole, Amu nee si iyai ko u nito? Ak ki muren ne kararan kot agine; ak kirubu Absalom.

1 LAITORINIK 2:15

Ak kile, Ingen ile ki nenyu bounatet, ak kigeera Israel tugul, kole alaitoran: ago kiwalak bounatet, ak kigobunji werit ne kitupche: amu ki nenyi kobunu Jehovah.

1 ATEPTAP PEETUUSYEK 3:1

Chu anyun ko ki werikab Daudi, che kigisikyi inendet eng’ Hebron: taita ko ki Amnon, ne kisich Ainoam Jesreelindet; ne bo aeng’ ko ki Daniel, ne kisich Abigail Jepkarmelyot;

1 ATEPTAP PEETUUSYEK 3:2

ne bo somok ko ki Absalom, weritab Maaka cheptab Talmai laitoriatab Gesur; ne bo ang’wan ko ki Adonija, weritab Hagit;

NG'ATUTIK 3:14

Kiluul Jair weritab Manase emet komugul ne bo Argob, agoi kiwotetab Gesurik ak Maakatik; ak kiguure choto, agot Basan, koguurtoe kainennyi, Habot-Jair, agoi ra.)

JOSHUA 13:13

Ago ma on lagokab Israel Gesurik, anan ko Maakatik: kimeny Gesurik ak Maakatik kwenutab Israel, agoi ra.

1 SAMUEL 25:3

Kainetab chichoto ko ki Nabal; ak kainetab osotiondennyi ko ki Abigail; ak ki ng’om osotiondonoto, ak kitinyei itondo ne kararan: ago ki uui met chichoto ak ki yaach boisionikyik; ak ki bo oretab Kaleb.

1 SAMUEL 25:42

Ak kichirjiren Abigail, ak kong’eet ak kolany sigiriet, koboto tibik mut che kitinyei che kiisub inendet; ak kiwa kosub bikab Daudi, ak kiek osotiondennyi.

1 SAMUEL 27:8

Ak kitogosta Daudi ak bikyik kobokyi Gesurik, ak Girsik, ak Amalegik: amu choto ko ki bik che kimenyei emonoto, bik che ki bo keny, eng’ oret ne kibunei kebendi Sur, agoi emetab Misri.