2 SAMUEL 23:5 - BUKUIT NE TILIL

⁵ Ma u noto iman gonnyu eng’ Kamuktaindet; Ago kigoyomiswa kayomiset ne bo koigeny, Ne kigichob eng’ tuguk tugul, ak ko lumdaat: Amu noto ko yetunennyu tugul, ak ko magennyu tugul, Agot ngo mayai kotesak.

Bukuit Ne Tilil

⁵ Tos ma uu nooto iman koonnyu eng' Kamuktaindet? Tos ma ki koyomiswa kayomiset ne po koigeny, ne ki kichop eng' tuguuk tugul ak ko ne lumdaat? Amu nooto ko yetunennyu tugul ak ko magennyu tugul, Agot ngo ma yai kotesak.

BUKUIT NE TILIIL Sireet ne Dutero Kanon

⁵ Tos ma uu nooto iman koonnyu eng' Kamuktaindet? Tos ma ki koyomiswa kayomiset ne po koigeny, ne ki kichop eng' tuguuk tugul ak ko ne lumdaat? Amu nooto ko yetunennyu tugul ak ko magennyu tugul, Agot ngo ma yai kotesak.

2 SAMUEL 23:5 ပူးပေါင်းရင်းမြစ်များ

TAUNET 9:16

Ak ye took anyun chemng’isiriet eng’ boldet, ageer, si kobiit abwat kayomiset ne tebyei agoi koigeny ne mi kwenutab Kamuktaindet ak kiy age tugul ne sobei ne bo bor, ne mi ng’ony.

2 SAMUEL 12:10

Ara anyun, magoi istogei rotwetab chok eng’ gong’ung’: amu koisasa, ak koimutu osotiotab Uria Hitindet koek osotiondeng’ung’.

2 SAMUEL 13:14

Ago ma cham kogas ng’alekyik: ago, amu ki kim kosiir cheboto, ko kisuub ak koruiyo ak inendet.

2 SAMUEL 13:28

Ak king’at Absalom otwogik kolenji, Ogeero, ye kagobaibait muguleldab Amnon eng’ maiyek; ko, ye alenjok, Okwer Amnon, obar anyun inendet, mat oiywei. Ma ane ne kang’atak? Ogimegitu ak onyiganitu.

2 SAMUEL 18:14

Kole anyun Joab, Ma mie kigage ne te ni ak inye. Ak kinam kiblitok somok, ak kotoor muguleldab Absalom, ye kita kosobei eng’ ketoto.

2 SAMUEL 7:12

Ak ye igesgei betusieguk, ak oruiye ak kwanisieguk, ang’eet iyoteng’ung’ ne biitu let, ne bunu bortang’ung’, ak agimit bounatennyi.

2 SAMUEL 7:18

Yeityo kwo go laitoriat, kwo kotebi ng’ony eng’ taitab Jehovah; ak kole, A ng’o, ee Kiptaiyat Jehovah, ak nee gonnyu, kot imutwa agoi ra?

1 LAITORINIK 1:5

Kiieetgei Adonija weritab Hagit, kole, Aegu laitoriat: ak kichopchigei karisiek ak che lanyei mbartanyisiek, ak bik konom che ruaei kondoe inendet.

1 LAITORINIK 11:38

Ak ngot igas tugul che ang’atin, ak iwendote ortinwekyuk, ak iyai che achame, irib etanutikyuk ak ng’atutikyuk, ko u ye kiyai Daudi otwogindennyu; atebe koboten, ateegun got ne kim, ko u ye kiateekyi Daudi, ak agonin Israel.

1 LAITORINIK 12:14

ak kong’alalji ichek ko u ye kiga mwachi neranik, kolenji, Kiyai baba choging’wong’ konyigisit, ago atese choging’wong’: kiitigonenok baba kipcharitisiek, ago atigonenok melmelwek.

TIENWOGIKAL 111:9

Kigoyokyi bikyik katiaget; Kigong’at kayomisennyi kobunji koigeny: Tilil kainennyi ne kiywei.

TIENWOGIKAL 119:81

Tanui sobondanyu amu machei yetuneng’ung’: Ago amang’u ng’olyondeng’ung’.

TIENWOGIKAL 27:4

Kiamage kit agenge Jehovah, noto ne acheng’e; Ale atebe gotab Jehovah eng’ betusiek tugul kote asobe, Si ageer kororonindab Jehovah, ak abwati eng’ hekalunnyi.

TIENWOGIKAL 62:2

Inendet inegei ruandennyu ak yetunennyu: Inendet ko irimennyu ne koi; magiistoa mising’.

TIENWOGIKAL 89:3

Kigiyomisge ak nenyu ne kialewen, Kiayosiechi Daudi kiboitiondennyu, alenji,

ISAIAH 11:1

Ak komong’une temet oretab Jesii, ak koi logoek temet ne biitune tigitikyik:

ISAIAH 27:6

Kimitu Jakobo eng’ betusiek che bwanei; bitei Israel ak kong’at: ak konyiit ng’ony logoek.

ISAIAH 4:2

Kororonitu ak kotororitu eng’ betunoto temetab Jehovah, ak ko telunotin ak ko kororon logoekab emet eng’ ichek che kichililso eng’ Israel.

ISAIAH 54:10

Amu istogei tulonok ak kiutoi tulonok che mengechen; ago maistoenengei talasiennyu, ama kiistoi kayomisennyu ne bo kalyet, mwaei Jehovah ne rirenen.

ISAIAH 55:3

Oeb it, ak obwanja, ogas, si kosopcho sobonwekwok: ak kiyomisyige ak okwek kayomiset ne bo koigeny, noto rirenosiek che bo iman, che bo Daudi.

ISAIAH 61:8

Amu achame ane Jehovah kiruoget, aweche rebisiet koboto tengekto; ak ayaakyini ichek eng’ imanit, ak kiyomisyige ak ichek kayomiset ne bo koigeny.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

JEREMIA 32:40

ak kiyomisige ak ichek kayomiset ne bo koigeny, ale matuktochini batai ichek ago ayachini ne mie; ak ande kaiyweisiennyu mugulelwekwak, si maistoenagei.

JEREMIA 33:21

ta kimuchi kebut agine kayomisennyu ne kigiyomisge ak Daudi otwogindennyu, kot kobetyi werit ne laitorani eng’ ng’echerennyi ne bo laitornatet; ak ne kiayai koboto Lawik tisiik, kiboitinikyuk.

EZEKIEL 37:26

Ak kiyomisge ak ichek kogeny eng’ kayomiset ne bo kalyet: egu eng’ ichek kayomiset ne wendi agoi koigeny: ak alumde ichek, ak ates, ande oldanyu ne tilil kwenunywa agoi koigeny.

AMOS 9:11

Ang’eeti eng’ betunoto emaitab Daudi ne kigobut, ak agerate ole kibutok; ak atuuru karatwekyik, ak ateech koigei ne ki bo betusiek che bo keny.

POISYONIGAP CHE KIYOKTOI 13:34

Ak ko u ye kiing’eet inendet komong’ eng’ che kibek, ma koweekyingei amu inendet kogeny nunet, kimwa ko u ni, kole, Tun agonin kaberuroik che tililen, ak ko bo iman, che bo Daudi.

HEBRANIK 13:20

Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,

HEBRANIK 6:19

ne kitinye ne u nangetab sobondo, ne kingen ak ko lumdaat ne wendi orit kot kosiir anget ne kigioiye;

1 SAMUEL 2:35

Ak ang’eetyige tisiindet ne kiyani, ne tun yaei kit ne mi muguleldanyu ak eng’ kabwatutikyuk: ak ateekyi inendet got ne kim; ak kowendote taitab nenyu ne iilat koigeny.

1 SAMUEL 25:28

Asain ale, nyochi kaat cheptang’ung’ ne otwogindet, lelutiennyi: amu igimiti Jehovah iman gotab kiptaiyandennyu, amu yaei kiptaiyandennyu lugosiekab Jehovah; ama kinyorjinin yaitiet eng’ betusieguk tugul.