2 SAMUEL 22:7 - BUKUIT NE TILIL

⁷ Kiaguur Jehovah eng’ bichiindanyu, Ee, kiaguur Kamuktaindennyu: Ak kigas kutinnyu eng’ hekalunnyi, Ak kiit rirekyuk itikyik.

Bukuit Ne Tilil

⁷ Ki aguur Kamuktaindet ne Toroor eng' pichiindanyu, ee, ki aguur Kamuktaindennyu; Ki kas kutinnyu eng' hekalunnyi, ak ki it riirekyuk itiikyik.

BUKUIT NE TILIIL Sireet ne Dutero Kanon

⁷ Ki aguur Kamuktaindet ne Toroor eng' pichiindanyu, ee, ki aguur Kamuktaindennyu; Ki kas kutinnyu eng' hekalunnyi, ak ki it riirekyuk itiikyik.

2 SAMUEL 22:7 ပူးပေါင်းရင်းမြစ်များ

TIENWOGIKAL 107:6

Kirirji anyun Jehovah eng’ nyalildanywa, Ak kisor ichek komong’une bichiinwekwak.

TIENWOGIKAL 116:4

Kiaguur anyun kainetab Jehovah; Ee Jehovah, asain ale, sorua sobondanyu.

TIENWOGIKAL 120:1

Kiarirji Jehovah eng’ bichiindanyu, Ak kiwolwa.

TIENWOGIKAL 18:6

Kiaguur Jehovah eng’ bichiindanyu, Kiarirji Kamuktaindennyu: Kigas kutinnyu eng’ hekalunnyi, Ak kiit itikyik rirek che kiarirji.

TIENWOGIKAL 27:4

Kiamage kit agenge Jehovah, noto ne acheng’e; Ale atebe gotab Jehovah eng’ betusiek tugul kote asobe, Si ageer kororonindab Jehovah, ak abwati eng’ hekalunnyi.

TIENWOGIKAL 34:6

Kirir kimnyaliliandani, ak kigasyi Jehovah, Ak kisore inendet eng’ nyalilwogikyik tugul.

KOMONG'U 3:7

Ak kilenji Jehovah, Koageer iman nyalilwogikab bikyuk che mi Misri, ak koagas rirekwak amu kayagik che usausi; ak angen ng’wanindanywa;

JONAH 2:4

Ak kiamwa ale, Kagewirta si ma igeera; Ago ta atokyinige hekalung’ung’ ne tilil.

JONAH 2:7

Ye kitanui sobondanyu, abwat anyun Jehovah: Ak kiit ole imi saennyu, agoi hekalung’ung’ ne tilil.

HABAKUK 2:20

Ago mi Jehovah hekalunnyi ne tilil: ingosis ng’ony komugul eng’ tainnyi.

LUKA 22:44

Ak ye kimi inendet nyalilda ne ng’wan, kotes kosa mising’: ak kigergeitu kaotikyik ak korotik che sachin ng’ony.

HEBRANIK 5:7

Ne ki eng’ betusiek che kimi eng’ borto, ko kagogoito sautik ak somutik eng’ rirek che eechen ak beekab kong’, korirjin inendet ne kiimuchi kosor eng’ meet, ak kingo kagegasyi amu kaiyweisiennyi ne kiywei Jehovah.

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.