2 SAMUEL 22:44 - BUKUIT NE TILIL

⁴⁴ Kiisorua aginye eng’ boriosiekab bikyuk; Kiiriba aek metitab bororiosiek: Tun ota bik che tom anai.

Bukuit Ne Tilil

⁴⁴ Ki isarwo aginye eng' pooryosyegap piikyuk; ki iriibo aek metitap pororyosyek, tuun ota piik che tomo anai.

BUKUIT NE TILIIL Sireet ne Dutero Kanon

⁴⁴ Ki isarwo aginye eng' pooryosyegap piikyuk; ki iriibo aek metitap pororyosyek, tuun ota piik che tomo anai.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Ak kiwelel mugulelwekab bik tugul che bo Juda, ko u ne bo chito agenge; kot koyokto kemwachi laitoriat, kolenji, Mie iweeige koboto otwogiguk tugul.

2 SAMUEL 19:9

Ak kibiit suriet eng’ bik tugul eng’ bororiosiek tugul che bo Israel, kole, Kisoruech laitoriat eng’ bunikyok, ak kisoruech eng’ eunekab Pilistik; ak nguno ko kigomwei inendet eng’ emet komwee Absalom.

2 SAMUEL 20:22

Kwo anyun kwonyoto eng’ ng’omnatennyi ole mi bik tugul. Ak kitil ichek metitab Sheba weritab Bikri, ak kowir konyo sang’ ole mi Joab. Ak kiguut anyun Joab iriaget, ak koba eng’ nganaset, kwo chi tugul emainnyi. Ak kiweek Joab kwo Jerusalem ole mi laitoriat.

2 SAMUEL 3:1

Ak kibiit boriet eng’ betusiek che chang’ eng’ gotab Saul ak gotab Daudi: ak kigimit Daudi kotesak, ago kichecheiyot kimnatetab gotab Saul kwo let.

2 SAMUEL 5:1

Kibwa anyun bororiosiek tugul che bo Israel ole mi Daudi eng’ Hebron, ak komwa, kole, Keero, ki koweguk ak bortang’ung’.

TIENWOGIKAL 110:6

Iruochi eng’ bororiosiek, Inyiiti emotinwek muswek: Tun kwerei metowek eng’ emotinwek che chang’.

TIENWOGIKAL 18:43

Kiisorua eng’ boriosiekab bik; Kiigona aek metitab bororiosiek: Tun ota bik che tom anai.

TIENWOGIKAL 2:8

Soma, si agonin bororiosiek koek boroteng’ung’, Ak agonin tabanwekab ng’ony kobunjin.

ISAIAH 55:4

Ogeero, kiagoite inendet koek aboriat eng’ bororiosiek, koek kandoindet, ak ko ng’atindet ne bo bororiosiek.

ISAIAH 55:5

Keero, iguure bororiet ne mengen, ak kolabatyin bororiet ne kima kongenin, amu Jehovah Kamuktaindeng’ung’, ak amu Inendet ne Tilil ne bo Israel; amu kigotororin.

ISAIAH 60:12

Amu lusei bororiet ak bounatet ne maboisieun; ee, king’emei bororiosiechoto kobetyo.

ISAIAH 65:1

Teeba bik che kima koteeba; kigonyorua ichek che kima cheng’a: kialenji bororiet ne kima kemwaitae kainennyu, Ogeera, ogeera.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

HOSEA 2:23

Ak agoljige inendet eng’ emet; ak arire inendet ne kima kirire; ak alenji ichek che kima ko bikyuk, O bikyuk; ak kole, I Kamuktaindennyu.

ROMANIK 15:12

Ak kogeny mwaei Isaia kole, Tun biitu tigitiotab Jesii, Ak inendet ne tun ng’eetei koboi Bororiosiek; Kotun imang’u inendet Bororiosiek.

ROMANIK 9:25

Ko u ye mwaei agine eng’ Hosea kole, Aguure ichek bikyuk, che kima ko bikyuk; Ak aguure inendet chamanet, ne kima ko chamanet.

NG'ATUTIK 28:13

Yain Jehovah iegu metit ago meegu katutiet; ak iegu ne mi barak kityo, ago meegu ne mi ng’ony; ngiepchi it ng’atutikab Jehovah Kamuktaindeng’ung’, che ang’atin rani, irib ak iyai;

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.